منتظر رد احد من الاخوان

المسافة بين زيلامسي وميونخ ساعتين وبين سالزبورغ وزيلامسي ساعه وثلث اذا تبي تزور روست فالمسافة 4 ساعات وعليها شاقه عليك ونصيحه لاتضغط جدولك انت بشهر عسل

قايدعنادك
طيب اخوي انا حاب سكن في زيلامسي او سالزبروغ
كم المسافه بين بعضهم
وقارمش بالتحديد كم تبعد بالسياره عن زيلامسي
واخيرا فينا لان الاحتمال العودة من مطار فينا كم ساع بالظبط من
زيلامسي الى فينا او سالزبروغ الي فينا
تمنى المساعده لوضع الخطط والترتيبات

شوف ياعسل شهر العسل تتذكره لو يكون عمرك مية سنه(الله يطول بعمرك) فلا تضغط نفسك فيه فينا من زيلامسي حوالي الاربع ساعات نصيحتي 12 يوم ميونخ وصول فقط يعني من توصل تتوجه الى سالزبورغ وتجلس فيها 3 ليال بعدين زيلامسي 5 ليال او 6 بعدين ميونخ 3 ليال ومنها ليله لقارمش تطلع لها من ميونخ واذا ماعندك مشاكل بالميزانيه زود الليالي الى 17-16 ليله وارتب لك جدول تدعي لي انت والمدام في انتظارك

قايدعنادك
اوك اخوي انا راح اتابع معاك وماعندي مانع انك ترتبها للي
لان مكتب السياحه اتعامل معه سلسين جدا من ناحية تغير الخطه وسعر التكلفة الاجمالية
ومن ناحية المدة ماقدر ازيد عدد الايام لان انا عندي عمل وزجتي موظفه عندها عمل فالوقت جدا قصير انا ابيها 12 يوم
يوم 12 العوده الى ارض الوطن
وراح اخذ سياره للتنقل بحكم اقامتي سابقا في نيوزلندا ومعي رخصه نيوزلديه وللغة جدا كويسه راح تساعدني الحمد الله
ابي ترتيب الخطه ومن ضمنها المسافات نفسي اعرفها بالظبط كم تاخذ وقت بالسياره والكيلو تمنى المساعده اخوي ولك مني جزيل الشكر والتقدير
واذا تحب يكون بينا تواصل عبر الهاتف لايوجد للدي مانع

بالانتظار الجدول قبل يوم السبت عشان تفرغ له بالويك اند واخذ القرار النهائي من حكم جدولك اخوي
يعني كنسل سالفة فينا بكذا راح تقل المصاريف بالتنقل والسكن
حلو
انا الي يهمني النزول مطار ميوينخ وبعدها يتم الترتيب بين زيلامسي وسالزبورغ
والاماكان السياحه حقت شهر العسل والتمشيات
ملاحظه مهمه اخوي زيلامسي تقولي الي بمكتب السياحه
الاسعار الفنادق جدا غاليه كونها مدينة ومنتجعات اغلبها
فنحتني اجعل الاقامتي اغلبها في سالزبورغ ايش رايك في كلامها
وقالت بكذا يطلع علي بحدود 17 الف مع الفيزا والتذاكر والفنادق الي تحجزهم للي مع الاضافه التوصيات للخدمات شهر العسل

ياعسل ,,, اذا انت متعامل مع مكتب سياحي بزعل منك اللي بياخذونه منك انت اولا فيه الموضوع سلس وبسيط وعلى فكره كم واحد مايدري وش السالفه وخطط بنفسه وطلعت رحلته من اجمل الرحلات. المهم مخططك الجديد كالتالي وصول ميونخ وعلى طول سالزبورغ 3 ليالي سالزبورغ 5 ليالي زيلامسي 1 ليله ماينفيلد (على الحدود السويسريه النمساويه والغرض منها تريح فيها ليله وتمر بيت هايدي واليوم اللي بعده تكمل الى انترلاكن) 4 ليالي انترلاكن 3 ميونخ 16 ليله وسمع الله لمن حمده في انتظارك وبلاش مكاتب سياحيه ياعسل

قايدعنادك
مرحبا ياعسل
الخطه حلوه اخوي
المكتب السياحي للسهولة التنسيق والدفع وحجز الفنادق .... والخ
وبالنسبه للمكتب اعرف صاحبه شخصيا اخوي شخص صديق مقرب للي
قال للي جيب الخطه الي تبيها والباقي عليهم والتريتبات
لان بصراحه ماعندي خلفيه كبيره من ناحية الدفع والحجوزات الخ
المهم يالغالي انا رحلتي مدتها 12 يوم نفس ماقلت لك بردي الاول
تمنى التعديل
1يوم اقامة واليوم 12 يكون الرجعه
وبغى منك توضيح المسافات بين المناطق الي ذكرتها كوني بستاجر سيارة من زيلامسي او مطار ميونيخ فكرة السيارة براسي