arsenal19
16-12-2022 - 02:20 pm
بسم الله الرحمن الرحيم اللهم صلي وسلم على اشرف الخلق محمد صلى الله عليه وسلم
انا ان شاء الله زواجي بدايه شهر مايو 2014/5/2 _ 1435/7/3 الله يسهل ويكتب الى فيه الخير وراح اقضي شهر العسل لمده 10 الى 12 يوم في تركيا مابين اسطنبول _ طربزون _اوزنجول _ بورصه / ان شاء الله وهذي راح تكون اول سفره لي بتركيا وحبيت استفيد من خبراتكم في هذا المنتدى العريق للاستمتاع باجواء ومناظر تركيا الجميله وتكون بدايه حياة طيبه بالزواج وعقبال الباقين ان شاء الله حاب استفسر عن /
1_ الطيران وش افضل وسعره معقول لني لقيت حجز بالخطوط السعوديه ب3400 شخصين والتركيه تختلف حول 4000 وبالنسبه لطيران الداخلي وش الطريقه والافضل لني لقيت الطيران التركي الداخلي غالي مره ب2500 لشخص الواحد مو معقوله هذي كلها عن طريق مكاتب السياحه وجاتني معلومه مهمه بس مو متاكد منها يقولون احجز عن طريق الاون لين يكون ارخص وبسعر 300 وحولها شي غريب
2_ خطة السير الى في بالي مادري كويسها عاد والا لا ولكن نحتاج خبراتكم ومانستغني عنكم هي اني اوصل مطار اسطنبول وعلى طول اروح طيران لطرابزون من وقتي وارويح هناك لمده 4 او 5 ايام ويكون السكن في طرابزون وازور اوزنجول من نفس اليوم ويكون السكن في طرابزون طول المده ثم العوده لسطنبول والجلوس يوم واحد بعدها اروح لبورصه واجلس يومين او ثلاثه بعدها ارجع لسطنبول واكمل المده الباقيه هناك الى انا نرجع لوطننا الحبيب ان شاء الله
3_بالنسبه للتكاسي الافضل هي ان استاجر سياره او استخدم الميترو في اغلب تنقلاتي سمعت ان التاكسي غاليه مره واسعارهم مرتفعه وش الطريقه الاسهل وماتكون مكلفه
4_ بالنسبه للفنادق وش الاقرب والافضل ويكون موقعه مناسب وهل فيه مدينه مائيه او ملاهي في تركيا تستاهل ازورها
واعتذر عن الاطاله عليكم ولكن اتمنى مساعدتي ومثلكم خابرين اول مره ونبغى نبسط واصير قدامها بطل وفارس احلامها الحقيقي