ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
mohammad99997
05-12-2022 - 07:45 am
دخلت الموقع فلاي ان ولقيت عرض مقري عطوني رايكم؟؟
وحصلت ع خطوط السعوديه
واذا موثوق الموقع فلاي ان عطوني خبر لني ابي احجز من عندهم
او احد حجز من طريقهم
يعطيكم العافيه


التعليقات (9)
sh0sh01406
sh0sh01406
انا كنت اتصفح فيه استفدت منه بحيث انو بين لي اقل الاسعار بس بصراحه ما استرجيت احجز.منه رحت حجزت من موقع الاتحاد

mohammad99997
mohammad99997
يعطيك العافيه انا ابي احد جرب وحجز منه

أبو معاذ العمري
أبو معاذ العمري
موقع فلاي ان موقع مشهور لكن الافضل أن تتصل عليهم وتتأكد بنفسك
لكن حقيقة اللي اعرفه أنه موقع موثوق
لكن لاحظت أنه أكثر من شركة
طيران بالحجز
واعرف كثير من الزملاء حجزوا عن طريقهم فنادق وطيران
بس اذا تبي نصيحتي كلمهم بنفسك

mohammad99997
mohammad99997
يعطيك العافيه بو معاذ كلمتهم وعاد طلعتلي بنت وقالتلي كل التفاصيل بس تدري هم ابي احد حجز عشان اتاكد واحجز وللمعلومه قالتلي الدفع يا فيزا او تحويل احد البنوك ولين الحين متردد

mohammad99997
mohammad99997
صح اكثر من شركه ولكن الارخص اهم شي اني اروح وارجع بسلامه ماتهمني فخامه الطياره هل في اشكال يعني انها تكون اكثر من شركه

أبو معاذ العمري
أبو معاذ العمري
اخوي محمد اقصد انا ودي تتاكد هل الرحلة برقم حجز واحد
ام عدة ارقام لانه كذا المشكلة
هي في الشنط تستلمها ثم تنتقل
الى مبنى آخر وهي خصوصا
مشكلة لمن لديهم عفش كبير
عموما انا قلت لك احد الزملاء حجز عن طريقهم
فنادق وطيران من الرياض الى دبي وعبر طيران الخليج تحديدا

mohammad99997
mohammad99997
بدق عليهم وبشوق كيف حجزهم بتفصيل وبعطيك خبر مع العلم انا. رايح تمشيه ماني بروح حق اشتري هدايه شنطه ملابس يعطيك العافيه

mohammad99997
mohammad99997
هلا بومعاذ استفسرت وقالواي تذكره وحده
اهي الرحله احنه مسوينها كذا
ودخلت موقع طيرات الخليج وشيكت ع طياره وصج نفس الوقت
ودخل موقع مطار ابوظبي وصج في طياره ماليزيا تمشي
رايكم نصيحتك

مسافر دايم9
مسافر دايم9
هلا اخوي محمد
وانا ابحث عن خبر عن موقع فلاي ان لقيت مشاركتك وقلت خلني اعطيك تجربتي بكل امانه
انا اشتري من الشركه هذي من اول ما فتحت تقريبا وشركه ما قد واجهت معاها اي مشكله لا من خلال الموقع ولا من خلال مركز الاتصال
الموقع موثوق فيه
وبحكم خبرتي في الحجز من المواقع ومن مواقع شركات الطيران لقيت ان فيه مواقع اجنبيه لها مصداقية وممتازه بس مشكلتها فرق العملة وفرق التوقيت يعني لو حصل لك تبي تعدل تبلش معهم وفرق العمله يوصل مية او ميتين احيانا حسب قيمة الحجز واذا كلمتهم قالو لك من بنكك وهم صادقين
بالنسبة لمواقع شركات الطيران ممتازه بس فيها عيب فرق العملة وفيها مشكلة التعديل والإسترجاع يطول شوي
انا مرتاح احجز من فلاي ان اعدل بالإيميل ويكلموني اذا فيه فروقات واسترجع تذاكري وفي اقل من 3 ايام المبلغ راجع لحسابي
عطيتك خلاصة تجاربي في المواقع من 2008


خصم يصل إلى 25%