بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



مناحي بالبستان مناحي بالبستان
رحلتي إلى الريف الألماني والريف النمساوي !
12-12-2014 - 11:50 pm

السلام عليكم ورحمة الله وبركاته
حياكم الله شخباركم كيف الحآل ..؟
هذا ياطويلين العمر والسلامه موضوع سفرتنا إلى ألمانيا والنمسا ، طبعاً خل أقولكم قصة هالسفره كيف
قررت انا وأخوي نحضر مباراة ريال مدريد ويوفينتوس الأياب الي كانت بمدريد بتاريخ 24 / 10 / 2013
وكانت تصادف بداية الدراسه بعد عيد الأضحى وقررنا نسافر لها ونسحب ع أول اسبوع من المدرسه الله يخلي رصيد الإضطراري جت أختي وعلمناها عن الخطه طبعا هذا الكلام كان بنهاية شهر 10 هجري يعني باقي على السفره شهر ونص وقالت بسافر معكم وقالنا مافيش مشاكل خوذي الأذن وتعالي معنا ويوم جت الموافقه وكذا وشفنا حسافه تكون اسبانيا بس 4 ايام وقلنا خل نعيد فيها بس خل تصير سفره مدتها 11 يوم وتسوى تقدر تمشى بأسبانيا على كيفك
بدت عملية البحث ونشوف التقارير وانصدمنا الصراحه مافيه أي شي اسبانيا يحمسك تروح لها دورنا هنا وهنا بس ماش مالقينا شي يحمس ! وجت فكره من اختي بحكم انها كد سافرت لأوربا قبل وحنا ما سافرنا ابد قالت خلونا نطلع بس لألمانيا والنمسا ! وتكون السفره مدتها 12 يوم يعني لا عطلنا من الدوامات الخميس تكون السفره الجمعه وما نرجع إلا بعد بداية الدوامات بأسبوع ونجرب عيد الأضحى هناك
قلبنا الفكره بروسنا وجازت لنا
وعلى طول فتحنا مواقع الطيران وحجزنا على الخطوط الألمانية ( Lufthansa )



التذكرة كلفت على الواحد 3800 ريال
الرياض - فرانكفورت
ميونيخ - فرانكفورت - الرياض

ولأننا حجزنا متأخر عشان كذا السعر كان مرتفع شوي !
طبعا هالخطوط اتعب وانا اقول بطله بطله بطله من ناحية التعامل والخدمه وكل شي ..
كان تعاملهم جدا راقي
خلصنا حجز الطيران جا وقت حجوزات السكن وغثاهن
بدت عملية البحث والحمد لله طحنا بسكن بطل صراحتن وخلصنا حجوزاتهن وكلش .
وفطنا للتأشيره لأننا ناسين اختي لازم تطلع تأشيره وحنا مايحتاج بحكم اني انا وأخوي نحمل الجواز الأمريكي :D فمريحين روسنا من سالفة السفاره والتعب !
طبعا كانت مجازفه كبيره منا بهالسفرة لأننا دفعنا حق الطيران ودفعنا بعض السكن كتأمين وكذا وفيرة أختي ماطلعت !
عاد ما طلعت إلا قبل السفره بأربع ايام ذاك اليوم سوينا حفله وعيد ما صدقنا إنها طلعت ولا كان تكنسلت السفره بس الحمد لله

السياره حجزتها من يورب كار الي على طريق الأحسا قدام جرير
حجزت منهم سياره مورسيدس بق c200 ميزتها الشنطه كبيره ووسيعه
كلفت علينا 12 يوم 4300 ريال مع التأمين الشامل
طبعا ميزة يورب كار اني يوم جيت احجز من فرعهم الي بالرياض ما دفعت إلا 75 ريال بس أجور إدارية يعني إذا بغيت تسحب عليها ما تخسر إلا 75 ريال بس
والمبلغ تدفعه إذا وصلت للمطار ورحت لهم تدفع المبلغ ، طبعا يسون على المبلغ بلوك وبعد يومين يفكونها ويرجع لحسابك ثم لا خلصت وسلمت السياره يسحبونه من جديد
طبعا لازم الفيزة تكون المحفوره فطبعا ما مثل مسبقة الدفع حقت الراجحي .

طبعا كانت طريقة الرحله كذا
روست - غارمش - كابرون - ميونيخ

عاد الردود الجايه ندخل فيها بالتفاصيل مع الصور
خلوكم بالقرب





المشاركات

مناحي بالبستان مناحي بالبستان
رحلتي إلى الريف الألماني والريف النمساوي !


أهلن بكم من جديد
ايوا نكمل
طلعنا للمطار يوم الجمعه الموافق 11 / 10 / 2013
وكانت رحلتنا الساعه 1 بالليل
طلعنا للمطار وكان اول موقف صار يوم رحنا نسأل وين موقع هالخطوط عشان العفش قال لنا واحد انها تكنسلت هو قالها ولا ما قالها وحنا كل واحد جته الشهقه حتى بحاول ارد ما قدرت بديت أتأتأ قلت له يابن الحلال وش تكنسلت ماجانا خبر ولا شي :( قال على وين أنتم ! قلت فرانكفورت ! قال إيييييييي لا هذي تمام ماعليك الي إلتغت حقت ميونيخ ! بهاللحظه ودي اخمه يوم قالها ههههههههههه صراحتن انصدمنا بس الحمد لله وكانت بدايه ما تبشر بالخيل :/




يوم خلصنا ودفينا العفش رحنا نرفه عن أنفسنا بمعشوقي برجر كنج :$



صديق الرحله وليد طبعا هو مدريدي وصادف جنبه اثنين كلهم من برشلونه



ننتظر الإقلاع





خرفنوني يوم جابو لي حليب بوني



هذا فطورهم طبعا



يوم وصلنا هناك وفرحن اني أخذت العفش نبي نطلع



طبعا بمطار فرانكفورت تستلم السياره بنفس المطار فيه مواقف تحت وتستلم السياره



اخذنا السياره وتوكلنا على الله





عز الله هالقارمن ضبطنا



ميزة طرقهم السرعه مفتوحه :$ ومحسوبكم ما قصر



فجأه تذكرنا إننا ما صلينا الفجر :/ وقفنا على طول عند أقرب موقف ولابسين صيفي والجو صقييييع صح صافي بس درجة الحراره 5 برررد بس بردهم دلع



لازم نصور ونفرح بالأراضي الألمانيه



طبعا صارت مشكله بحجزنا كانت وجهتنا يوم وصلنا الساعه 6 الصبح للمطار اننا نطلع لروست ونجلس فيها 3 ايام وكان عندنا حجز وكلش
ولقينا رساله من بالإيميل يقول انه صارت فيه مشكله بالحجز باليوم الأول بس فعشان كذا بعوضكم وبعطيكم سكن أول يوم بستراسبورغ روحو هناك واليوم الثاني والثالث ترجعون لسكنكم بروست !
عاد سبحان الله جت مصادفه لإن نيتنا لا وصلنا للسكن بروست ننام لين 1 الظهر ثم نطلع لستراسبورغ ونتمشى فيها لأنها قريبه وتعتبر هي مقاطعه فرنسيه !







يوم دخلنا المدينة ستراسبورغ
هناك ما تعرف إنك طلعت من ألمانيا ودخلت بفرنسا إلا عن طريق stc يرسلون لك مافيه لا حدود ولا غيره



هنا بشقة الذيب مارك



ماقصر مضيفنا بذولي خخخخخخخخ
يوم ارسلنا الصوره لأمي الظاهر جلست تدعي عليه ساعه



ثم عاد ارسلنا لها هالصوره قلنا جلسنا نصلح قهوتنا لا تهمك ضيافة مارك ههههههههههههه
بس هذي شي أساسي بكل سفره ..
أخذنا غفوة إلى 1 الظهر وصلنا حنا للشقة الساعه 10 ونص وقلنا نريح عقب الرحله شوي ثم نتمشى بالمدينة



حبيبتي يالقهوة



طلعنا نعس الأرض :D






عند كنيسه مدري وش اسمها بس معروفه بهالمنطقه وكل الي حولها أسواق





قلنا نسد جوعنا شوي ونحرك الضروس :$



واضح طاقنا البرد من هالي لابسهن انا هههههههههههههه



شحاذتهم على سنع



خلوكم قريبين


مناحي بالبستان مناحي بالبستان
رحلتي إلى الريف الألماني والريف النمساوي !




وصلنا لنهر الراين





لازم الفلسفه والتبطح حتى هناك





يعنني ماشوفك





يعنني اشوفك



اول يوم نتعشى ووهقنا وليد شاف اسم مطعم وكنه جاز له وقال خل نجربه !
وطلبنا ولا أكلنا شي مالغ أكلهم ياربي لك الحمد تكرم النعمه !
ورجعنا للبيت وجايبين معنا مؤونه حقت اسبوعين
ورجعنا ناكل كورن فلكس




الشقه حقت مارك كانت غرفتين وصاله وحمامين
انا حجزت الصاله انام فيها فيني عشق للصالات موب طبيعي
وهذي صوره ليلية قبل أنام

خلوكم قريبين


هاوية الاسفار هاوية الاسفار
رحلتي إلى الريف الألماني والريف النمساوي !



ما شاء الله تقرير رائع و مشوق و الحماس باين من اوله
بس اكره شيء انك تكون متحمس و توصل المطار و يصدمونك بالصدمات اللي مالها داعي

متابعين في الصفوف الاولى بس لا تطول علينا


مناحي بالبستان مناحي بالبستان
رحلتي إلى الريف الألماني والريف النمساوي !


يوم قمنا اليوم الثاني جمعنا عفشنا وكل شي عشان تكون طلعتنا مره وحده عشان لا خلصنا جدول اليوم ننزل ع روست ..
طبعا حنا متفقين ان القومه تكون 6 ، طبعا 6 توها ما دخل وقت الفجر بس عشان نقوم ونصلح القهوه ونطلع نتمشى ونحلل اليوم كامل
كان جدول اليوم الثاني نطلع لمدينة ( كولمار الفرنسية - فرايبورغ - بادن بادن )



يوم قمنا الصبح وجلسنا نتقهوى عشان نصحصح





يجوز الواحد يتزوج قهوه



توكلنا على الله وحركنا لم كولمار



الجو كان رايق



هناك ندور الشمس دواره



فجأه قلب الجو ضباب ! ياخي جوهم بعد وش مره شمس ومره ضباب ! يقلدونا يعني ! حنا مره مطر مره عجاج





مدينة كولمار الجميلة






طبعا موزعين السواقه يوم انا يوم وليد طبعا بس انا الي مطلع رخصه دوليه
لقينا موقف مجاني وقفنا السياره فيه وطلعنا نتمشى فيها مدينة اتعب وانا اقول جميله



واضح انه مأدب النوم بقوة



يامسكين يا انا ملعوب علي شايل شنطة الجوازات والأغراض المهمه بس هذي ضريبة تكون أمير الرحله









مستمتعين جدا وحنا نتمشى فيها هوا نقي جو رايق



بجيحين طبعا حنا نمشي بوسط الشارع وكل شوي تمر سياره ويهاوش يعني وين يابو الشباب تمشي هنا



خلصنا تمشى وكلش ورجعنا لموقف السياره وكان جنبه حديقة وشلنا فرشتنا وفطورنا وقهوتنا وقلنا خل نجلس فيها .
والناس تمر وتشوف مستغربين بس ماعليه اهم شي مستمتعين :$







الصمت في حرمة الجمال جمال



هنا عاد طلعنا ومشينا لم فرايبورغ

خلوكم قريبين :$


مناحي بالبستان مناحي بالبستان
رحلتي إلى الريف الألماني والريف النمساوي !


هلا والله
وحشتوني :$
<< ياتسذبك اقول



وصلنا لم مدينة فرايبورغ لا تزيد جمال عن مدينة كولمار



نفس النظام وقف سيارتك بموقف مجاني ثم ابدا تمشى بالمدينة حللها كلها





ساحة كنسيه ونفس الفكره كنسيه مشهوره بس مدري وش اسمها
لإن الصراحه الجدول الي مصلحه اختي وهي الي مضبطتنا ولا لو علينا كان توهقنا





والعياذ بالله مصور عند الكنسيه



بدينا ناخذ لفه على المدينة ونتفرج عليها ، طبعا اخطينا انٌا جيناها يوم أحد لأنه ويكيند عندهم ويكون كل شي مسكر





لقينا هالزين وقلنا خل ناخذ لنا شي بسيط ومنها بعد نريح رجولنا شوي












طلع هالخبل من الكنيسه وناس يلحقونه اخبل منه



طبعا يوم ركبنا السياره وجالس اشوف الجدول وين بنروح


بالطريق لم منطقة بادن بادن



وصلنا لم هالحديقة الجميلة
كبيره وتفتح النفس
طبعا بجيحين دخلنا السياره ولقينا موقف يوم وقفنا ونزلنا ونلقى مكتوب برايفت ! وقلنا يارجااال محد داري واذا جا احد نقول جدد ما نفهم ولا نعرف شي ههههههههههه لأن الموقف بعيده مره عند الحديقة وتعبنا من المشي



الخضره والجمال والوجه الحسن :$



حلالاة والله الكاتم هنا
<< يالحبيب قسم الثمامه من الجهه الثانيه موب هنا





وهذولي جالسين يلعبون تسلابهم ، ياويليه بس الظاهر يحبون تسلابهم اكثر من عيالهم





فجأه وحنا نمشي ولاه جاينا تسلب يركض انا تعلقت بأختي هههههههههه خل اتغدى بها قبل تعشى بي منب ادانيهن ابد ! واشوا وليد وقف قدامه وجلس يلعبه وهو يرتجف وانا اقوله انزلع هناك وخره بس عنا :( وهالمنب قايل راعيته جالسه بعيد وتفرج ! والظاهر زعلت علينا لأننا نهاوش ونصارخ هههههههههههههه





جميل المكان صراحتن



الورد للورد :$







طلعنا لم سنتر المدينة وجلسنا نتمشى فيه





خلوكم قريبين أويلاه :$


مناحي بالبستان مناحي بالبستان
رحلتي إلى الريف الألماني والريف النمساوي !






لازم نشيك على اي محل مفتوح



كنا متحمسين نتغدا من هالمطعم بس صار يسكر من 4 العصر



عاد طلعنا بعده لم الزحليقه الصيفيه





يوم رجعنا وخلصنا وصلنا روست وفللنا بنزين لأن ورانا بكره يوم حافل بعد

لا تبعدون اويلاه :$


هاوية الاسفار هاوية الاسفار
رحلتي إلى الريف الألماني والريف النمساوي !


انا قريبه و الباقي ما ادري عنهم
تابع ؟؟؟؟؟؟


مناحي بالبستان مناحي بالبستان
رحلتي إلى الريف الألماني والريف النمساوي !


اليوم الثالث كانت الخطه انه يكون كله بملاهي يورب بارك
ملاهي عالمية عظيمه تفتح النفس صراحتن
وبالنسبه لي اشوف انه يكفيها يوم واحد
كالعاده القومه الساعه 6 .
اللهم اول يوم سبقتني اختي وقامت من 6 إلا ربع حماس اول يوم
والايام الي بعدها اقوم من 6 واشب على القهوة ثم اروح اقومهم
وجا اقتراح انه ما نطلع على طول للملاهي خل نطلع لم بحيره قريبه تبعد عن روست بس 60 كيلو اسمها بحيرة تيتسي
طبعا كان الجو مطر



رحنا لم هالسوبر ماركت نبي نتقضى منها بس ماش مافيها شي وكان فيه واحد موصينا على بقاله ممتازه وفعلا لقينا فيها كل شي وكان فيها مخبز بس ماصورتها







الجو البطل








يوم وصلنا لم البحيره وطبعا فيه مواقف خاصه فيها وكانت فاضيه وكان المطر موب قوي ولاهب ضعيف ويقولنا الحارس انتم مجانيين ! محد يجي بهالأجواء ويجلس يضحك !
وانا اقول بنفسي يالحبيب حنا ما تزين لنا الكشتات إلا وقت المطر هههههههههه




شلنا عفشنا وفطورنا ونزلنا لم البحيره _



المكان بطل بطل بطل أتعب وأنا اقول بطل بطل بطل



الكوكيز هذا إدمان


طبعا جلسنا هنا ساعتين وشوي جايز لنا المكان وبقوة وكان الجو يساعد





البط كل شوي طاب عندك مثل البساسه عندنا




خلاص انا إنتهيت :(





أبي أسكن بذاك البيت



فيه شي يالحبيب !



السيارات تشطفنا وحنا اهم شي نوقف ونصور
ياخي مكان بطل وجو بطل







الفطور كان بالسياره



اعداام الجبن السايل
من المؤن الي جبناها معنا





رجعنا للفندق بدلنا ملابسنا لأنها ربصت من المطر ثم طلعنا لم يورب بارك وواضح ان وليد داخل جو وهو يصور فديو



دايم بالمقدمه عشان ادلهم <<









يوم وصلنا للملاهي
طبعا طلعنا لها على رجولنا من الفندق ، لأن مدينة روست صغيره مره مافيها إلا هالملاهي بس

عسا ما طولت عليكم بس :$
مابقى شي وأخلص :$


مناحي بالبستان مناحي بالبستان
رحلتي إلى الريف الألماني والريف النمساوي !




مدخل الملاهي



رقمتني بعينها
فلفعتني أخيتي





تذاكر الدخول
وإذا ما خانتني الذاكره التذكره الوحده 20 يورو
بس داخلين عشان نتمشى ياخي العابهم تخوف مره




كان يصادف احتفال الهلاويين



القرع على أفا من يشيل








يبونا نلعب ولا نخاف









سبحان الله نفس جسمي





هنا كان عرض أسباني



طلع المؤونه وأجلس نقنق شوي





فترة رقص شوي





هنا عرض فور دي كل شي رقص برقص عندهم





وختمنا يومنا ببرجر كنج



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

رحلتي إلى الريف الألماني والريف النمساوي !