جاكرتا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عبدالله معدي
14-12-2022 - 12:31 am
  1. قبل تحول فلوسك تاكد من سعر العملة


السلام عليكم
اسعد الله جميع اوقاتكم بكل خير
هذي نصيحة بالمجان لكل شخص قبل يسافر

قبل تحول فلوسك تاكد من سعر العملة

انا في المطار بتاريخ 20 يناير 2014 وحولت مبلغ كبير اكثر من 6000 الاف ريال سعودي والريال الواحد يساوي 3225 روبية
المحاسب المجرم اخذ الحاسبة قبل اطلع جوالي واحسب معاه وضرب الارقام قدامي ولكن ضرب 6000 * 2325 والصح 3225 وانا وثقت لان العملية كانت قدامي واخذت الفلوس ولا عطاني ايصال وهذا اكبر غلط سويته ولما عديتها ورجعت له انكر الموضوع وانا ما عندي الايصال عشان اثبت
فكانت هذي عملية النصب الاولى ... ونصيحة اصرفو من خارج المطار
العملية الثانية وهذي اكبر عملية نصب واحتيال
لما طلعنا من جاكرتا على بونشاك عند نقطة التفتيش وقفنا 3 عسكر وقدامي 3 سيارات اجرة وكلنا من دول الخليج وانا اتوقع بانها مأمرة مع السائق ...
ركب معنا عسكري في السيارة والاخر يفتش الاغراض والثالث ينتظر واقف على باب التاكسي ينتظر زبون جديد
وما حصل علينا اي مخالف وفي اخر لحظة التفت علي وانا في المقعد الخلفي وطلبني جواز السفر وعطيته وقال موعدك غداً في المحكمة لعدم ربط حزام الامان والله اني انجنيت لما قال المحكمة
.. المهم اجتمعو العسكر علي وقالو لازم تستلم الجواز غداً من المحكمة وانا خلاص ابغى ادفع اي مبلغ وافتك من المصيبة ولكن خويي رفض وجادلهم وانا اهدي الوضع اخاف من المحكمة
في النهاية رجع السواق ومسوي نفسة خايف حسبي الله ونعم الوكيل وقال ادفعو لكل واحد 1000000 مليون روبية ما يعادل 300 ريال سعودي وانا اخذت الجوال وصورت الموقف والنقاش الحاد مع خويي وصورت التكاسي الثانية ربعنا وعلى طول سحبو الجوال وطلب مني امسح المقط والا بيرسلة مع الجواز للمحكمة وعلى طول مسحتة لان هذي ادانه فعلية علي
المهم بعد نقاش لاكثر من ساعة خفضو المبلغ من 3 مليون الى 800 الف فقط وللعلم اقسم بالله انني حسيت بمعنى القهر على هذا الاستغلال والاستفزاز للخليجيين خاصة
فهذي قصتي واسف على الاطالة ولكن اتمنى كل شخص يحرص وخصوصاً نقاط التفتيش خل وضعك في السليم واربط حرام الامان
ونصيحة اخير هذي شاهدتها مع بعض الشباب في الفنادق يدفع مبلغ السكن كاملاً مثلاً لمدة اسبوع
واذا اراد الخروج قبلها لا يرجعون المبلغ كاملاً و يخصمون نص المبلغ بحجة انك طيرت عليهم ربائن بحجزك لاسبوع ثم تغادر قبلها
يعني حاولو تخلون الدفع بشكل يومي او كل يومين افضل واضمن
مع السلامة


التعليقات (9)
الطائرالجريح
الطائرالجريح
بالنسبة للنقطة الأولى و الثانية , فتحدث
لكن ليس دائما ..
بالنسبة لي , أقوم بعد المبلغ قبل المغادرة
و أقوم بتصوير الجواز من سكني في جاكرتا
و لا أعطيهم الجواز أبدا ..
حتى و إن أعطيتهم الجواز , فلا أرضخ لهم
و سيعطونك الجواز بعد وقت ..
النقطة الثالثة , طالما أعطيتهم المبلغ كاملا
فلا يحق لك المطالبة بالباقي عند تقديم الخروج
لكننا نتصرف بعض الأحيان إن غادرنا قبل
يوم مثلا , بأن نقول لهم : باقي يوم , سأذهب
إلى بالي أو الجبل , و عند العودة سأستوفي اليوم

- فهد الدهمشي -
- فهد الدهمشي -
أخوي عبدالله معوض ان شاء الله اول شيءبعدين يوم اخذ الجواز وقال لك فلوس ولا المحكمة قول له " تعقب "
طلع جوالك السعودي على طول تلقى رقم السفارة السعودية ودق عليها وصدقني لو رفضت تعطيه بيرجع جوازك غصب عنة
لان الراكب الي ورا مو ملزوم انه يربط الحزام بس الشخص الي قدام
انا رايح نهاية الشهر واتمنى يصير معي هالموقف لا اقلب هالسالفة على راسة
انا كذا مره يجيني بالفلة شرطة بالفلة معهم كتاب مدري وشو تقول دفتر صادر ووارد حق الاحوال
ويطلب مية الف عشان امان ... اخش بعينة اقول امان الله وفي سفارة سوي امان انت مافي سوي امان
تراه شعب خواف ان جبت طاري السفارة يركد

زائر
الموقفين حصلت معاي
لكن صدقني الشاطر صعب ينضحك عليه لكن تشكر على طرح تجربتك
ضروري تحسب قبل تعطيه المبلغ هذا شئ اساسي
الموقف الثاني حصلت معايا لكن مايحلم ياخذ شئ وكان يبغى يودينا المحكمه وركبنا الدوريه واخذنا لفتين ورجعنا
وقال خلاص روحوا لانه او مره اسمع حزام الامان عليه مخالفه للركاب في الخلف
وغير كذا معطيني قوانين المخالفات باللغه الاندونيسيه ولمن سألته عن النسخه الانجليزية نفى هذا الشئ
وانا رايح حصلتهم ماسكين عائلة بعدي واعتقد انها مؤامرة متعودين عليها
تحياتي

البرنس المسافر
البرنس المسافر
يعطيك العافيه
وربي يعوضكم ان شاءالله ويعوض كل من تعرض لمثل هذه الابتزازات
وشاكر لك عرض هذه التجربه والنصيحه
دمت بود محبكم / البرنس المسافر

عبدالله معدي
عبدالله معدي
انا نزلت الموضوع للفائدة فقط
واذا احد بيسافر ياخذ احتياطاته
وشكراً للجميع ع الردود

khallaf
khallaf
حمدلله على سلامتكم ...

علاء السلمي
علاء السلمي
سلام عليكم ورحمه الله وبركاته
اهلين اخوي معوض خير ان شاء الله , وان شاء الله ما خربو عليكم الرحله
امكن خفت لأن ما قد حصل لك مثل كذا أو محد نبهك انه ممكن تمر بمثل كذا ولا كان تصرفت الصح
انا نصيحتي الأولى بعد سفرتي لأندنوسيا وبعد ما شفت بعيني أن أول ما تحط رجلك بمطار جاكرتا تروح للسفاره وتسجل أسمك تبعد كل المخاوف عنك ( خاصتن العوائئئئئل )
لأنهم شعب لو حصلو فرصه على السايح الخليجي والله تحصلهم يأكلون اللحم ويرجعونك عظم ولا يرحمونك

فيصل
فيصل
شكرا لك
المصيبه اذا طاح بعائله والسواق يدري انهم اول مره عاد حلها
خاصه السواقين المتلكعين

turki_990
turki_990
الحمدلله على السلامه
معوض خير ان شاء الله
يعطيك العافيه


خصم يصل إلى 25%