المانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
DON 3ZOZ
12-12-2022 - 12:29 am
السلام عليكم ورحمة الله
أسعد الله أوقاتكم بالخير و المحبة
أحتاج رأيكم في مخطط لشهر العسل في اوقست القادم
الرحلة مبدئياً 14 يوم تبدأ من 2 اوقست و تنتهي ب 16 اوقست
حتى الآن ما حجزت شي و جالس أقرأ لكن تهت مع كثرة الإختيارات
ما أبغى أتنقل كثير يعني 4 مدن تكفيني
يهمني أزور اليورب بارك
أسعفوني يا أصدقائي بمشورتكم بالمخطط الأفضل
طبعاً راح أستأجر سيارة 8 أيام تقريباً
الميزانية تقريباً 35 ألف تقريبا


التعليقات (7)
زائر
مرحبا انا كانت رحلتي فيينا بعدين بالقطار سالزبورغ بعدين استاجرنا سيارة
من مدينة المانية جنب سالزبورغ وبعدها توجهنا الى زيلامسي بعدين مرينا على انسربوك
وبعدها الى يورب بارك يومين وبعدها ميونيخ يومين
كانت قمة في الروعة

زائر
نسيت اقول لك مبروك الزواج الله يجعل ايامك كلها عسل

meaker2020
meaker2020
اختي العزيزة don3zoz
نصيحه 3 مدن تكفيج
بين كولون - هامبورغ - شتوغارت
اليورو بارك تبعد عن شتوغارت 50 دقيقة بالقطار وشكرا

DON 3ZOZ
DON 3ZOZ
صباح الخير
شكراً للأصدقاء اللي شاركوا
أيهم أفضل الذهاب من فرانكفورت و العودة من جنيف
أو الذهاب من فرانكفورت و العودة من ميونخ

خلف الستار
خلف الستار
ماشاء الله تبارك الله ..
مبروك .. وجعلها حياة سعيده وعقبال الذريّة الصالحه...
(لا تنسى تعزمنا بعد هالدعاوي الزينه )...
ياليت توضح لي اذا انت بتروح بس المانيا او فيها دولة ثانيه..
والشغله الثانيه... ليه بس 8 ايام اجار سياره...

DON 3ZOZ
DON 3ZOZ
خلف الستار
حياك الله يا أخوي خلف الستار و شاكر لك دعواتك ياسيدي الكريم
و أكيد أنت أول المعزومين
غيرت المسار للمرة الألف، آخر ما توصلت له ( فرانك فورت ذهاب و العودة من باريس )
أحتاج مساعدتك في توزيع الأيام بين ( فرانكفورت - بادن بادن - انترلاكن - كونستانس - جنيف - باريس )
فرانكفورت راح تكون وصول فقط أيضاً جنيف راح تكون محطة مغادرة لباريس ما راح أجلس فيها
أحتاج فزعتك يا غالي بتوزيع الأيام و أفضل مكان لإستلام و تسليم السيارة
شاكر ومقدر لك

خلف الستار
خلف الستار
الله يحييك ويبارك لك...
والله ياخوي.. قعدت اقلبها .. يمين ..يسار.. فوق تحت... اللي مسببه مشكله هي ((باريس)) لأنها بعيده ومشوار من نظري مايستاهل العنا...
فانا انصحك اول شي انك ماتترد .. اعزم وتوكل والله يوفّق
الشي الثاني... انصحك بالتالي..
وصول لفرانكفورت.. ومنها تأجر السيّاره..
وتريح فيها 1 ليله
لبادن بادن ( 175 كيلو تقريبا ) 3 ليالي
من بادن بادن الى كوستانس (200 كيلو) 3 ليالي
من كوستانس الى انترلاكن ( 200 كيلو ) 4 ليالي
من انترلاكن الى جنيف (200 كيلو ) باقي الايام تسليم السياره والمغادره من جنيف..
هذا من وجهة نظري افضل.. ولعل الاخوان يفيدونك بكل خير...


خصم يصل إلى 25%