1. انا عندي مجموعه تسائلات

بسم الله الرحمن الرحيم
السلام عليكم ورحمه الله و بركاته

انا عندي مجموعه تسائلات

اول شي انا معي فيزه سياحيه الى امريكا مدته خمس سنوات وناوي ادرس بالصيف لغه لمده ثلاث اشهر وحاب اخذ مكثف وهذا يتطلب مني تحويل الفيزه الى دراسيه هل تعرفون الطريقه التحويل بالتفصيل
الشي الثاني انا كرهت شي اسمه معاهد تجاريه مثل EF و KAPLAN و............... لانهم ازعجوني بكثر اتصالاتهم كل يوم يعرضون علي حسيت ان هدفهم مادي بحت وانا ابحث عن جامعه ادرس فيها لغه اذا تعرفون جامعه تستقبل طلاب لمده ثلاث شهور فقط و اذا مافيه ابي معهد مظبوط من ناحيه سمعه تدريس و جديه مابي يلعبون علي كل يوم رحله وحفلات انا ابي معهد شبه عسكري بجديته وتعليمه
طبعن مستواي اقدر اقول مبتدئ مقارنتن بالمتحدث لكن مو معناته اني ادرس مستوى اول او ثاني
ثالث شي ماهي افضل امريكا او كندا في الدراسه مع ذكر السبب بتفصيل الممل الكريه الي يخلي الواحد كذا
رابع شي ابي ادر س في مدينه كبيره حتى لو كانت غاليه , يهمني الجو كثير اتقبل الجو من المعتدل الى البراد وابعدوني عن المدن الحاره طبعن الكلام كله في الصيف
خامس شي وشلون الواحد يستفيد من سكن مع العائله فائده كبرى ابي طرق تخلي الواحد متفاعل مع العائله مابي مثل بعض من الشباب يسكن عند عائله نظامه ينام يقوم يفتح الثلاجه ياكل تست وجبن ويستأذن من العجوز يقول ابي اطلع وكل يوم نفس السالفه كذا مافيه فايده ابد ابي طرق تخليني امارس المحادثه حتى ولو هي مكسره ,العب معهم , اطبخلهم , كل شي يعني الزبده وشلون امون عليهم
سادس شي وشلون الواحد يستفيد من الحياة العامه ويتفاعل معها بحيث كسب اللغه من الشارع (مقاهي ,مطاعم اسواق.......)وهو مايفقه شي
سابع شي وش الكتب والقواميس المفيده للمبتدئ في رحلتة
ثامن شي وش دوري في تجهيز نفسي قبل الرحلة بمايخص الدراسه مثل حفظ الكلمات هل فيه شي ثاني غير ماذكرت
وبعد ماتجاوبو على اسألتي الكثيره والغثيثه احب استمع تجاربكم وخبراتكم السابقه
وألف ألف شكر لكل من راح يساعدني