اللي اعرفه الجو بارد مره
الاماكن سهل الوصول لها بالنفقيشن
بما انها محدوده المتر يخدمكم كثير

.. مشكور أخوي فيصل تنصحوني بسيارة ولا أكتفي ب المواصلات العامة وشوهي الأوراق المطلوبة لتأجير السيارة

الجو شديد البروده مثل ما قال مديرنا
احتمالية تساقط الثلوج وارده و مؤكده .. القياده في الظروف الجويه هذه صعبه
الافضل مترو

الاوراق المطلوب لا شيء
فيزا لا تكون مسبقه الدفع
مرات يطلبون رخصه قياده دوليه ومرات يكتفون بالرخصه السعوديه الشغله مزاج احيانا تتوقف علي الموظف
ا

1. السلام عليكم

السلام عليكم

بالنسبة للسفر في شهر يناير انا شخصيا رحت لباريس السنة اللي فاتت في شهر يناير وكان الجو بارد جدا ولكن ممتع وهذا السبب اللي خلاني اعود لزيارة باريس في نفس الفترة و انشالله سفرتي يوم 16 يناير الى فرنسا
اما بالنسبة للقيادة و استاجار السيارة في فرنسا انا صار لي مع هل سفرة اربع مرات اروح فرنسا و استخدم سيارة ... افضل لي و لاهلي لان القطارات راح تقديك في موعد محدد و اتوقع ان الساعة 12 ليلا او 11 مو متاكد بالضبط تتوقف خدمة القطارات لهذا اشوف ان السيارة اكثر راحة خاصة ان معي طفل بمجرد ما اني اخلص من الرحلة و التسوق ارجع احط الاغراض اللى معي بالسيارة وانا مرتاح و ابنتي تنام في المقعد الخلفي للسيارة براحة ...
وانا اسافر بالسيارة للدول القريبة مثل بلجيكا و المانيا و هولندا ... المسافات تاخذ ابتدأ من 3 ساعات و نصف لغاية 5 ساعات ...
وامانه خلال سفرتي اللى فاتت واجهت مشكلة مع الثلج يوم واحد فقط لان كان تساقط الثلج كثير مما استدعاني الى ترك السيارة في الفندق و استخدام القطار ...
عموما الاوراق المستخدمة في استئجار السيارة :
1. رخصة دولية للقيادة ( مثل ما تفضلوا الاخوان احيانا يكتفون بالرخصة الخاصة بدولتك )
2. بطاقة الاتمانية مثلا فيزا كارد او ماستر كارد .
هذا على حسب ذاكرتي : مهم ان يكون السائق عمرة اكثر من 21 .
الوصول بستخدام النفقيشن سهل جدا ما عليك الا تاخذي احداثي المواقع اللي راح تزورونهم او اسم المكان بس لازم يكون الاسبلنج مضبوط
واي مكان توصلون له على طول اختاروا في الجهاز اقرب موقف سيارة و راح يدلك على مواقف قريبة كثيرة خاصة داخل فرنسا
الطفل اللى معاك راح يكون البرد علية شديد يفضل ان تكون ملابسة كويسة و ثقيلة ... هناك راح تحصلون محلات كثير ملابسها تنفع لمثل هذا البرد و للاطفال كمان ...
الرجاء حجز سيارة قبل السفر افضل وتكون وقودها ديزل لان البانزين غالي ... و في المطارات راح تحصلون مكاتب استئجار كثير ...
اذا في اي سؤال انا حاضر
اسمحولي على الاطالة ..... مثل ما انتم عارفين او مشاركة لي
سبحان الله و الحمد لله و لا اله الا الله و الله اكبر

حلوه مشاركاتك اخي علي
بس حبيت انوه ان بعد 12 صحيح المترو يقفل بس بالشتاء ما فيه اماكن تقدر تروح لها الناس بعد 10

السلام عليكم
صحيح ياخوي ... اهو عموما فرنسا او اوربا بشكل عام بمجرد ما تغيب الشمس يبدأ كل شي يغلق يعني من الساعة 9 لغاية 10 مثل ما تفضلت
بس انا عندي ان استأجر سيارة افضل احس فيها بالحرية ... على سبيل المثال لو انا طالع من الفندق و متوجة الى برج ايفل او اي مكان آخر و اثناء الطريق لقيت شئ عجبني في الطريق اقدر ان اركن و انزل اتسوق
وبالاضافة لو كنت في السوق و كنت اتسوق و صار معي كياس كثيرة اقدر ان ارجع للسيارة و اتركها بالسيارة و استمر في التسوق بدلا من ان اشيل كل شئ من اول اليوم الى آخرة
اما بالقطار تدخل من المحطة اللي بالقرب من الفندق لغاية المحطة اللي جنب المكان اللى انت رايحلة يعني ما راح تشوف باريس عدل ... كلة تحت الارض ... بس كل واحد وضروفة
انا في البداية كنت متخوف من السياقة هناك بس لقيتها جدا ممتعة خاصة ان اكون طليق .. في بعض المرات امشي بالسيارة بدون الجي بي اس على شان اضيع و اشوف اماكن جديدة غير معروفة عند الغالبية من السياح
واذا في اي سؤال بخصوص استئجار السيارة في باريس انا حاضر
سبحان الله الذي لا اله الا هو الحي القيوم واتوب اليه