بخصوص المواصلات الافضل انكم تاخذون خريطه البلد من المطار سواءا للباصات او المترو لانها راح تسهل عليكم كل شيء
وفي لي موضوع يشرح كيفيه استخدام المترو في المواضيع المثبته
اما بالنسبه للزيارات 5 ايام كافيه لتغطي اغلب الاماكن ومن هالاماكن التي تستحق الزياره :

• مارينا باي
• الفلاير
• جوله بالكروز بالمارينا باي
• زيارة جزيره سنتوسا (يوم كامل)
• زيارة اليونفيرسال (يوم كامل)
• حديقة الحيوان / حديقة الفراشات / حديقة الزهور
• السفاري الليلي
• زيارة شارع الاورشارد والتسوق هناك
• زيارة شارع العرب والصيني والهندي

واي استفسار لا تترددون

يعطيك العافية الغالي ما قصرت ,, بس ممكن ترسمها لي بالايام يعني في اليوم الاول اروح كذا وكذا والثاني اروح كذا وكذا علشان بحسب خبرتك ترتبها لي حسب الاماكن وقربها من بعض يعني يمكن زيارتها في اليوم الواحدوا اقدر ازور كل الامكان في هذه المدة بدون لخبطة شاكر لك لطفك وتعاملك

لا شكر على واجب
اليوم الاول :
الاستمتاع بالفندق والسباحه في الاعلى والعشاء فيه ايضا
لانكم اذا كنتم ساكنين فيه ما راح تدفعون رسوم للذهاب للاعلى فاستغلوا اول يوم
اليوم الثاني :
التمشي بقرب نافورة اسد الميرليون والتصوير
ركوب الفلاير
الغداء بالقرب من المارينا
ركوب الكروز عند الظلامالذهاب الى الاورشارد او الروبيرتسون كي
اليوم الثالث :
زيارة جزيرة سنتوسا يوم كامل إلى المساء ( يفضل تركبون التلفريك )
الحريه لكم في الذهاب لشارع الاورشارد او شارع العرب للتسوق اوالعشاء هناك
اليوم الرابع :
زيارة اليونفيرسال ستوديوز يوم كامل بعد لي الساعه 7 مساءا
العشاء في الاورشارد او الروبيرتسون كي
اليوم الخامس :
زيارة حديقه الفراشات والزهور والحيوان
زيارة السفاري الليلي
وتقدرون تشوفون كل هالفعاليات بتقارير الاعضاء وتختارون الي تبونه او ترتبونها على راحتكم