اسبانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
code5005
14-12-2022 - 04:00 pm
سلام عليكم ورحمة الله
اخواني اعضاء هذا الصرح العظيم ، انوي بأذن الله قضاء شهر العسل في اسبانيا من بداية شهر فبراير القادم لمدة 18 يوم تقريباا..
حاب استفسر كيف حتكون اجواء اسبانيا فهالفترة، انا ما عندي مشكله مع البرد اذا انه ما ينزل تحت الصفر واشوف خضار يعني اهم شيء ما فيه ثلوج مغطيه الدنيا
حاب اسألكم ايش افضل المدن للعرسان فالتوقيت هذا علما بأني احب التنقل بالسيارة والقارمن بأذن الله،الحمد لله اتكلم الانجليزية بطلاقه وما عندي مشكلة من ناحية القيادة
وبالنسبة للشنقن هل عندي متسع من الوقت اني اصدرها خلال الايام الجيه بحيث ما تكون عائق علما بأني بأصدرها من السفارة الفرنسيه لاني ساكن بجدة وما فيه سفاره لاسبانيا وما حأنزل في فرنساا(هل فيه مشكله من هذي الناحية)
شاكر ومقدر لكم تعاونكم مقدما


التعليقات (4)
kimleeloo2
kimleeloo2
code5005
ايه فيه تقدر تستخرج الفيزا من الاسبانيه موجوده بجده بمركز التأشيرات الموحد ومكانه تمشي مع طريق المدينه وجهتك جنوب حتى يجيك طريق الملك عبدالله تروح يمين بعده يجيك اول يمين ادخل معه امشي شوي بتشوف المركز ع يدك اليمين بعدين الفرنسيه مايستخروجوا لك منهم فيزا الا اذا كنت اول محطه وصول لك او اكثر ايام اقامه بفرنسا بالنسبه للاسبانيه ماتعبتني ابد الحمدالله اخذت يومين الا الفيزا جاهزه الكلام هذا على نهايه شهر 11 ميلادي اما الفرنسيه لما استخرجتها منه سنه بنفس التاريخ هذا تقريبا اخذت ست ايام
واذا مالقيت مواعيد عندهم عادي ادفع زياده 150 ريال رسوم في اي بي و يدخلوك تسويها
الامور سهالات وبسيطه الاجراءات بس لا تنسى تكمل اوراقك عشان مايرجعوك
وبالتوفيق اخوي

code5005
code5005
يعطيك العافية اخوي kimleeloo2 على تفاعلك حقيقة انت اختصرت علي الموضوع جزاك الله خير لاني رحت لمكتب سياحي قالي اسبانيا مالها سفارة في جدة ومافيه غير فالرياض
شاكر ومقدر لك وانتظر اراء بقية الاعضاء بالنسبة لخطة السفر

kimleeloo2
kimleeloo2
code5005
الله يعافيك يارب بس انا بنت مو ولد
هو صح مافيه سفارات بالمملكه كلها الا بالرياض بس لكن فيه مركز التأشيرات الموحد تلقاه بالرياض وجده والخبر وهي اللي تستخرج منها لان ماحد يروح للسفاره كلهم عن طريق المركز

iSloom
iSloom
و عليكم السلام و رحمة الله و بركاته
أول شئ مبروك الزواج و الله يجمع بينكم بخير و يرزقكم الذرية الصالحة و عقبالنا
بكلمك عن برشلونة:
بالنسبة لجو برشلونة في فبراير فهو شتاء لكن شتاء حلو، برشلونة نادراً ما يتساقط عليها ثلوج
و بالنسبة للقيادة فأنصحك تريح نفسك منها لأنك ما تحتاج السيارة لجودة النقل العام مثل المترو و لأن السواقة صعبة هناك شوي على كلام إللي جربوا.
أنصحك تروح برشلونة 5 أيام + باريس 5 أيام + رحلة في الكروز ( 7-9) أيام
الكروز تجربة حلوة خصوصا للعرسان، و فيها أنشطة حلوة و جو رومانسي
بالنسبة للتأشيرة لازم تستخرجها من الدولة إللي بتجلس فيها أكثر عدد من الأيام على كلام المختصين، ما يصلح تطلع تأشيرة من السفارة الفرنسية و أنت بتروح أسبانيا بس.
و يُفضل إنك تطلعها من الحين عشان تتجنب المشاكل، بالتوفيق


خصم يصل إلى 25%