اولا الجو في اوغست صيف
ثانيا الحجاب اموره عادي ولاتقصدين النقاب ؟؟؟
8 ايام اول مره في باريس حلوه مره
اطلعي ع التقارير تعطيك فكره وتحسسك انك رحت لباريس قبل كذا
السكن : في الشانز اذا وك بقلب الشانز ارشح لك ماريوت ولا الفور سيزون ابد من الشباك تشوفين الشانز او تقصدين شي قريب من الشانز ؟؟؟
انا شخصيا احب السكن ع مطل ايفل لان البرج يحسسك بباريس وفرنسا كلها
والعوائل الكبيره السكن افضل لهم في اللاديفانص
الايام كلها في باريس ويومين في ديزني اذا معكم اطفال اذا بدون اطفال يكفي يوم كامل لديزني لاند
اطلعي ع هالجدول بيفيدكم
https://artravelers.com/p/re/694189

مشكورة ع الرد
اقصد النقاب او اللثمة
شاكره ردك وتعاونك اختي

وعندي استفسار عن الميزانية لشخصين انا وزوجي كم تكلف بدون التذاكر

إن شاء الله الأمور تتيسر وتكون طيبة بخصوص الإستفسار من ناحية الحجاب أو اللثام لاتحاتين فرنسا من أكثر الدول الأوروبية اللي فيها مسلمين من وجهة نظري ما أنصحج تقعدين في باريس المدة كاملة أرياف فرنسا جميلة و هادية أنصحج بشدة تقعدين في ديزني ليلتين سواء عندج يهال أو لا منطقة ريفية جميلة وتخليج أتعيشين جو الطفولة ومن ديزني تقدرين تطلعين يوم للآوت ليت و السوق اللي عنده لأن أقرب لديزني من باريس .. إن كنتي أتحبين جو اللعب و المغامرات من ناحية السكن في باريس من وجهة نظري أشوف السكن عند البرج أجمل لأنه يعطيج نكهة باريسية أما من ناحية التكلفة ف يعتمد عليج وعلى طريقة صرفج إذا كنتي ناوية تتسوقين أو لا والطيران تقدرين أتشوفين اللي إيناسبج من خلال عروض الأسعار المتفاوته

مشكوره وما قصرتي اختي ان شاء الله راح اجلس يومين بدزني
ابغى فندق مناسب في باريس في الشانزلزيه او قريب يكون قريب من المطاعم العربية
وايش افضل فندق في دزني

السلام عليكم
بالنسبة للفنادق اللي عند دزني لاند انا الصراحة دائما في فندق اسكن فيه
Relais Spa Chessy
وطبعا انا استأجر سيارة يعني اذا طلعت من الفندق اروح الى ديزني لاند بسهالة
اتوقع ان عندهم باصات تروح الى دزني من الفندق
و جهة الفندق راح تلاقين مجمع فيه سوق و كارفور واكواريوم ( متحف مائي ) ممتاز
وبالاضافة فية بعد سوق اللاوت لت كله ماركات
بعد الفندق عن دزني لاند تقريبا 5 دقائق بالسيارة
عموما الاماكن اللى محتاجتها في باريس كثيرة بس على حسب شنو ميولك و وين تحبون تروحون ... يعني متاحف او سوق .... الخ ؟؟؟
و اي سؤال انا حاضر ...
سبحان الله وبحمدة سبحان الله العظيم

ما قصر علي
حددوا تواريخكم وميزانيتكم