بوابة الرحلات البريه و الرحلات البحرية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عامر الزعابي
17-12-2022 - 07:04 pm
بسم الله الرحمن الرحيم
كيف الحال اخواني وخواتي , اليوم قلت بغير جو بعيد عن الطبخ والجدور , والظاهر كل تقاريري دايركت فالبطن قلت بنوع وراح انزل هالتقرير واللي كان بتاريخ 23-12-2013 وكانت الوجهة الى حتا و وادي القحفي , طبعا كنت بهالتاريخ اجازة سنوية فقمت الصبح وشليت العيال وام العيال وشدينا الرحال لحتا.
مابطول عليكم اترككم مع الصور.
واتمنى لكم انكم تجون مدينة حتا وخاصة في فصل الشتاء
اول مانوصل دوار حتا (دوار القلعة) بنشوف جمعية كبيرة ويقع في خلفها سد

واحد لسدود الاخرى في حتا
عجبني المنظر والشوارع المعبدة

والمنظر خلف السد شي خيال بصراحة

وفي الطريق الى وادي القحفي ولازلنا في حتا راح تشوف هالمناظر اللي تفتح النفس وودك بشاي احمر يعدل مزاجك


التعليقات (9)
عامر الزعابي
عامر الزعابي
وصلنا لوادي القحفي التابعة لسلطنة عمان ولكن مابينا حدود يعني عادي ندخلها من غير جوازات بس في نقطة تفتيش
والصور يمكن تذكرونها
اول ماوصلنا قلت بمشي في الوادي وانا شال عيالي نشوف مجرى الوادي والامور كانت طيبة

شوفوا كيف المياه صافية

في رحلة سابقة سبحت للفتحة اللي تشوفونها طبعا الماء غزير ولازم الواحد يعرف يسبح عشان يغامر , المهم من تسبح وتدخل بين الاحجار راح تشوف شلال صغير والمياه صافية وباردة وصوت الشلال وتشوف السمك الصغير جو خيالي بصراحة

وللاسف ونحن طالعين شفنا احد الشباب الله يهديه يمشي بالوادي وهو لايعرف الطريق بشكل جيد ولكن للاسف مثل ماتشوفون نص سيارته فالوادي (الله يعوضه بخير)

وفي احد الطرق

عامر الزعابي
عامر الزعابي
في طريق العودة
هذه الصور مكررة ولكنها راقت لي ارجو ان تروق لكم

اتمنى ان التقرير يكون خفيف عليكم ونال اعجابكم
ومرة اخرى اعذروني على تكرار الصور الاخيرة
ودمتم بود

زائر
ما شاءالله
سبحان الله وبديع صنعه
المكان وايد حلو والصور مطلعته احلى بعد
بس عاد يابو حمد صج ناقص هالمكان الطباخ والشاهي
علشان يعدل مزاجنا مع الصور الروعه
يعطيك العافيه على هالتقرير الروعه

طارق عنايات
طارق عنايات
الله يسلم ايدينك
المكان رائع الجمال
و التصوير بديع جدا
دمت بود

ام هلاله
ام هلاله
ماشاء الله طبيعه حلوه
الله يخليك لزوجتك واولادك ودوم تطلعهم وتبسطه

Usas
Usas
ماشاء الله , صور جميلة وروعة
تسلم الايدي ,,,

tsskat
tsskat
يعطيك العافيه على المجهود الرائع

عامر الزعابي
عامر الزعابي
توبليرون
فعلا سبحان الله , والمكان اختي ام حسين في الشتاء ولا اجمل ولا اروع من حتا خاصة شوفت الوديان والسدود مليانه
وفعلا تلومت اني ماجبت العدة للطبخ والشاي , ولكن ابشري اختي ام حسين في خطة للطبخ بجانب الماي بالسد الخميس الجاي

a2b2c2
a2b2c2
الأخ المشرف / بو حمد
تحية طيبة
الله يعطيك العافية على هالتقرير الرائع
صور جميلة ومناظر تسر الخاطر
طيب اذا ما فيها طبخ يابو حمد على الأقل شبة نار وبريق شاهي حمر على ما قلت بصراحة المكان ما يتفوت ان الواحد يتقهوى فيه
بارك الله فيك وفي مجهوداتك المتميزة
دمت في حفظ الله ،،،


خصم يصل إلى 25%