abdellatif al hammadi
12-12-2022 - 08:09 am
السلام عليكم ورحمة الله
اخواني الكرام
أنا احضر حاليا لسفرة بشهر مارس 22/3 الى 28/3 بإذن الله تعالى
الميزانية لا تتعدا 30 الف ريال سعودي مع التذاكر لشخصين
احترت بالبداية بين سيشل وموريشيوس
تعجبني موريشوس
ولكن عملت بحث مبدئ بينهم فوجدتها أغلى من سيشل
فالتذاكر سيشل 8600 و موريشوس 13400 ريال على الخطوط الإماريته
الغايه من السفر الراحه والاستجمام وتجديد شهر العسل
أريد مشورتكم باختيار فندق جميل به من خصوصيه بالمسبح و اجواء رومنسيه
زرت المالديف من قبل واعجبتني جداً ولا اريد زياده احد الجزيزتين وتكونا اقل جمالاً ورفاهيه
انتظر مشورتكم و نصائحكم بارك الله فيكم
مشكلة الفلل بسيشل مع مسابح انها مكلفة
المهم عشان نختصر عليك التكاليف والتنقلات اقترح عليك بالسكن فقط بجزيرة ماهي
يعني اول ماتوصلون للمطار تاخذون تاكسي وعلى المنتجع على طول
مايحتاج تروحون على مياناء وتركبون قارب وتروحون جزيرة ثانية
افضل منتجعين بسيشل فيها فلل مع مسابح خاصة
فور سيزونز
بانيان تري
كلهم جربتهم
وتبي رايي جرب الاثنين وقسم مابينهم عدد الايام
فور سيزونز ليلتين (فلة على التلال)
بانيان تري 3 ليالي (الوحدة فلة على الشاطيء)