السعودية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أبهاوية
15-12-2022 - 12:14 am
مساء الخير ياأحلى منتدى بالعالم
هذي أول مشاركة لي بعد سنين متابعة لهالمنتدى الروعة..واللي استفدت منه كثير في سفرياتي
ماأطول عليكم..
حابة ان شاء الله تكون إجازتي القادمة شرقاوية في منتصف يناير القادم بإذن الله
وعندي كم استفسار لاهنتوا:
كيف بيكون الجو وقتها؟
الشي الثاني بجيب معايه صديقاتي وعيالنا يعني جيش ماشاء الله
وطمعانين بكرمكم تدلونا على شاليهات حلوة ونظيفة وآمنة وتناسب عددنا عجزت ادور في بوكينق يقول كلها محجوزة
كلمت قولدن توليب قال لسى الأسعار مانزلت!
ياليت تفيدونا أعزائي
والله يعطيكم العافية..تحياتي


التعليقات (9)
اللـــــيث
اللـــــيث
السلام عليكم يا هلا وغلا فيك تنور الشرقيه
بالنسبه للجو بيناير بيكون بارد .. وفي النهار الجو معتدل
الشاليهات ببوكينج محدوده واذا عندك مجموعه كبيره انصحك بشاليه بودل او النخيل
وبامكانك الاطلاع على تقاريري وراح تستفيدين كثير وبعدها انتي بتقرري

أبهاوية
أبهاوية
هلابك الله يعطيك العافية يسعدني أطلع على تقاريرك
ألف شكر لتجاوبك

tab_el
tab_el
مانصح بالشاليهات بيكون بارد الجوو خاصة الأطفال !

أبهاوية
أبهاوية
مشكور مشرفنا وهذ اللي انا خايفة منه لأن عندنا أطفال صغار

tab_el
tab_el
فيه مجموعة شقق مفروشة قريبة من الراشد مول ممتازة .. وكل شي قريب منكم ... سوق مطاعم أماكن ترفيه للأطفال ..
وأي سؤال حنا بالخدمة ..

أبهاوية
أبهاوية
الله يوفقك يارب
هذي خطتنا بعد كم يوم شاليهات بنطلع شقق على طول بس ياطويل العمر قريت تعليقات كثير عن سوء الشقق والخدمات حول الراشد واحنا ودنا نلاقي شقق نظيفة وحلوة
مانستغني عن نصائِحكم..
شُكري وامتناني

tab_el
tab_el
الشقق المفروشة الجديدة هي الزينة .. بس الحارة مزحومة وضيقة جنب الراشد .. لكن ميزتها القرب يعني الراشد مشي
فيه فنادق لو تحبون .. بس أتوقع على عددكم الشقق بتكون أريح ..
فيه شقق الراية على شارع الببسي أتوقع
وأيضاً بالواجهة البحرية مجموعة شقق منها الراية ماهي بعيدة عن بعض

أبهاوية
أبهاوية
مشكور والله ماقصرت أهم شي الراشد (:

Hamed1
Hamed1
بالنسبة للشاليهات يوجد الكثير منها في منطقة ( الهاف مون ) شاطئ نصف القمر .. وكلها على الشاطئ وعلى خط واحد .
هوليدي إن
هوليدي
موفنبيك
النخيل
قرية الخليج ( توليب إن )
وأيضاً يوجد في منطقة ( العزيزية ) شاطئ الغروب .. شاليهات وهي تقع : وانت خارج من الخبر متجه على شاطئ نصف القمر .. بداية منطقة شاطئ الغروب .. تكون الشاليهات على الجهة اليسرى
أيضاً .. هناك قرية العزيزية يوجد بها شاليهات وبجوارها مدينة العاب للترفيه .
أما الجو فهو بارد .. وسيكون أكثر برودة عند البحر !!
تحياتي


خصم يصل إلى 25%