الدمام المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
تقـآسيم الصباح
13-12-2022 - 01:12 am
مساء السعاده ..صبآح الاشراق
يوم حآفل بالسعاده والفرح لكل عضو تآبع للعرب المسآفرون
كمآ لا انسى ارحب بكل ضيوف منتدانآ الحبيب خآرج معرف تابع له
كيفكم ان شآء الله بخير ؟؟
خآرج المقدمآت المطوله ف يوم من الايآم قررنا نغير جو المطآعم والبيت
ونفطر وين ؟؟ بفندق الشيراتون .. بمدينة الدمآم الحبيبه
الفندق ذا له ذكريآت حلوه ضحكنا عليها انا وزوجي لين قلنا بس
مره من المرآآت قبل ما نتزوج ولاشي كنا رايحينانا وعائلتنا الصغنطوطه المكونه مني وخيي حبيبي وماما وبآبآ
الشيراتون اول ماسوو له تجديد للغرف بنغير جو
المهم وانا واقفه مع خيي باللوبي واتفرج طآحت عيني ع زوجي ب لوبي الفندق
يشرب قهوه مع رجآل ثاني اللي الحين عرفت انه من اقرب اصدقآئه خ
المهم اول ماطآحت عيني عليه لفيت وجهي ل خيي قلت اقول بصعد غرفتي بسرعه > ي اني كنت اكرهه كره خ
قآل شفيك ؟؟ انتظري شوي طيب يخلصو بآقي الغرف
قلت لا ابغى غرفتي قآل طيب تعالي بوصلك لغرفتك مشيت وكأني مكهربه وع قولة زوجي يشرح يعني
انا ما دققت يقول كره نفسه بعد نظرتي !! > يستاهل وقتها > نذله قلت ماشفتك طليت قال وهذي المشكله هذا وانا ماطليت حسيت كذا
لو طليت اجل ههه
المهم نشوف سوا عندنآ بطآقه ترقيه يعطيك اياها الفندق نفسه
وكل مره تسكن تنحسب لك نقآط
وزوجي يعرف كل الاستآف تقريبا اول ماوقف بالاستقبال سأله كم يوم تبي تسكن
زوجي طل فيني وابتسم قال ليلتين قلت وانا اناظر به احنا اساسا جايين بس نفطر
اغراض ماعندي قال مو مشكله المولات جنبنا
قآل يلا نغير جو برضو والدوامات !!
انا كنت اوف بس هو كان يروح دوامه الصبآح ويرجع الفندق خ
بس للاسف ماصورت الغرفه صراحه صورت الفطور بس
رحنا نفطر بينما هم يخلصون لنا الغرفه ..
نشوف سوا ..
بوابه الدخول هنآ

اللوبي

جلسآت جانبيه

الاطلاله هذي

خضره تصلح لجونآ الحين

هون كمآن الالوان رايقه جدآآ

هون المكآن بشكل عام

مرتب وانيق

اضاءه تفتح النفس

الطاولات وترتيبها

البوفيه
وانا واقفه جنب زوجي وهو كل شوي يناظر فيني ويبتسم
واقوله وش فيك فيه شي خطأ؟
قال تذكرين ذاك اليوم اول ماشفتيني كأنك شايفه شيطان
رحتي جلستي واخوك يجيب الاكل ع الطآوله
قلت ايههه ومسكين كل شوي مقومته ابغى كذا وابغى كذا
طيب قومي شوفي وش تبين لا لا رجلي توجعني
> من النصب

جلسآت تطل ع برآآ

طاولتنا اللي اخترناها

الاكل

فوآآكه

اومليت

الوافل

الفواكه المجففه عشقي ع الفطور هذي

الشآهي بالحليب

الخبزات

دونآت اكلت شوي منها طعمها لزيز بس انا عاده ما اكل مخبوزات كثير

كذا انتهى تقريرنا لهذا اليوم
الاكل كان متنوع المكان مريح
سعر النفر 112 تقريبآ
تغيير جو يستحق التجربه
ان شاء الله اعطيتكم فكره واضحه عن المكان والفطور
نلتقي بتقآرير اخرى بأذن الله
الى ذلكم الوقت دمتم بكآمل صحتكم وسروركم وعافيتكم
متنفس
هذا الصباح : أحببتك أكثر مما مضى ,,
أكبر من كل شي ..
أعظم من أي شي ..
أحببتك بقلب عذراء تجهل أبجديات الحب
فقط أبجديتك أنت !


التعليقات (6)
ارمـــ ARMANI ـــاني
ارمـــ ARMANI ـــاني
مشكورة اختي تقآسيم الصباح
ويعطيك العافيه على هذا التقرير الحلو واللذيذ
وجعل ربي مايحرمنا منا ومنكم ومن مشاهدة طلعاتكم الجميلة
تنمنياتي لكم بالحب والتوفيق
اخوك : https://artravelers.com

ام ميلاد
ام ميلاد
ماشاء الله
فطور يفتح النفس
عكس شيرتون الرياض
للاسف كان لي تجربه قبل كم يوم في بوفيه الافطار بالشيرتون الرياض
البوفيه ابد مايليق بفندق مثل الشيرتون
حتى الطاولات تخيلي لا مفرش ولا قطع
واللي يشتغلون كنه ماودهم نطلب شي
ولا الانواع قليله حتى الحلى والفواكه على قولتنا مهنا زود
تخيلي ما يفرقون بين الوافل والكريب
قلت ابي كريب جاب لي وافل .. سالته مافيه كريب قال الا قلت انا طلبت كريب راح شوي وجا جاب وافل
المهم لما جينا بنطلع اشتكينا على الخدمه .. اعتذر المدير وقال بالنسبه للكريب هم يسونها سميكه قريب من الوافل
ههه ..
ولا السعر ب 135
طبعا اخر مره نروح
حبيت اعلق على مفاجاءت زوجك لك بالحجز يومين
تلقين لها طعم غير .. لانه جت فجاءه
الله يخليكم لبعض
ومعليش على الاطاله

زائر
ارم ARMANI اني
العفو اخوي
وربي يعافيك ويسلم قلبك وقلب احبآبك
اللهم امين
وادعو لك بالمثل .. شاكره ومقدره حضورك وتواجدك
اسعدتني اطلالتك كثيرا
دمت في رضى المولى

tab_el
tab_el
يعجبني اللوبي حقهم .. وعلى كثر ما أمره ماجربت الفطور

ام هلاله
ام هلاله
ربي يسعدكم ويجليكم لبعض

اللـــــيث
اللـــــيث
سبحان الله ما بعد الكرهه الا حب
صار لي نفس الموقف مع شخص والان هو عسل على قلبي
عساه بالعافيه وتقرير يستحق التقييم
ننتظر جديدك يا مبدعه


خصم يصل إلى 25%