أخو العيال
11-12-2022 - 01:08 pm
مساء الخير اخواني
وش الاخبار يارب تكونو دايم بأفضل حال
انا ابي اسافر ايطاليا مع زوجتي وولددي عمره 5 سنين وانا ماعندي خلفيه ابدآ عن السفر خارجيآ وابيكم تفزعون معي بالمعلومات
اسألتي
1 كم تستغرق التذكره يعني كم يوم وهل لدول الاوربيه بس تذكره والا يحتاج لي شي ثاني وكم السعر ؟
2 كم الميزانيه تقريبا وانا عارف ان كل واحد وصرفه بس حنا مانصرف كثير والاسواق والماركات مانشتري ابدا الا الشي القليل والفنادق نبيها 4 او 3 نجوم يعني كم تقريبآ يكفيني التوتال ؟
3 انا ناوي اروح ميلانو وفيرونا والبندقيه وبيزا ممكن تخططون لي الرحله من مطار جده علمآ ان الرحله 7 ايام فقط ؟
3 ماعرف مدن ايطاليا الباقيه وش ترشحون لي مدن حلوه كطبيعه وليس تسوق ؟
4 التنقل كيف يكون بالمترو فقط يعني ؟
5 لازم احجز مترو او سياره من هنا لأن سمعت كثير يتحدثون بذا الشأن ؟
6 ابي اسماء مطاعم وفنادق 4 نجوم وياريت اذا فيه موضوع شامل تحطو الرابط ؟
7 كيف احجز الفنادق هل كلهم احجزهم عن طريق النت ؟
8 الطقس جو ايطاليا بشكل عام كيف في شهر 2 و3 و4 هجري تنصحوني اروح بذي الاشهر ؟
واذا كان برد هل كلها يصير جليد والا بس برد عادي ؟
واسف طولت عليكم بس ترا مادل شي وماعرف شي واتمنى تساعدوني
ج2- اقترح عليك تقريبا في اليوم مابين 100 الى 140 يورو عشان المبلغ حيكون مصاريف اكلك + تنقلاتك داخل المدن بالباصات او المترو + وهو المهم القطارات بين المدن بخصوص الفنادق نصيحتي استخدم موقع بوكننج وحاول يكون الفندق قريب من محطة ميلان الرئيسية (الشنترالي)
ج3- انا اقترح عليك مدام المدة قصيرة ميلان وفلورنس كمحطات رئيسية ومنها تنطلق لمدن اخرى مثل ( كومو - لوغانو - بيزا - البندقية)
نصيحة مهمة مهمة ( لازم تقرأ بشكل مكثف عشان مهما اخذت خطط واقتراحات حيكون هناك تفاصيل صغيرة ما حتعرفها الا بالقرأة )
ج4- التنقل في ميلان يكون بالمترو - الباصات - ترام .... ابتعد عن التكاسي عشانها غالية
ج5- انا شايف السيارة مالها داعي خاصة اذا استخدمت القطارات بين المدن
ج6- المطاعم في كل مكان خاصة ماكدونالد وكمان في مطاعم تركية او هندية مكتوب عليها حلال
ج7- الفنادق اذا ما استخدمت موقع بوكننج قبل كذا روح لمكتب سياحي وخليه يعرض عليك الفنادق التي تكون قريبة من محطات القطار وحدد له عدد النجمات التي ترغبها
ج8- الجو حيكون برد شديد ومطر وتقدر تتأكد من احوال الطقس في ايطاليا من مواقع الطقس من النت
نصيحة للمرة الثانية أقراء تقارير الأعضاء عن ايطاليا لمعرفة التفاصيل مثل ماهي الأماكن التي تستاهل الزيارة + طريقة حجز القطارات + طريقة التنقل من المطار الى الفندق