ابوعبدالله_ابوعبدالله
13-12-2022 - 05:09 am
السلام عليكم
قررنا نسوي تغيير في خطه السياحه لصيف 2014 ان شاء الله،
وهي لمدة 3 اشهر كل الاجازه ان شاء الله ، للاولاد معهد لغه وبالويكند نطلع نتمشى . يعني سياحه للعائله وتعلم للاولاد،، وقلت خلوني امشي معاكم من البدايه وكلي ثقه فيكم بتساعدوني .
واخترنا امريكا لان مازرناها قبل والرخص حسب كلام اللي زاروها ولاننا زرنا بريطانيا وحابين نغير
1/اختيار المدينه:
بيمر علينا شهر رمضان ان شاء الله ومهم تكون المنطقه فيها مسجد والنهار معتدل للصوم،وحاب تكون مخدومه للعرب وتوفر السكن ، احترت وحاب تساعدوني:
في كلورادو Boulder
الجو والطبيعه اللي مخوفني ماتكون وسيعة صدر.
مدينة تامبا: رخص السكن ولاية فلوريدا وناسه وتمشي وفيها دزني والمدينه خضراء قريبه من ميامي اللي خايف منه الجو اهم شي مايكون مثل الرياض.
مدينة ميلبورن :رخيصه في السكن الجو حلو بالصيف قريبه من دزني.
مدينه Findlay رخيصه المدينه سياحيه قريبه من شيكاغو .وشيكاغو اتمنى زيارتها صراحه. .
كالفورنيا قريت عنها الولايه غاليه !!ماتعمقت بالمدن لكن اعجبني سياحيه والجو لكن هل المقصود اغلى من اوروبا وتحديدا لندن؟ يعني الكل يقول غاليه لكن اتمنى التفصيل .
2/التنقل: فكرت نسكن في شقه قريبه للمعهد بحيث الاولاد مايحتاجون سياره ونهاية الاسبوع استاجر سياره ونتمشى او تنصحوني كل المده معانا السياره؟ او حسب المدينه؟
3/الفيزه: احنى فيزه سياحيه ، طيب الاولاد وش تكون نوعها؟؟ قررت تقريبا بطلعها مع بداية السنه الميلاديه
4/ معاهد اللغه حاب تكون تابعه للجامعه اكاديميه اللي يعرف معاهد لغه بعد مايختار مديينه اكون له شاكر وانا بعدها اراسلهم ..
اتمنى منكم الترشيح في المدن واهم شي تكون مدينه مخدومه، ماتكون ريف لان ودي الريف نروح له زياره نهاية الاسبوع .
شكرا لكم جميعا،،
صعب جدا تلاقي معهد لغه وجنبه سكن 00000لازم توصل الأولاد الصبح وترجع تأخذهم العصر
0000الفيزا للأولاد يعتمد اذا بيدرسون دوام كامل ( من 8 الي 4 العصر ) فراح يحتاجون فيزا دارسيهاذا بيدرسون فقط ساعتين او ثلاث باليوم فالفيزا السياحيه هي المطلوبه 0000
المدينة : لان المده 3 اشهر فنصيحه مالك الا ولايه كاليفورنيا ، لان الجو فيها حلو طول فتره الصيف و فيها كثير من النشاطات والمعاهد ،،،،طبعا التكلفه ارخص من لندن بكثير ،،،،،انصح بمدينه ايرفاين في اورانج كاونتي او احد مدن اورانج كاونتي الاخري ( يعتمد شنو تبي ،،، مكان رخيص او غالي )
السكن : ممكن تستأجر بيت او شقه مفروشة https://artravelers.com