بوابة الرحلات البريه و الرحلات البحرية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عامر الزعابي
16-12-2022 - 12:02 pm
بسم الله الرحمن الرحيم
السلام عليكم ورحمة الله وبركاته
كيف الحال اخواني وخواتي اعضاء ومشرفين وزوار منتدى العرب المسافرون وخاصة محبي بوابة الرحلات البرية والرحلات البحرية ومحبي الكشتات وشبة الضو والتخييم والامطار والشوي والمقلقل
بما ان الشتاء ع بدايته وجدامنا موسم ان شاء الله يكون غني بالرحلات اللي تسر اخواني الاعضاء والزوار ف اهديكم هذا التقرير ك (تسخين) لاجواء الرحلات .
وانا بصراحة نزلت التقرير لان التتبيلة عجبتني وطعمه عجيب فقلت بنزل الطريقة عشان الكل يستفيد وفعلا اباكم تجربون الطريقة لانها لذيذة مرة ولو تجربونها على دجاج
جاني اتصال من صديقي عبدالله الحوسني ودعاني لبيته على فري مشوي وقد ذبح الفري قبل لا اوصل , ولكن اخوكم عامر من دخل بيته شفت قفص حمام وقلتله انا ابي اتعشى حمام قال ابشر وطلعلي فرخ حمام لاحم , وطبعا مربي الحمام يعرفون الحمام اللاحم وهو سمين
وهذي صورة الحمام للي يبا يعرف نوع الحمام وهو فرخ جناحه ما اكتمل

وقلت خلني اوثق الذبح

بس مابكمل مسلسل الذبح لان البعض
وبهالوقت نسخن الماي لتسهيل ازالة الريش

ونقوم نسكب الماي الحار (الساخن) على الحمام

وبعد ازالة الريش من على الحمام نجهز المنقل (الكوار)

والتتبيلة (جربوها ما راح تندمون)

نضيف المقادير في وعاء (حسيت كاني الشيف اسامة)

نضيف زيت الزيتون

وصوص الصويا



التعليقات (9)
عامر الزعابي
عامر الزعابي
وبعد خلط الخلطة

وهذا الفري (السمان او الكويل)

وهذا الحمام والفري

ونصف الحمام والفري في الشبك

عامر الزعابي
عامر الزعابي
اترككم مع الصور اللذيذة

ادري سويته بوابة طبخ مش رحلات خ بس حبيت انزل الموضوع لان فعلا التتبيلة حلوة واللي يجربها ما بيندم
وبخصوص مدة الطبخ هو يعتمد على حرارة الجمر
ولكن الفري ياخذله ربع ساعه والحمام عشرين دقيقه
واسمحولي على القصور

Usas
Usas
ماشاء الله , عليكم بالعافية صور لذيذة خصوصا الحمام المشوي جربته مره مع الرز والروب (الزبادي) روعة
يعطيك العافية اخوي عامر ,,,

ابوحمد.
ابوحمد.
بالعافيه اخوي عامر
ومشكور على التقرير

الربيش
الربيش
من جد قلبنا البوابة طبخ
يعطيك العافيه
انا من عشاق الحمام المحشي
تسلم على المشوي

فيصل
فيصل
كل عام وانت بخير
اقلبوها طبخ ما فيه مشكله عيد سعيد
من محبي القميري صراحه والحصد علي الابواب

mmsoaa
mmsoaa
أكله لذيذة بالهناء والفاء

عامر الزعابي
عامر الزعابي
Usas
ياسلام يبالي اجربه مع الرز والروب
شاكر لك مرورك الغالي

a2b2c2
a2b2c2
الأخ / عامر
تحية طيبة والله يعطيك العافية على هالتقرير وهالتتبيلة
صراحة شكل المشوي مشهي مشاء الله
جعل فيه العافية
والله يكثر خير الحوسني
دمت في حفظ الله ،،،


خصم يصل إلى 25%