الله يتقبل منكم الصيام
شي طيب انكم عزمتو تصومون , اغلب اللي يسافرون يغلبهم الشيطان ومايفكرون مثلكم
قواكم الله

حمدلله علي السلامه
الله يسعدكم بالرحله
ما قصرتي
ايش الاقرب للفندق من بقاله وغيره
الله يتقبل منكم

الحمد الله عالسلامه.. سجلني متابعك لموضوعك الي واضح انه ممتاز

السلام عليكم
إتاسف عن التأخر في كتابة اليوم الثاني
اليوم الثاني:
طبعا كان يوم عرفة والجدول يقول
1- كاتدرائية نوتردام
2- الحي اللاتيني
3- جسر الأقفال
البعض فضل المكوث في الفندق خوفا من العطس أو التعب
ما علينا
اتجهنا لمحطة المترو القريبة من فندقنا و هي اللي عند قوس النصر
استعمال المترو سهل جدا جدا جدا!!
أول شيء اتجه لأحد الخرائط المعلقة وعليها خطوط المترو
قبل لا تطلع من البيت حدد المكان اللي تبي تروح له ووين مكانه على الخريطة واقرب محطة له
وعند المحطة حدد مكان المعلم السياحي وبتلقى جنبه ألمحة اللي سجلت اسمها بالبيت
شف لون المحطة أصفر أحمر أخضر بنفسجي.. الخ
بعدين أرجع شف محطتك وش الألوان اللي طالعة
و زي لعبة التوصيل
حرك اصبعك لما محطة تبديل القطارات اللي تمشي على اللون الثاني
و سجل اسم محطة التبديل
اتجه لأحد مكائن بيع التذاكر لأن شباك التذاكر أغلب اللي فيه ما يتكلمون انجليزي
اختار نوع التذكرة اللي تبي والعدد و غيره و ادفع
بعض المكائن تقبل قروش فقط وبعضها فيزا فقط ؤبعضها نقود ورقية و قروش فقط ؤبعضها كل الأنواع عاد انت يتلقى مرسوم عليها
سرينا التذاكر الحين وش نسوي؟!!
الأمر بسيط أمس على اللوحات
مثلا بتركب الخط الأصفر بيتلقى لووحة مرسوم عليها دائرة صفراء و جنبها رقم 1
نسيت أقول أن الأرقام تلقاها بالخريطة حقت المترو وهي مسمى آخر للخطوط بدل الألوان
أمشي ورا اللوحات لين ما توصل لمكان إنتظار المترو أركب وتوكل على الله
الحين وصلنا المحطة اللي نبي لكن كيف نطلع؟
يتلقى لوحات مكتوب عليها sortie يعني مخرج أمش وراها
الموضوع سهل جدا أزهلوها بس ههه
يلا وصلنا محطة الكاتدرائية وجينا بندخل إلا السرا طوويل ندخل ولا ما ندخل؟
وفي نص المناقشات لقينا السرا يمشي سريع سريع!!
قلنا يلا أجل
المهم بتلقون لوحة مكتوب الممنوعات قبل المدخل
درنا فيها وصورنا بدون فلاش طبعا لأنه ممنوع
طلعنا من الكاتدرائية اتجهنا للحي اللتيني!!
يا حلوة ويا حلو مطاعمه وشوارعه طبعا صائمين ولا كان أخذنا لنا شاورما ههه
تمشينا فيه واخذنا نظره على المحلات
بعدها اتجهنا لجسر الأقفال وحصل لنا موقف عجيب غريب
حنا العين من الكاتدرائية مشينا على الجسر الخشبي عشان نقطع للحي اللاتيني المهم التقطت صورة من على يسار الجسر وبان فيه جسر الاقفال ورحنا للحي اللاتيني
المهم أنا وريتهم موقع الجسر من زمان على خريطة الجوال انه يمين جسر الكاتدرائية
ؤبعد ما خلصنا من الحي اللاتيني قعدوا يمشون يمين جسر الكاتدرائية وانا أمشي ورأهم ما انتبهت وين بيروحون أحسب يتمشون يوم سئلتهم قالوا جسر الاقفال!! قلت مب من هنا !!! أنا صورته وكان يسار ووريتهم الصورة قالوا يوم وريتئنا بالخرية هذا هو يمين
يا الله الحين وش نسوي؟ أنا متأكدة من موقعه في الخريطة وما أقدر أكذب عيوني بعد
قال الوالد شكل فيه واحد أصلي وواحد تقليد
قال يكفيك نروح التقليد؟ قلت إيه يلا ورحنا لقيناه جسر مسفلت ؤتمشي عليها سيارات عادي صورنا فيه وعجبنا رجعنا نمشي وطحنا على الأصلي!!
جسر خشبي وسيع وقدامه زي القصر قلنا شكله الأصلي ههه
شفنا الإصلي والتقليد ما شاء الله
عدنا للفندق الساعة 5:30 تقريبا بعد يوم طويل متعب
الآذان كان 7 أفطرنا في عرفنا تمر وبسكوت
قلنا يلا العشاء جوعانين وقررنا نتعشى في. Le deauville اللي على الشانزلزيه لونه ازرق
اختيارنا كان موفق العشاء كان رائع أخذنا ستيك انتركوت وطبق اليوم كان دجاج بالضوض الأحمر وسمك فيليه وواخذنا بعد بيتزا دجاج
كل الطلبات رائعة والخدمة أروع
لكن فيه أشكالية بسيطة حصلت أضاف في الفاتورة عصير لم نطلبه
نادينا ألمانجر وقال سوري سوري و شالوه
انتهى اليوم الثاني نشوفكم في الثالث على خير

حياكم الله جميعا وشكرا على التشجيع
فيصل حنا نتقضى من المونوبركس أكيد فيه شيء أقرب منها لكن ما دورنا والله وفيه ماكدونالدز ز كويك ومطعم ثاني مدري وش اسمه صراحة وكله قربه جدا من الفندق

السلام عليكم
اليوم الثالث:
1- منطقة اللاديفانس
2- برج ايفل
بسم الله
اتجهنا للمترو وركبنا الخط الأصفر عشان نروح اللاديفإنس
المهم نزلنا وشفنا الخريطة ومكان القوس الجديد والسوق وجلسنا نمشي له الجو كان روعة والمنطقة هادئة جدا !!
دخلنا مول الفصول الأربعة رائع جدا جدا جدا والأسعار معقولة أيضا
خلصنا تسوق قلنا خل نتغدا جوعانين
رقينا فوق آخر دور فيه فود كورت اخترنا مطعم Hippo أتوقع اسمه كذا نسيت والله ههه
المطعم يتميز بالستيكات والموظفين ما يتكلمون انجليزي كان صعب سوي التعامل معهم
تقييمي للممطعم 9 من 10
طلعنا من المول ركبنا مترو القوس الجديد ورجعنا للفندق صلينا الظهر والعصر وغيرنا
اتجهنا لمحظة المترو مرة أخرى أخذنا الخط الأخضر للايفل
طبعا لما توصلون للمحطة بتلقون لوح مكتوب وين طريق ايفل أمشؤا وراها واذا انقطعت أمشوا سيدا لما يطلع لكم
بعا بتلقون الباعة المتجولين يبيعون زي الأبراج مصغرة لا تشترون من أول واحد بعضهم يبيع الحبة بيوي ؤبعضهم 5 بيورو والأفضل تشترونها من عند الكونكورد لأن عند الإيفل يعتبر يصيرون أغلى
ركبنا المترو وكانت الساعة 8:15 إلمترو يخترش مليان ناس إلحمدلله أمان
انتهى اليوم الثالث إلحمدلله

كل عام وانتم بخير
ان مريتوا من كويك بالله شوفي علي الزجاج الخارجي للحين فيه لوحه حلال ام لا
مش غريب زياده الطلبات
مطعم لاديفانس http://www.les4temps.com/W/do/centre/boutique-restaurant-HIPPOPOTAMUS_QuatreTemps
لاديفانس اختلفوا الناس علي روعه التسوق فيها فيه محبذ وفيه منفر لها
يوميات رائعه
هل رأيتي منقبات

ما قصرت يا فيصل وبألفعل هذا هو المطعم
بالنسبة لكويك أبشر بشوفه اليوم
واللاديفانس كأنه الرياض فاليري بس بضائع أجمل
حنا مب راعين سن ماركات وغيره غسان كيذا عجبنا هي ملابس وجزم حلوة
المنقبات ما أتذكر يمكن وحدة بس وفيه وحدة لابسة مملابس وحجاب متلثمة فيه
العبايات منتشرة بكثرة !!

يوميات مشوقة بس لو كان فيه دعم بالصور
كان فيه كلام ثاني