1. على بال ما رمت جاكيت البنت وشالت المحفظة معد لقت البنت !!


2. شلون انسرق مادري !!


3. ابحث باليوتوب عن Pickpockets In Paris Metro Champs Elysees


4. حاولت انزله هنا وقال عدد مشاركاتك قليل

السلام عليكم
حبيت انبه المسافرين إلى باريس .. من حالات النشل والسرقة في المترو
انا تعرضت لحالتين سرقة الاولى فشلت والثانية راح فيها جوالي
السرقة الاولى تعرضت له اختي .. شنطتها بسحاب ومعلقتها على كتفها وحاطتها قدامها والسحاب كان مقفل تماما .. بنت طلعت المحفظة داخل الشنطة بدون ماتحس اختي لكن المترو انصك على يدها وطاحت المحفظة اشوى
فكت جكيتها بسرعه وغطت المحفظة لكن الحمدلله اختي لمحت المحفظة وكانت مستغربة شلون طلع من جوا شنطتها يوم انتبهت ولا شنطتها مفتوح سحابها !!

على بال ما رمت جاكيت البنت وشالت المحفظة معد لقت البنت !!

انا إنسان حريص وغير مهمل او مطنش .. اعتبر عند الناس موسوس شوي يعني لاشفت احد يمشي وراي اشك فيه على طول انه بيسوي شي وابعد عنه ويدي دايم على جيبي ودايم اتلفت يمين ويسار اشوف نظرات اللي جنبي وش طايحه عليه وأجس النبض إذا عندهم نية شينة او لأ
ومع ذلك انسرقت
وللآن مادري شلون وكيف ومين !! كل اللي اعرفه اني بعد ماطلعت من المترو ادور جوالي مالقيته .. مع انه كان بجيب البنطلون وفوقه كان اغراض .. بكتين دخان وتذاكر دخول والجوال كان تحت

شلون انسرق مادري !!

عموما .. اعتقد ان الموضوع ظاهرة في باريس لأن حتى مكتب الشرطة في المترو يوم رحت ابلغ واضح انهم مالين من هالموضوع واعتبروه شي عاادي ولا كأن فيه شي قلت له بافتح بلاغ قال ماقدر اسوي لك شي خلاص انت انسرقت ومرة ثانية انتبه
لكن هذا مايعني انك معد تستخدم المترو بالعكس .. استخدامه رخيص وواضح وآمن ماعدا من ناحية الجيوب
غالبا غالبا يجون قروبات بنات صغار بالسن من اعمار 13 إلى 16 وألاحظهم يكثرون في محطة الكونكورد مادري ليه !!
لبسهم كشخه ماتسحهم ملحطين او وصخين او تشتبه فيهم .. ثلاث بنات يزاحمون وبنت تلهي وبنت من ورى تسرق.. مايمديك تركز وتاخذ نظره على وش صاير حولك الا وهم فاكين اللي يبون وسارقينه .. في اقل من لمح البصر
مايسرقون إلا بالزحمه غالبا وهم اللي يسوون الزحمة ويختارون اهدافهم بدقة وبتفاهم عجيب الله لايزوجهن ولايوفقهن
إذا شفتهم وراك او حولك لاتحاول تسوي ذكي .. تراهم اذكى منك وعارفين شغلهم مضبوط .. تفقد اغراضك بسرعة وابعد عنهم بأسرع وقت ممكن وابعد عن اي زحمه لايكون جنبك اي احد مهما كان مثلا انشب بالجدار

ابحث باليوتوب عن Pickpockets In Paris Metro Champs Elysees

حاولت انزله هنا وقال عدد مشاركاتك قليل

وموب شرط كل النشالين يكونون من هالبنات انا يوم انسرق ماكانوا حولي ولاشفتهم .. لذلك يفضل ماتشيل مبالغ كثير بجيبك احتياطا وتنتبه لاغراضك في المترو .. وتاكد ان كنت في وسط هالبنات خصوصا عند ركوب المترو .. فتراك انت الضحية وفيه شي من اغراضك يا أنسرق يابينسرق .. شيك على اغراضك لايكون انسرق منها شي وانسحب باسرع وقت وحاول انك ماتركب المترو معهم اتركه واركب اللي بعده
وبالتوفيق للجميع والله يبعدنا وإياكم عن هالسرقات اللي تغث وتخرب السفرة كلها