الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Reham.A
14-12-2022 - 02:50 am
السلام عليكم ورحمة الله وبركاته
صباحكم ومسائكم خيرات
بإذن الله بروح لأول مره الى الكويت
حابه تساعدوني وتبيضو وجهي قدام زوجي لاني انا اللي اصريت انو نروح لها
رحلتي بتكون يوم 13 اكتوبر يعني الاحد المقبل والعودة يوم 17 اكتوبر ايام العيد الاضحى
يعني تقريبا 5 ايام وعددنا شخصين فقط
اول شي ابغا مساعدتكم بفنادق يكون فيها جاكوزي في الغرفة
وكمان ابغا افضل الفنادق المطله على البحر بس الجاكوزي اهم حتى لو مو مطل على البحر لانو رحلتي هدفها الاسترخاء
وياليت لوتعطوني اهم الامكان الحلوه اللي اروحها
انا زيارتي لها سياحه مو لغرض معين وماعرفت الا اني اروح لمجمع الكوت والافينيوز
وهل في مسرحيات ساتقام !!؟
واماكن السينما فين ؟؟
والمطاعم ابغا الافضل الا الاكل البحري مااكلو
واكون شاكرة لكم مقدما


التعليقات (8)
توبليرون
توبليرون
حياكم الله بالكويت حبيبتي الفنادق اغلبها
فيها جاكوزي اذا تبين شي راقي وجديد عندك الجميرا ... ميسوني ... هيلتون المنقف ... بلو راديسون ساس جديد جدا
او اقرأي ببوكينغ تحصلين مكتوب اذا الفندق فيه جاكوزي والا لأ
الافنيوز والكوت فيهم مطاعم وسينمات وكل مولات الكويت فيهم سينما ومطاعم عديدة
والافضل طبعا الافنيوز و360
المسرحيات اكيد في العيد في مسرحيات تابعي اخبارها بالصحف او تسألين الفندق
الاماكن كلها مشتاقه لك ههه حبيبتي شنو تحبين اماكن تروحين لها عندك حديقة الشعب
او التمشي على البحر عند المارينا كريسنت وهناك بعد فندق المارينا جمييل جداا والسوق بينهم جسر
المركز العلمي والتمشيه عنده
في طريق الهبوله وانتي جايه من الكويت للفنطاس تلاقين اماكن حلووه لمجمعات المطاعم
الجلسات حلوة ورايقه اهم مكان موجود هو سبونز اول مطعم يطل على الشارع هو فرايديز
اما بالسالميه عندك الجلسات اللي عند موفنبيك البدع تلاقين المطاعم والكافيهات
وان شاءالله تستمتعون بالديره واخذي من الفندق اماكن سياحيه اخرى
وتنور الكويت فيكم

لوفتهانزااا
لوفتهانزااا
اتوقع بالنسبه للجاكوزي لازم يتم التأكد من الفندق نفسه عن طريق النت او الاتصال عليهم

لوفتهانزااا
لوفتهانزااا
نسبه للأماكن فيه سوق شرق والمارينا مول والمباركيه و360 والافنيوز والمهلب

لوفتهانزااا
لوفتهانزااا
بالنسبه للسينما فيه موجود بنفس المجمعات اغلبها

لوفتهانزااا
لوفتهانزااا
النسبه للمطاعم شارع الخليج مليان مطاعم وشارع المطاعم اللي بالسالميه

Reham.A
Reham.A
الله يسعدكم ماقصرتوا بس والله ديرتكم حلوه من الصور غريبه مافي احد يتكلم عنها كثير
وانا عاد حبايبي اهل الكويت فان شاءالله انبسط
والف شكر لكم

توبليرون
توبليرون
حياك الله والكويت تنور فيكم
يمكن تشوفين صور وتقارير بالبوابه تعرفي اكثر عن الكويت

q8ya metnaqla
q8ya metnaqla
حياكم الله في ديرتكم
والحمدالله على سلامتكم
بالنسبه للمسرحيات عدي وخربطي من كثرهم اعتقد في 3 او 4 مسرحيات للكبار
وعندج حفلات غنائيه
وهذا جدول تقريبا في كل شي اختاري شنو اللي يناسبكم
https://artravelers.com/p/re/487746
واذا انتوا من محبيبن المتاحف انصحكم في محف بيت العثمان في حولي واايد حلوو
وحياكم الله


خصم يصل إلى 25%