باريس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
h3_saudi
15-12-2022 - 04:07 pm
,
بسم الله الرحمن الرحيم
اولاً : احب ان اشكر مندى العرب المسافرون على الكم الرائع من المعلومات
واحب ان اشكر الاداره والاعضاء والمشرفين
وخاصة اللورد و فيصل وابو عزيز
وكثير من الاعضاء بس والله ناسي
لان لولا الله ثم هذا المنتدى ما كان سافرت واستانست
وصراحة كلمة الشكر بحد ذاتها قليله بحقهم
وربي يجزاكم خير
وجعلها الله في ميزان حسناتكم
البدايه
كانت القراءه بكثب وجنون بالمنتدى
وكنت اتابع المنتدى من سنين
لدرجة اني حفظت كل المعلومات بدفاتر
الين وصلت لمرحله الحفظ
والحمدلله كانت القراءه والقراءه والقراءه هي النجاح لدي
وايضا سؤال الاعضاء و المشرفين كثيرا
والتعرف على الاخ والصديق اللورد اللي تشرفت بمعرفته كأخ و صديق وحبيب
والاخ فيصل بقسم الفرنسي اللي فادني كثيرا
والاخ الغالي ابوعزيز اللي سمعت نصائحه وتعليماته منذ دخولي المنتدى
بالعربي المختصر
لازم اذا جيت تسافر تكون عندك معلومات شيقه
واعتمد على نفسك فالدعوه قراءه و تسليه ومعرفه
الميزانيه
حطيت ميزانيه اقل شيء 30 الف كحد ادنى
والحمدلله كان قرار صائب
شامل كل شيء من طيران وتاشيره وفنادق وسياره وتمشيه
رحلتي كانت 3 ايام لفرنسا و 12 يوم سويسرا
لشهر العسل
بداية الرحله في يوم
9 جولاي 2012 م
الى 23 جولاي 2012 م
والان بدئ وقت الجد
استخراج الجوازات
كانت من المدينه المنوره
(( اللي عليه مخالفات لازم يسددها ))
استخراج الشنقن كانت من اجنحة الضباب بالرياض
الشخص الواحد 750
ما اخذت وقت عشان تخرج لان التاشيره كانت المانيه
وقال لي عادي
المتطلبات صور شخصيه مكشوف الراس
واوراق البنك قال لي ما يحتاجها
يعني الامر كان سهل جداً
بطاقة الفيزا
بطاقة الراجحي مسبوقة الدفع
حروف بارزه
رخصة القياده الدوليه
اخذتها من مكتب اجنحة الضباب بالرياض
بقيمة 150 ريال
ما اخذت مني 5 دقايق
ولا تحتاج لاستخراجها دفع المخالفات
لمدة سنة
فقط احضر صورة شخصيه لك
والان بدت مرحلة التخطيط و التفكير للرحله
طبعا انا كان تخطيطي قبل الرحله حوالي 8 شهور
وكانت بمتابعة الاخ اللورد
يعني كان عندي وقت طويل جداً
وهذا السبب كان حافز كبير لنجاح مهمتي
قوقل ايرث
اهم شيء كان عندي وكنت اشوف الطرق و الفنادق واحدد اللي حواليها
واعرف كل شيء وكأني هناك
موقع البوكنق
https://www.booking.com
وهذا الموقع رائع قليله فيه
http://www.tripadvisor.com
كنت اختار الفندق واشوف شكله الحقيقي من تصوير المسافرين
يعني من دون تعديل
القارمن
شراء قارمن نوفي 255w
بقيمة 550
مع تركيب الخرائط وكل شيء
كلفني 610
من محل اسمه العامه اللي بالدائري الشرقي بالرياض
مخرج12
واول شي بديته كانت على الطيران
كانت على الخطوط السعوديه لانها الارخص وافضل لدي
الذهاب من جده الى باريس
العوده من جنيف الى جده
بقيمة 6248
لشخصين
فتح حساب بالفرسان عن طريق موقع الخطوط السعوديه
عشان يزيد 10 كيلو على الوزن مجاني
طبعا فتحته وانا جالس على الجهاز
حجز الفنادق
كانت الاستعانه بالله اولاً ثم بالمنتدى ثم المقارنه بين مكاتب السفر و السياحه
وكان بوكنق هو الحل الوحيد والرائع
ما عدا فندق فرنسا اخذته من مكتب ارخص بكثير من البوكنق بوقتها
وراح اتكلم عن كل فندق اذا جاء وقته
فتح حساب بموقع هيرتز
عشان حجر السياره اللي بجنيف وراح اتكلم عنها اذا جاء وقتها
حجز القطار من باريس الى جنيف
وكانت من هذا الموقع وسعره حلو
ووصلت لي الين بريدي بالرياض
http://www.raileurope-gcc.com/book-now/article/book-a-point-to-point-ticket
ويوم سفري فقط ذهبت للقطار نفسه والتذكره معي
يعني جاهز كل شي
وسبب اختياري القطار لان وقت الحجز اللي ابغاه ما كان موجود الا بالقطار
والسعر كان مناسب جدا
وصراحه القطار كان مريح و حلو وما فيه زحمه
وتم التسجيل بموقعهم
ولي عوده لكم بالصور و الرحله اللي اتمنى اني وفقت لكم بالمعلومات اللي حطيتها
,


التعليقات (9)
باريس وبـــس
باريس وبـــس
الحمد لله على سلامة الاسفار
لا تحرمنا من الصور والمعلومات المفيده

h3_saudi
h3_saudi
×
تم التوجه يوم الاحد الساعه 2 الظهر من المدينه المنوره الى جده
للاستعداد للرحله اللي كانت الساعه 12 بالليل
وكانت هنا المفاجأه ان القارمن حقي نسيته بسيارة اخوي
وتم الاتصال على اللورد الله يجزاه خير
وقابلته واعطاني القارمن حقه
وله مني كل الشكر والاحترام على فزعاته
وصلنا لجده حوالي الساعه 5 ونصف
ورحنا لبيت اهلي للراحه وبالوقت هذا جلست ارتب نفسي ورحنا اشترينا شويت اغراض
وبعدها توجهنا للمطار على الساعه 9 ونصف
وخلصت اوراقنا وجلسنا الى وقت الرحله

ومن بعدها ركبنا الطائره اللي كان ما فيها زحمه الحمدلله
وكانت الرحله حوالي 6 ساعات ونصف

وتعشينا ونمنا وباقي الطياره ما وصلت

وبعدين وصلت الطائره الى باريس

ومن بعدها تم التوجه للخارج
واخذت اقرب تاكسي اللي على العداد
لاني خفت اركب مع اي احد
واول ما ركبت مع السايق وريت له ورقه كنت طابع كل معلومات اي فندق لحالها
وعلى طول عرفها

.

h3_saudi
h3_saudi
×
الفندق
chateau frontenac
تم الحجز فيه من قبل اجنحة الضباب
والسبب اني يوم قارنته مع البوكنق كان غالي جدا
انا اخذته 3 ليال من المكتب حوالي 3400
ومن البوكنق كان حوالي 7400
واللي ريحني ان المكتب يتعاملون معه من زمان وانا جاي احجز من بدري
فاعطاني هالسعر
شامل الافطار
من ناحية تعامل الطاقم اللي فيه ممتازين جداً
وتعاملهم راقي
والنظافه حلوه
وقريب من الشانزلزيه حيل
حوالي 400 متر
والميترو قريب بعد
يعني كل شي قريب منك
وهذي صور الفندق
الاستقبال

الشارع من الخارج

المشكله اللي واجهتنا اننا وصلنا بدري حيل
والدخول لازم الساعه12 ورفضوا يدخلونا
فقلت لهم على الاقل حطوا الاغراض عندكم ونرجع لكم بعدين
وفعلاً تعاونوا معنا وحطيناها عندهم وطلعنا نتمشى بالشانزلزيه ونسينا الوقت

اعطيت اللي بالاستقبال الايباد والاي فون
وكان مغربي ويتكلم عربي وساعدنا كثير

من الغرفه وكانت بالاعلى

الفطور كنت اطلبه بالغرفه او براحتك اذا تبي تنزل تاكل تحت

هذا بخصوص كل شي بالفندق
وصراحه ايام ما انساها في هذا الفندق
,

فيصل
فيصل
اي والله أهم شيء القراءه
البعض للأسف ما يقرأ ولا يطلع علي الاستفسارات
والتخطيط بوقت مبكر يقلل من المصاريف كثيرا
أشكرك علي التقرير وما سوينا شيء
وابوعقيل راعي فزعات

أبـو نــورهـ
أبـو نــورهـ
ألف مبروك الله يوفقكم
بداية رائعة ومشوقه وباين انك مخطط ومرتب امورك
متابع

h3_saudi
h3_saudi
باريس وبس
الله يسلمك
ولا تحرمنا من حضورك

h3_saudi
h3_saudi
فيصل
هلا والله بالغالي فيصل
شكرا والله انها قليله بحقك
الله يبيض وجهك دنيا واخره يالغالي

h3_saudi
h3_saudi
أبو نوره
الله يبارك فيك
والرائع هو حضورك يالغالي
ومتابعتك شرف لي

h3_saudi
h3_saudi
,
طبعا انا جلست بفرنسا 3 ايام
اليوم الاول : كان كالتالي
كاان يوم الوصول
ووصلنا بدري الفندق فحطينا الشنط واغراضنا بالفندق بالامانات
وطلعنا نتمشى الين يجي تسليم الغرفه
فطلعنا زرنا القوس وافطرنا ب paull وتمشينا بالشانزلزيه كامل واستانسنا
وضيعنا وقت ورجعنا الفندق وكنا تعبانين
ونمنا الين العصر وتغدينا ببيزا بينو وقعدنا نشوف استعراضات اللي بالشانزلزيه
ورحنا محل الايسكريم hageen
اليوم الثاني
المسله ومتحف اللوفر و الكونكورد و برج ايفل و الحي اللاتيني
اليوم الثالث
ديزني لاند
صور اليوم الاول
القوس

الفطور في paull

اسعاره مناسبه جدا
وجودة الطعام ممتازه
ثم التمشيه بالشانزلزيه

ثم الرجوع للفندق للاستلام والراحه من السفر
وصحينا العصر
ورحنا نتغدى pizza pino
وكان لذيذ حيل واغلب اكلنا منه طول هالفتره

اسعاره مناسبه جدا
وجودة الطعام ممتازه
ثم الذهاب الى مصنع التويوتا

ومحل ديزني لاند

الشانزلزيه بالليل
واسف على قلة الصور
لان اغلب الصور خاصه

وبعدها توجهنا الى
hagen dazs

اسعاره مناسبه جدا
وجودة الطعام ممتازه
والى هنا خلصت يومنا الاول
واتمنى اني وفقت بالطرح
واسف على الاطاله
,


خصم يصل إلى 25%