بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



قصة حب تايلندية قصة حب تايلندية
يمر إسمك على سمعي وأغرق في بحر دمعي واذا الوقت فرقنا باذن الله لج رجعنا -2- بدون ردود
16-12-2014 - 08:37 am

لمتابعة التقرير كامل بالردود

https://travel.maktoob.com/vb/travel804962


بسم الله الرحمن الرحيم


من ديرة الخير (( الكويت ))

هاااااااااااااا انا اعود مجددا وفاءاً للوعد

أسرد تفاصيل


تقرير الرحلة الثانية لماليزيا

( زيزااااااااااااا اللزيزة )

من غبتي عني وخاطري دوم مكسور

في غربتي أحياك ذكرى وتذكار
أحيان أقولأنك على حق معذور
وأحيان أحس أن الجفاء ماله أعذار
وكانك تحسب الجفاءذنب مغفور
غلطان ماتعرف للأشواق مقدار





الحمد لله على هذه النعمة

لدينا لصحة والعافية والمال لنسعد انفسنا

بعد عناء وتعب المدارس والدوامات


حجزت للعيال مفاجأة ومكافأة لهم بعد النجاح


المفاجأة خلتهم يصيرون مثل هذا


انسب وقت لنا كان : بعد عيد الفطر تقريبا باسبوع

المدة : اسبوعين ( شوية لكن احسن من لاشي )


عدد اعضاء الرحلة 10
(((خمسة وخميسة بعين اللي ما يصلي على النبي)))


خوات واخوان وعيال شباب وشابات بعمر الزهور الله يحفظهم ويبارك لنا فيهم

قوووووووووووووولوا آآآآآآآآآآآآآآآآآآآآآآمين







مخطط الرحلة:


سيلانقور ( ليلتين )


لنكاوي ( ليلتين)


بينانغ (5 ليال)


كوالالمبور (3 ليال)

اعتقد هذا كان توزيع الأيام نسيت والله
سافرنا يوم 29/8 ورجعنا 13/9/2012





الطيران : الخطوط العمانية للمرة الثانية


رووووووووووعة شوية عليها


دقة في المواعيد


اسعار حلوة ( اهم شي)


والطيارات حديثة والخدمة ممتازة


بعد اكثر من جذيه شنو المطلوب ؟؟؟



الوجه الحسن طبعا انا واهلي


خخخخخخخخخخ






طبعا من بداية السنة
واشتغلنا ندور ونحوووووووووووس للحجوزات والحمد لله توفقنا


حجزنا قبلها ب 6 شهور تقريبا



وخط الرجعة نفس الشي



الأسعار : الكبير 170 دينار كويتي

الصغير : 145 دينار



يوم السفر


الله يا حلو
هاليوم ..........

ليلتها ما كو نووووووم خاف تطير عنا الطيارة خخخخ
الأبتسامات صارت ببلاش والفرحة مالها حددددددددددود


موعد الطيارة الساعة 9 مساءا





الحبايب كانوا في وداعنا


توكلنا على الله واستودعنا انفسنا واهلنا


والوالدة اتوصي


خليكم كلكم مع بعض


عن الصيحة والنجرة ههههه


ديروا بالكم من البحر


لا تطيحون من التلفريك


ياحلوها امي ربي يخليها لنا ويطول بعمرها




ودخلنا خلصنا كل شي الشنط والجوازات و

اخييييييييييييييرا وصلنا صاله الأنتظار لركوب الطيارة


ولا اخفي عليكم


كل واحد يقول للثاني واخيرااااااااااااا وصل هاليوم


وي وي ما بغينا نحقق الحلم الثاني لزيزا






طبعا معانا اعضاء جدد في الرحلة اول مرة يزورون ماليزيا


والبقية خبراء وانا وحدة منهم نعرف عن الديرة وشفناها برحلة سابقة


والحمد لله على كل حال






سولفت وايد وايد صح ؟؟


يالله نخليكم مع الصور


وهالله هالله بالتشجيع والتصفيق


عشان يزيد الحماس عندي واكمل لكم التقرير




وصلنا الحمد لله بسلام بالوقت المحدد
هذه طيارتنا
نزلنا واخذنا الباص ونااااااااااااسة
الي صاله الترانزيت




الترانزت ساعه وربع بس

يعني للصلاه والحمام وبس



وبسرعة مر الوقت وصرنا بالطيارة الأكبر


متجهين الى كوالا







وبعد ساعة تقريبا وزعوا العشاء





واللي نام نام
واللي يشوف فلم واليهال رسوم متحركة

ياربي الوقت طويل 6 ساعات و 20 دقيقة تقريبا

وصار وقت وجبه الريوق




عاد اختكم تحب تصوير الغيوم
والكاميرا ما اسكتت جك جك جك جك




وبانت شمسها تشرق
ياحبي لج يا زيزا اللزيزة



وصلنا مطار كوالالمبور



وتم الهبوط بسلام الحمد لله على سلامة الجميع
والي صالة الجوازات



قبل ختم الجوازات فيه مكاتب تبيع شريحة اتصال
3 شركات مختلفة
اخذنا اللي لونها اصفر
نسيت الأسم

ركبنا الخطوط واتصلنا على الوالدة نطمنها بسلامة الوصول








ومن ثم الشنط بالقطار السريع

والحمد خلصنا مع انه زحمة لكن الطابور ماشي

وققنا نحجز تاكسي للفندق من مكتب المطار
الي فندق البراميد والتسعيرة محددة اخذنا 2 فان
ولا اتذكر القيمة ( اسفة جدا)





وقبل لا نطلع من المطار فيه مكاتب لحجوزات طيران ورحلات لكل مكان بماليزيا
اختصارا للوقت
حجزنا من هذا المكتب




على طيران اسيا
الي لنكاوي بعد ليلتين
بسعر 2700 رينجنت لعدد 10 تذاكر
عصرناها عصر لهذا السعر وهي ارخص مكتب تقريبا

وغلطنا غلطة كبيرة

طلبنا منها تحجز لنا كيلوات معينة لأن شنطنا كثيرة



لكن قالت مو معقوله توصلون ل 150 كيلو ؟؟ اكيد يكفي وزيادة


واقتنعنا للأسف



لكن حصلت الكارثة في مطار اسيا بسبب الشنط


وتعذبنا كثير بتوزيع الأغراض




بعدين اقولكم سالفتها لما نروح لنكاوي









المشاركات

قصة حب تايلندية قصة حب تايلندية
يمر إسمك على سمعي وأغرق في بحر دمعي واذا الوقت فرقنا باذن الله لج رجعنا -2- بدون ردود


وصلنا كوالا الظهر تقريبا الساعة 1 بتوقيت ماليزيا

ركبنا الفان

ووصلنا الي سلانقور فندق البراميد





للمرة الثانية اخترناه :



1- لقربه من صن واي لاقون


2- للوناسة والتفرفر والسوق بالمجمع اللي داخل الفندق



حجزنا من بوكينق


من قبلها بـــ 4 شهور تقريبا


نوع الغرف :

غرفة سوبيريور مزدوجة أو توأم بدون إطلال مع افطار – الغاء مجاني




لا تسألوني عن اسعار للأسف المذكرة اللي كتبت فيها ضايعة



استقبال رائع والدخول سريع



الغرف



الغرف كبيرة نوعا ما
لكن يحتاج الأثاث بنظري الي تحديث
وخصوصا الحمامات عزكم الله

وعلى السريع صلينا ونزلنا المجمع نبحث عن لقمة ( حلال)




اول ما صادفنا هالحلو ( العمة انتي )

سعره بالكويت غالي شوي وهناك تقريبا نص السعر
يا بلاش

واشترينا من عندهم على ما نتفق على مطعم نتغدا ونتعشا فيه بالمرة



واستقرينا على مطعم فش مانهاتن اللذيذ






سمك وربيان وسلمون مشوي واديلووووووووووو بالخمس



هذا اللهب عشان يحمر الربيان شوي ويذوب الجبن
يا ويلي ويلاااااااااااااااه
ودي اكله الصحن الحين
من يوديني هالساعة وينساني اسبوعين ويرد ياخذني مرة ثانية












عذاب عذاااااااااب
لذيذ وأسعاره معقولة جدا




وتمشينا بالسوق
وختمناها بايس كريمي حبيب قلبي من ايام تايلند نكهات وطعم ولا ألذ





ياحياتي هالأيد اللي ماسكته
فديتك ياعمري










والحمد لله على النعمة
رجعنا الفندق ننام ونرتاح استعداد لصن واي لاقون في اليوم الثاني من الوصول الي سيلانقور

تابعوني فاصل ونواصل

بس وين التشجيع ؟؟؟؟ زعلانه


قصة حب تايلندية قصة حب تايلندية
يمر إسمك على سمعي وأغرق في بحر دمعي واذا الوقت فرقنا باذن الله لج رجعنا -2- بدون ردود


(((اليوم الثاني في سيلانقور)))



اصبحنا بحمد الله


نزلنا نتريق وترسنا الكرشة بس على خفيف



انا يعجبني ريوق هالفندق منوع وكثييييييييييير فيه اشياء تناسب العرب


واللي يقول غير جذيه ياويله مني





وبعدها اتفقنا التجمع بالأستقبال


الساعة 10.30 للذهاب الي صن واي





طبعا الفندق قريب جدا ملاصق للألعاب



نطلع من باب الفندق على ايدي اليمين فيه سلاسلم متحركة للأسفل


هذه هي صن واي لاقون العجييييييييييييييييبة







حصلنا التذاكر بسعر حلو :


85 رينجنت للكبير


واعتقد الصغير كان 62 او 65 ر


اذا ماخانتي الذاكرة






وهذه بعض اللقطات ما حبيت اكثر عليكم


لأن فيه وايد صور بتقريري لرحلتي الأولي






وبعدها اتفقنا التجمع بالأستقبال


الساعة 10.30 للذهاب الي صن واي



تعجبني هالثريات بالأستقبال






طبعا الفندق قريب جدا ملاصق للألعاب

نطلع من باب الفندق على ايدي اليمين فيه سلالم متحركة للأسفل


هذه هي صن واي لاقون العجييييييييييييييييبة




حصلنا التذاكر بسعر حلو :


85 رينجنت للكبير


واعتقد الصغير كان 62 او 65


اذا ماخانتي الذاكرة



وهذه بعض اللقطات ما حبيت اكثر عليكم


لأن فيه وايد صور بتقريري لرحلتي الأولي

















والبيض حكايه لذيذ

انا طول السنة ما اكل البيض الا بالسفر


لا تحرموني من السفر عشان ما انحرم من البيض يا ناس خخخخخ









والبان كيك قصة عشق لا تنتهي مع مربي الكيا ( وهي نوع من انواع جوز الهند )




هذه صورتها اشتريتها من محل الحلويات المشهور عندهم (Bread Histor)
في بينانغ وشفته بعد في jetty point الميناء اللي في لنكاوي
المعجنات عندهم شي ما حصل
بتشوفون الصور لاحقا في جزء لنكاوي


قيمتها 5 رينجنت بس
يا بلااااااااااااااااااش وطعمها خطير


لقطة واحنا بالحوض لفندق الصن واي لاقون الجميل







متعه وقفنا كلنا تحت هالمظلة ورشنا الماي رش

متعة لا توصف
































قصة حب تايلندية قصة حب تايلندية
يمر إسمك على سمعي وأغرق في بحر دمعي واذا الوقت فرقنا باذن الله لج رجعنا -2- بدون ردود



الجسر المعلق متعب للصعود له












ملاحظات مهمه جدا : ( صن واي لاقون)
- انا استأجرت سيفتي بوكس في صن وي يفتح عدة مرات بقيمة 15 ريجنت ويتبرمج مع الساعه اللي بالمعصم ويفتح عن طريقها ( حفظت بها الكاميرا والفلوس وشنطتي بما فيها )
احتفظ بالفاتورة لأن هالقيمة ترجع لي عند تقديم الوصل عند الشباك اللي حجزت منه اللوكر بنهاية اليوم قبل الساعه 7 مساءا
( هذا اكتشفته مكتوب بالوصل او الفاتورة لما رجعت الفندق وراحت علي الــ 15 رينجت )








هذا المكتب تحجز منه للسيفتي بوكس







- عند الدخول تدفع تأمين 20 رينجت للساعه اللي بيدك وفي نهاية اليوم لما تسترجعها اما تاخذ الـ 20 رينجت اللي دفعتهم او تختار من الهدايا الموجودة عند باب الخروج ( انا اخترت تي شيرت وساعات للعيال حلوين والله )

- استأجرنا تيوب كبير ( القارب ) للاستمتاع بالأحواض طوال اليوم دفعنا 30 رينجت – لما ترجع القارب لهم يرجع نص القيمة لأنها كانت تأمين فاسترجعنا 15 رينجنت ( حلوين وينفعون )
فاحرصوا على الأحتفاظ بالوصل او الورقه اللي يعطونك اياها لاسترجاع هذه المبالغ البسيطة لأنها تنفع لشغلات ثانية وتسد باب مثل ما انقول بالكويتي









طلعنا الساعة 6 سكرنا الباب عنهم لا يتعبون حرام هههههه
نحلل فلوسنا
كانت يوم حلو وماشاء الله صار ناس وايد وبعض الألعاب يصير فيها دور طويل
لكن اسمتمعنا

يا حلات فندق ومنتجع الصن واي لاقون المدخل يشرح القلب



رجعنا نغير ونسبح بالفندق استعدادا لقضاء باقي اليوم بالتسوق ومن ثم عشاء لذيذ


قصة حب تايلندية قصة حب تايلندية
يمر إسمك على سمعي وأغرق في بحر دمعي واذا الوقت فرقنا باذن الله لج رجعنا -2- بدون ردود


وتفرقنا كل يختار ما يحب للعشاء
انا واختي وعيالنا قعدنا في بيتززا هت
فرق بين خدمة الكويت وماليزيا
عندهم برووووووود مو طبيعي عيزنا واحنا ننتظر الطلب
والوجبات صغيرة

ياخي انتو تشوفون نفسكم احجام صغيرة مثل الكتاكيت مو لازم احنا مثلكم
هههههههههههههههههههه




وسعر الوجبه اغلي من الكويت

وجبتي



وبعد الأكل لك الحمد والشكر على النعمة
تسوقنا
واخر شي حلينا بسينامون


ووقفت اصوره وهو يسويها




يقيسها بالمسطرة وبالملي



اللي ما عجبني ولفت نظري
انه مو لابس قلوفز ( يعني كفوف نايلون)





لما اشتريت العلبه فيها 4 حبات بسعر 13 رينجنت
لقيت فيها شعر ولاعت جبدي

وبدلها لي وما اشتهيت اكل بعد
وزعتها على الشباب
عليهم بالعافية


قصة حب تايلندية قصة حب تايلندية
يمر إسمك على سمعي وأغرق في بحر دمعي واذا الوقت فرقنا باذن الله لج رجعنا -2- بدون ردود


امس سويت حمله تنظيف قشرة وقوية على كل البيت
وللأسف ما حصلت مذكرتي اللي فيها كل الأسعار والملاحظات
( فص ملح وداااااااااااااااااااب)

فأعذروني بحاول اعصر مخي كثر ما أقدر
بس هااااااااااااااا لا يطلع لكم منتج جديد اسمه ((( عصير مخ ))
ان شفتوه بمحلات العصير فحقوق الأنتاج لي انا



بالنسبة لفندق البراميد
Pyrimed Hotel @ Sunway Resort

حجزنا من موقع بوكينق
وكل ما أدخل واحصل سعر اقل احجز جديد واكنسل القديم
( ذكية انا )

هذه الأسعار

غرفة سوبيريور دبل او توأم غير مطله + افطار
بسعر اجمالي 1410 رينجت + 16% خدمة وضريبة
وعليكم الحساب

لمدة 3 ليال
( اسفة ذكرت في بداية الموضوع انهم ليلتين بس فأرجو المعذرة)
من تاريخ 30/8 الي 2/9/2012

وهذه بعض اللقطات للفندق للي ما يعرفونه







الشطاف وما أدراك ما الشطاااااااااااااف
مسأله حياة او موت




وسيفتي بوكس
اول ما نوصل على طول يتم اختيار الرقم السري والفلوس والجوازات
بالحفظ والصون


عدة تالي الليل بعد التعب والرحلات




صالة الفطور


فاكهة الدراقون
اللي ما يذوقها هناك يطوفه نص عمره



واهم شي بالريوق
البيض والاوليت
ياناس والله طعم البيض عندهم لذيذ ومافيه زفرة




لقطة خارجية للفندق من علي الجسر
يسلم راسك يا ( أسد )



قصة حب تايلندية قصة حب تايلندية
يمر إسمك على سمعي وأغرق في بحر دمعي واذا الوقت فرقنا باذن الله لج رجعنا -2- بدون ردود


بعد ما خلصنا العشاء في البيزا و التسوق على اصوله والمشتريات محمله على الأكتاف
والعيال لهم نصيب الأسد

يمه هذا ويمه نبي هذا ....
وانا مالي الا اقول اخذوا يا نظر عيني

عليكم بالعافية
وادفع وابتسامتي نص نص عند الكاشير من هول الصدمة

عليهم بالعافية

فرصة اكثر المحلات فيها خصومات وعروض
والسفر هذه حلاته ترجع الشنط مليانة وكله بثمنه


انا ام مثالية وحلوة وزينة صح ؟؟؟






اليوم الثالث (( سيلانقور ))
*************

بعد ما أصبحنا بحمد الله وافطرنا

اتفقنا مع تاكسي من الفندق لجولة الي :
* الينابيع الحارة
* شلالات سيلانقور
* الماينز

اخذنا 2 تاكسي عائلي
اجرة الواحد 60 رينجنت



القيمة الأجمالية توزع وتقسم على جميع افراد الرحلة
هذا الحلو ان فيه امور نتشارك فيها تقلل علينا المصرف شوي



المحطة الأولي
الينابيع الحارة

هي مجموعة من الأحواض مليانة مياه حارة طبيعية من جوف الأرض
نااااااااااااااااااااااااااااااااااااااار حارة نااااااااااااااااار


اخبرنا سايق التكاسي انها تعالج بعض الأمراض
وشفنا هناك بشر كثير يتسحبون من هالماي
واللي قاعد ومغطس رويلاته

فيه اطفال يؤجرون عليك طشت ومغرفة
اعتقد كانت بــ 5 رينجت واللي يبي يزيد ويحسبها صدقة بارك الله فيه




الأحواض عمييييييييييييييييقة واللي يروح ومعاه اطفال ينتبه لهم
الله يحفظهم



وهذ الحوض للمساج
فيه احجار تمشي عليها واحلى مساج
بس الماي حاااااااار واللي يتحمل هو الشاطر




الجو كان حار نوعا ما لأن الشمس طالعة




والشياب اشكثرهم بنص هدوم
ياخذ ويصب على روحه من الماي الحار



ما شاء الله تبارك الرحمن
كان فيه عايلة سعودية
الأب وعياله اعمارهم 4 5 سنوات
يوقفون بالحوض الصغير عادي ولا كانه ماي حار
ابوهم فرحان فيهم يقول احسن خليهم يتحملون
وزيادة ياخذ ماي ويصب عليهم

الله يحفظهم له صج خوش ناس



اخذنا بهالمكان تقريبا ساعة الا ربع
انصلخنا من الشمس

وتوكلنا على الله الي الشلالات


قصة حب تايلندية قصة حب تايلندية
يمر إسمك على سمعي وأغرق في بحر دمعي واذا الوقت فرقنا باذن الله لج رجعنا -2- بدون ردود


هذا التاكسي



المحطة الثانية
((( الشلالات )))


بالطريقة بعد الينابيع الحارة

المكان حلو لكن شوي رطب
ويبيله مشي شوي داخل
طبعا انا يقتلني هذا الجوووووووو واخاف من شوفه الزواحف بأنواعها
يعني لا يطلع لي سحليه والا بريعصي انتهي

وصلنا الشلال انا وقفت تحت والعيال والأهل قعدوا فوق الشلال
المنظر حلو والماي بارد يرشرش

حرام احد الشباب طاح منه الموبايل والحمد لله الكفر بس اللي رااااااااااااح بالشلال ما قدرنا انطلعه
وشاتريناله لما رجعنا كفر من البراميد

يعني يا جمااااااااااااااااااعة انتبهوا على اغراضكم وانفسكم وخصوصا اذا فيه صغار
المكان شوي يزلق لأنه رطب

وهالحلو كان عند البوابة باستقبال الكل







المكان عبارة عن حديقة كبيرة فيها ناس وايد قاعدين ببداية الحديقة
وفيها مجري للماي عيالهم يبلبطون فيه
خخخخخخخخخخخخ

هذا كشك للي يبي ماي عصير شبس






والقرود منتشررررررررررررررررررة


هالطبق كان ينباع هناك
كلش ما يشجع







آآآآآآآآآآآآآآآه ماكو لياق وحر ومشي
اطلعت روحي
ما أحب هالاماكن بس مجبورة اكون مع الاهل بكل مكان
الله لا يفرقنا ويبعد عنا العين

ووصلنا الشلال













ومع السلامة يا حلو وووووووووووووو
الي لقاء اخر باذن الله



قصة حب تايلندية قصة حب تايلندية
يمر إسمك على سمعي وأغرق في بحر دمعي واذا الوقت فرقنا باذن الله لج رجعنا -2- بدون ردود


المحطة الثالة والأخيرة بجولة اليوم الثالث في سيلانقور

(((الماينز )))

هذه المرة الثانية نزوره
انا كان ودي اجرب القارب اللي فيه مصعد
قرأت عنه تقارير كثيرة

اول ما دخلنا مجمع الماينز حجزنا رحلتين
الواوا سبلاش
والرحلة الثانية مدتها ساعة اللي فيها المصعد المائي

الأسعار ارتفعت شوي عن المعام الماضي

لكن كانت ان ما خانتني الذاكرة
ما بين 28 - 35 رينجت



الرحلتين حلوين
وهذه مقتطفات من الجولة







واااااااااااااو شوووو كبير
((( الورل))
والمنطقة مليانه منه في كل مكان









من يقايش على هاللقطة ؟؟؟






















صديقاتنا البطة السودا والبيضا



الرحلتين حلوين انصح فيهم للي معاه صغار







وصار العصر ولازم نرجع الفندق نريح شوي
وعقبها نتغدا ونتعشي بوقت واحد ذبحنا لاجوع بعد هاللفه
واللي ناقصه شي للتسوق هذه هي ليلتنا لأخيره في البراميد

وبعدها سنتجه الى لنكااااااااااااااااااااااااااااااوي


قصة حب تايلندية قصة حب تايلندية
يمر إسمك على سمعي وأغرق في بحر دمعي واذا الوقت فرقنا باذن الله لج رجعنا -2- بدون ردود


بعد الراحة و السباحة وتغيير الملابس
وطلعنا كشخة على سنقه 10

توزعنا كل يختار الأكل اللي على هواه
انا ووحدة من خواتي اخترنا الطربوش

دخنا 10 دوخات على ما لقيناه


اكيد فيه ناس بتعلق على صور الأكل
لكن انا اقووووووووووووول انا انسانة استمتع بتصوير كل صغيرة وكبيرة
واحب تصوير الأكل مخصوص

هذا طلبنا

معكرونة بالجبن
مو حلوة كأنها بلاستيك


فتوش
لذيذ







ربيان مشوي بس شوية يمكن 6 حبات
وايد حلو ومتبل عدل



بالمنيو هذه المفروض زبيدي
بس انا اشك في ذلك
بس كانت لذيذة




فيه بلكونة وقعدة خارجية للمطعم
لكن كلها شباب وشيشة ما ارتحنا نقعد فيها

وهذه اطلاله صن واي لاقونية ليليه






الأسعار بالرينجت :
فتوش 15
سمك مقلي 35
معكرونة الحبن 28
شيش كباب 26
ربيان مشوي 50
شبس 7
سفن اب 5
ماي 5
بيبسي دايت 6
فاتورة مطعم الطربوش 182.00 رينجت بس
خدمة 18.200

المبلغ كامل 200.20 رينجت بس

تقييمي للمطعم 9/10

الأكل لذيذ
الأسعار مناسبة
القعدة مريحة وخصوصا داخل الصالة
الخدمة جيدة

*** وعلينا بالف عافيه ***



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25% خصم يصل إلى 25%

Share

يمر إسمك على سمعي وأغرق في بحر دمعي واذا الوقت فرقنا باذن الله لج رجعنا -2- بدون ردود