سنغافورة المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Ahmed Bin Ali
12-12-2022 - 11:00 pm
السلام عليكم ورحمة الله وبركاته ...
اخواني واخواتي ،،،
انا مسافر بعد اسبوع سنغافورة لمدة اسبوع وقلت بخلّي ثاني وثالث يوم حق الجزيرة
اللي ابي اعرفههل تذاكر سانتوسا واليونيفرسال منفصله ولا نفسها ؟
واذا منفصلة ، ايش مميزات كل تذكرة وايش اقدر اسوي فيهاوياليت لو احد يشرح لنا انواع التذاكر المتوفرة لانه سمعت انه في تذكرة vip عشان الزحمة والاولوية ..
للعلم هذي اول سفرة لي لسنغافورة وبسكن في اورتشارد، لما اروح الجزيرة برجع فالليل اورتشارد وبروح ثاني يوم الجزيرة مرة ثانية ..
وشاكر لكم مقدما ...


التعليقات (6)
أبو سعود Q8
أبو سعود Q8
عزيزي الأخ أحمد
تذكرة اليونيفيرسال ستوديوز معروفه
لكن شنو تقصد بتذكرة سانتوزا ؟؟
قصدك تذكرة تخليك تدخل جزيرة سانتوزا ؟ ولا شنو بالظبط ؟
لأن الدخول لجزيرة سانتوزا مجاني !!!
أما بالنسبة لليونيفيرسال فسعر التذكرة للكبار74$ وللصغار54$ دولار سنغافوري
أما بخصوص تذكرة vip هي بالحقيقة اسمها اكسبرس
هذي قيمتها 30$ للشخص وماتفرق بين كبير وصغير كلهم نفس السعر
وهذي التذكرة تليك تدخل الألعاب باليونيفيرسال بسرعة بدون طوابير وبدون زحمه
أتمنى أكون أفدتك باستفساراتك

إيناس53
إيناس53
وعليكم السلام ورحمة الله وبركاته
شكراً للمشرف القدير أخونا أبو سعود ما قصر بالإجابة الله يعطيه العافية
أنا قرأت عن رسوم الدخول للجزيرة إنها 2 دولار سنغافوري للشخص
لكن بصراحة ما شفت هالشي يمكن إنها للزوار اللي معهم سيارة وما يكونون ساكنين بالجزيرة
اقرأ هالموضوع فيه معلومات بتفيدك
https://artravelers.com/p/re/97012

Ahmed Bin Ali
Ahmed Bin Ali
أبو سعود Q8
مرحبا اخوي بوسعود
اول شي اشكرك على الرد ،،،
بس لانه لما سويت بحث شفت انه جزيرة سانتوسا فيها العاب غير اليونيفرسال .. شلون تذاكرها هذي ؟

Ahmed Bin Ali
Ahmed Bin Ali
إيناس53
براجع الرابط ،،
شكرا لك ورحم الله والديك

المسافر المبتدئ
المسافر المبتدئ
السلام عليكم أخوي أحمد الإخوان ما صقصروا بس أحب أبين لك بصورة أوضحسانتوزا عبارة عن جزيرة صغيرة فيها عدد من المناشط ومن ضمن المناشط الي فيها ملاهي يونفرسال وهي مستقلة ولها تذاكر خاصة فيها، وفيها مناشط أخرى كل منها مستقلة بتذاكرها مثل السيارات التي تزل من أعلى المنحدر ، ومثل التلفريك، ومثل الطيران، ومثل التعلق في الهواء، ومثل عروض الأسماك والدلافين، ومثل العروض رابعية الأبعاد الخ,,,
وفيما يخص التذاكر الخاصة بملاهي يونفرسال فهي ثلاثة أنواع:
1-عادي .
2-اكسبرس وهي تمكنك من تخطي الطابور في بعض الألعاب .
3-vip وهي تمكنك من اللعب بدون التوقف في اي لعبة وتكون برفقة أحد الموظفين الذي يرشدك للألعاب وتذاكرها غالية ويعطونك معها عروض أخرى من غداء ونحو ذلك تجد التفصيل والأسعار في موقعهم
وبالتوفيق يالغالي

رحال كويتي
رحال كويتي
اخي الكريم
خذ عندك هذا الموقع الرسمي لجزيرة سنتوسا
في جمع النشاطات و اسعارها و اوقات عملها
و انصح انك تاخذ فندق فيها فيما لا يقل عن 3 ليالي من ال 7 ليالي
http://www.sentosa.com.sg/en/


خصم يصل إلى 25%