الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ClaSSic87
11-12-2022 - 06:48 pm
هلا اخوتي
كيفكم ..
لنا زياره ان شاء الله في اجازه عيد الاضحى..
وبعد الحجوزات اكتشفت انه رح يكون زحمه كثير
بس مو مشكله اهم شي نغير جو
ممكن تعطوني رايكم بجدولي ..
طبعا نحن شخصين وطفل عمره 10 شهور..
اليوم الاول /
الوصول بالليل .. ف رح نكتفي باستكشاف الفندق والراحه لانه حاجزين في جميرا المسيله
والعشاء اذا ما كان في الفندق ( ميس الغانم او كافيه بزه في شارع الخليج)
اليوم الثاني /
من المتوقع ان شاء الله يصادف يوم عيد الاضحي.. فقلت بيكون اغلب الاسواق المحليه مغلقه
فقلت نخليها مولات لانه اكيد مفتوحه
فكنت افكر الصبح نروح مول 360
والمساء نروح الافنيوز
اذا في مقترحات ثانيه ليوم العيد اتمنى الافاده
اليوم الثالث /
الصباح: الابراج / سوق المباركيه / المارينا مول / والغداء في فريج صويله
هل ممكن نحجز للمطعم؟
المساء : مجمعات حول ( النقرة / المهلب / والعثمان ) العشاء في احد المولات
االيوم الرابع /
الصباح/ اسواق السالميه ( الفنار / ليلى غاليري / سيتي سنتر السالميه ) الغداء في ميس الغانم
المساء/ محتاره ما بين حديقه الشعب والافنيوز
لانه خاطري اتمشى في الافنيوز في كل الاقسام خصوصا السوق
اليوم االخامس/
يوم العوده الى الوطن طبعا طيارتنا بالليل ان شاء الله فقلنا الصبح نسوي الشنط وبعدين نتمشى بس ما متاكده وين
عندي سوال الاكوا بارك مفتوح في شهر 10 وهل الجو بارد؟؟
واذ مفتوح متى تقترحون نروح
طبعا رحلتنا تهدف الى التسوق وتجربه المطاعم
طبعا هدفي في التسوق فساتين سهرات راقيه وحاطه في بالي مول ليلى غاليري...وملابس اليوميه تنانير وقمصان
سؤال ثاني وين في المباركيه احصل مكياج الكويتي سمعت في مكان اسمه السرداب كيف اوصل له؟
شكرا لكم وانتظر تصليحاتكم ومقترحاتكم


التعليقات (7)
ابوحمد.
ابوحمد.
السلام عليكم
وياهلا ومرحبا في بلدكم الثاني الكويت
جدولكم حلو
والكوابارك ماادري ان شاء الله الاعضاء يفيدونج والجو موبارد معتدل حلو
وهذا رابط لمشرفتنا كويتيه ان شاء الله يفيدج
https://artravelers.com/p/re/487746

ClaSSic87
ClaSSic87
شكرا اخوي ع المرور
بس ما رديت ع استفساراتي ايش ممكن نسوي يوم العيد واذ في مقترحات ولا نقضيها مولات
ايش الفرق بين النقره الجنوبي والشمالي
وايش افضل سيتي سنتر السالميه ولا سوق السالميه؟؟
وهل مجمع الكوت يستاهل الزياره؟

ابوحمد.
ابوحمد.
بالعيد في حديقه الشعب فيها مدينة ملاهي وفي المدينه الترفيهيه بالدوحه وفي بالعيد يكون مسرحيات
مجمع النقره ينقسم للشمالي والجنوبي مافي فرق
سيتي سنتر وسوق السالميه بينهم كيلوين مرو الاثنين
مجمع الكوت بمنطقه الفحيحيل على البحر حلو ويستاهل الزياره ويبعد عن المدينه 30 كيلو للجنوب

ClaSSic87
ClaSSic87
mr.q8
هلا والله
ما قصرتي اختي
سوال في اي قسم من النقره احصل فساتين لاعراس
واي قسم احصل الشيل والملابس الكاجول اليوميه
في اي يوم اقدر احط فيه زياره للكوت يعني اي يوم بيكون قريب منا؟؟؟
احطه اخر يوم بما انه ما عنا شئ

danah_
danah_
النقره الشمالي والجنوبي نفس البضاعه تقريبا مري عليهم الاثنين يفصل بينهم شارع فقط !
،
مجمع 360 خليه بيوم بروحه مع دخول السينما والمساء الكوت لانه الاقرب (باليوم الثاني)
اما باليوم الرابع بعد الغداء روحي للافنيوز واقعدو لي 10 مساءا بتقدرون تفرونه كامل :$
المجمعات الكبيره عندنا تفتح من 10 الى 10
اما الشعبيه او العاديه مثل النقره والمهلب ... الخ تفتح من 9 او 10 الى 1
ومن 4 الى 9 او 10 مساءا
مجمع 360 يبعد كيلوين تقريبا عن المطار تقدرين تخلينه باخر يوم اذا تبين , بس المشكله وين تحطون الجناط،
والمجمع صغير وكله ماركات عالميه ممكن تفرينه كامل مع غدا او عشا بساعتين ونص او 3 ساعات

ClaSSic87
ClaSSic87
danah_
فديتج ما قصرتي يا عسلسهلتي عليا الجدولبس اخر جم سوال الله يخليجفي المباركيه وين احصل المكياج اللي بالسرداب؟وبين الاكوا بارك وحديقه الشعب وين احسن نروحهوابي صالون نسائي مضمون في سوالف صبغ الحواجب والامور الثانيه... (ستايل دلاليد)يسلموو ويعطكي الف الف عافيه

danah_
danah_
اهلين ، سوري حبيبتي توني اشوف ردج ،
المكياج بسرداب الشايع اسالي عنه يدلونج ، ماعرف مكانه بالضبط ،
الاكوابارك ملاصقه لابراج الكويت
حديقه الشعب بمنطقه الشعب على شارع الخليج العربي
كل مناطق الكويت فيها جمعيات تعاونيه وفيها صالونات تسوي كل شي ،
بس احسن شي بمنطقه خيطان صالون رنيم بجانب صاله افراح نسيت اسمها :$
بس معروف اي تاكسي بخيطان يعرف الصالون
وحيل حلو شغلهم


خصم يصل إلى 25%