حنون وأحب بجنون
14-12-2022 - 07:43 pm
السلام عليكم
تكفون ساعدوني ماني عارف ارتب اموري عندي معلومات عن الاماكن السياحية بس ما عندي تفاصيل عنها ولا عندي ترتيب لها بحيث تكون رحلتنا مرتبة
انا ابي ازور الاماكن هذي:
منتجع شانغريلا
شاطئ الغرم وحديقة الغرم
سوق مطرح والكورنيش
المخيم في صحراء وهيبة
رحلة بحرية لمشاهدة الدلافين
حديقة بوشر
متحف بيت الزبير
ملاهي
مجمع فيه افضل سينما
حلوى عمانية
تكفون حطو لي جدول يومي بحيث ازور هالاماكن بس كمان حطو لي تفاصيل عن عملية الحجز والاسعار و المسافات ياليت بالتفصيل الممل واكون شاكر لكم
بالمناسبة احنا ستة اشخاص وراح نسكن في مطرح تقريبا ياليت تفيدوني بعد بالتنقل هل نستأجر سيارة او بالتاكسي او كيف لان راح نجي طيران
مشكورين
حياكم بعمان وان شاء الله تستانسون
وعذرا ع التأخير الغير مقصود طبعا
اول شي دامكم ستة أشخاص يفضل تستاجرون سياره كبيره
وترتاحون من التنقل بالتكاسي وامور الشوارع طيبه وواضحه وسهله لكم ان شاء الله
ومنتجع شنجريلا يفضل تسكنون فيه ليلتين عالاقل لان زيارته كذا ما راح تستمتعون بالتسهبلات المقدمه من المنتجع
كالمسابح والعاب الاطفال ...الخ
بالاضافه ان الرحلات البحريه يصير تحجزونها من المنتجع نفسه ومافي داعي تروح لمكاتب سياحيه
بالمختصر منتجع شنجريلا وسوق مطر والكورنيش ومتحف بيت الزبير كلهم قريب من بعض
وومكن يكفيهم يومين
بالنسبه لتخييم صحراء وهيبه لازم تحجز من اي مكتب سياحي عشان اسهل لكم وتحت اشرافهم
لانه المسافه تقريبا 300 كيلو بالاضافه الى مسافه الطريق الغير معبده المؤديه للمخيم في صحراء ال وهيبه
وطبعا يفضل المبيت
ولما تخلصون وترجعون مسقط عاد اعطوا المجمعات وجه وزوروهم عندكم جراند مول مسقط وفيه سينما طبعا
وعندكم سيتي سنتر الموالح لا توجد سينما
بالنسبه لشاطي القرم المكان يفتح النفس وفيه مجموعه من الكافيهات وقريب من الشاطي توجد سينما الشاطيء ايضا
وهي سينما الشاطي والتي افضلها لانها لا تقع في مركز تجاري وبعيدا عن الزحمه
بالنسبه لحديقه بوشر ما فهمت المقصود ولا اعتقد يوجد حديقه في بوشر
بس ما يخالف ممكن تعوضون بحديقه القرم الطبيعيه والقريبه من شاطي القرم ايضا
اتمنى اني افدتك ولو بشي بسيط
ملاحظه هل حجز الفندق قابل للتغير اذا قابل للتغير يفضل تغيير المنطقه
شكرا ويا هلا فيكم