1. انا واجهت مشكله في الشيك ان

مرااحب جميعا
بعد زيارتي لمكه المكرمه خلال صيف 2006 لاداء العمره (( الله يتقبلها مننا ))
شفت البعض الي يتساءل عن فندق دار التوحيد انتركونتيننتال
وانا في هذا الموضوع حبيت اقدم ولو اضافه بسيطه لهذا المنتدى الي ياما استفدنا منه الكثير
اول شي بعطيكم بعض النقاط عن الفندق من ناحيه ايجابيات او سلبيات

• * الشيك ان في الفندق الساعه 5 قبل المغرب والشيك اوت الساعه 3 العصر

( الفندق متشدد جدا من ناحيه الشيك ان والشيك اوت لدرجه انهم يخلونك توقع على ورقه تجبرك على تسديد نصف قيمه الغرفه اذا جلست فيها الى الساعه 6 يعني ثلاث ساعات اضافيه)

انا واجهت مشكله في الشيك ان

لمن حجزت عن طريق الهاتف ماتوقعت ان الشيك ان الساعه 5 وحتى الموظف مانبهني بالموضوع هذا وصلت للفندق الساعه 12 الظهر ولا عطوني الغرفه الا الساعه 5 ونص ؟!!

• * بوفيه الفطور ممتاز ومتنوع ويلبي كل الرغبات.
• *الغرفه كبيره ماشاء الله فهي اقرب للسويت الصغير من الغرفه.
• * عندهم اكثر من كافيه و انا ما جربت غير كافيه واحد اسمه زمزم ورأيي الشخصي فيه غالي والي يقدمه عادي جداً.
• * خلال فتره الصيف الي فاتت كانت اربع مصاعد تحت الصيانه والضغط كله على الاربع مصاعد الثانيه يعني اذا ماطلعت قبل لا يأذن فاعرف ان الصلاة راحت عليك
• * الانترنت مجاني.
• * الروم سيرفس جيدين لكن في اوقات الضغط تتغير الاخلاق ؟؟!! :112: في حادثه صارت معنا اننا طلبنا كيبل للانترنت وبعد انتظار اتصلنا عليهم مره ثانيه ورد علينا مستقبل الاتصالات باحتقان بانكم توكم متصلين ؟؟!! وين تونا متصلين وحنا تعدينا الثلث ساعه من اتصالنا؟؟!!
• * سعر الغرفه المطله على الحرم 850 ريال والغرفه الغير مطله 730 ريال. اما باقي الانواع ما اعرف تسعيراتهم وبالتأكيد المواسم تختلف من ناحيه الاسعار

لكن احد موظفيهم أكدلي بأنه في رمضان لا يمكن ان تحجز يوم واحد في الويك اند
يعني لازم تحجز ليومين بحيث يصير الشيك ان يوم الاربعاء والشيك اوت يوم الجمعه

• * رقم الحجز لدار التوحيد 025411111 والي من خارج السعوديه يحط المفتاح الدولي 0096625411111

الحين بحط لكم صور اخذتها بجوالي الشخصي للغرفه وااسف مقدما على عدم دقه الصور
وهذي صور متفرقه للغرفه

هذي دوره المياه اكرمكم الله

هذا التلفزيون وحاطين فيه 12 قناة تقريبا وكاتبين رساله بجنب الريموت ( نظرا لقدسيه المكان نعتذر لقله القنوات الموجوده ) او شي قريب من الكلام هذا برأيي الشخصي من الي يفكر بمتابعه التفزيون وهو في مكه؟؟

شوفوا حتى الثلاجه صورتها لكم

والي داخل الثلاجه بعد :36_1_24:

واختتم بهذي الصورتين للحرم ( الاولى اخذتها من الغرفه والثانيه قبل دخولي للصحن )

سلام