النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بريداوي9991
12-12-2022 - 04:17 pm
السلام عليكم ورحمة الله وبركاته
احيي جميع اعضاء المنتدى المبارك جميعا
راح ابدى في طريقتي في استخراج الفيزة من النمسا اعتقد اني
احس اني اول واحد ياخذ الفيزة الشنقن بيوم واحد بدخل موسوعة قنتس
ههه
المهم اول خطوة سويتها هي اني دخلت الشيخ قوقل وكتب سفارة النمسا الرياض
http://www.bmeia.gv.at/ar/botschaft/riyadh.html
وطلع لي الرابط اعلاه
نزلت تحت في الصفحه ومكتوب فيها الموعد عبر الانترنت وهذا الرابط
https://appointment.bmeia.gv.at/?Office=Riyadh
ثم تختار اللغه الي تبي من اليمين
ثم يوجد خياريين باليسار تختار اما1.الاقامة والتصديق
2. التاشيرات
اذا انت تاشيرة سياحية تختار التاشيرات
ثم تنتقل للصفحة الي بعدها وتختار عدد الاشخاص الي راح يدخلو معاك بالموعد
ثم تنتقل للصفحه الي بعدها يقولك اقراء التعليمات
ثم تنتقل للصفحه الي بعدها يجيك وقت المقابله والتاريخ
يوجد معلومه مهمة اذا رايت ان الموعد بعيد عليك وتريد قبل الموعد الموجود يجب عليك ان تذهب للسفارة راح يعطونك موعد قريب حسب الامكانية
ثم تنتقل للصفحة الي بعدها تعبي البينات حسب معلومات الجواز
وتطبع الورقه وتحفظها لما تروح للسفارة
المهم نا تقدمت لاخذ موعد في 09/07/2013
وعطاني الكمبيوتر اقرب موعد في 01/09/2013
ورحلتي في 16/09/2013
من بكرا اتصل علي مندوب السفارة وقالي فيزتك خالصه
قلت ابشر بكرا انا عندك لاني من القصيم
وشكرا حبايبي واي استفسار انا جاهز


التعليقات (6)
رامي -شعيل
رامي -شعيل
السلام عليكم
حلوة المعلومة الجديدة انك تقدر تمر السفارة ويقدمون موعدك
تحياتي لك اخي العزيز
ومجهود تشكر عليه

foxx109
foxx109
احد الزملاء ..
قدم اوراقة للسفارة النمساوية بالرياض يوم الاحد 1 - 9 - 2013
واليوم استلام جوازه 4 - 9 - 2013 ..
فقط 3 ايام ؟؟
شي جميل ومبشر بالخير .. ومدة التأشيرة 6 اشهر

انسان ولهان
انسان ولهان
جميل جداً
والنمساوية دائما سريعه جداً الاهم كيفية الحصول على موعد هنا الإشكالية
تحياتي لك
ابومعن

بريداوي9991
بريداوي9991
اولا اشكركم على مروركم احبابي وردكم السريع
وهي حلوة المدة بيوم واحد مقارنة في بعض السفارات تقعد اكثر من 14 يوم
والموظف الي بالسفارة سوداني اسمه علي قمة في الذوق والاخلاق
وبعدين يمكن يكون احنا تقديمنا في وقت بدت الدراسه في السعودية
عشان كذا لا يوجد زحمه
انا يوم اروح اتقدم لهم كان وقتي الساع 9:45 ص واخذ اوراقي الساع 9:00
ولا يوجد الا انا الي فردي اما الي تقدمو معاي شكلهم عرسان جدد ههه ربي يهنيهم ويرجعو من سفرتهم سالمين
لاني عندي موتمر والا كان اخذ المدام والاولاد عندهم مدارس ربي يحفظهم
والمدة 6 اشهر التاشيره
الموتمر يومين وراع اطلع على دولة المجر ودولة سلوفاكيا انتظروني على التقرير القادم ان شاء الله

sultan8
sultan8
ماشاءالله ان شاءالله تتوفق في جميع امور سفرك
يالغالي بسالك ايش الاوراق المطلوب الي قدمتها
من تأمين صحي وكم سعره ؟
التعريف بالراتب ؟
وكشف حساب ؟ وغيره
اتمنى توضح لنا كل شي بالتفصيل لانني بقدم عليهم ان شاءالله وانا من القصيم ايضا
الفزعه

بريداوي9991
بريداوي9991
اهلين اخوي سلطان
1- انا موظف شركه في القصيم عندي تامين من الشركه علي التعاونيه مدته سنه كلمت شركتي قلت ابي شهادة تامين يغطي 30 الف يورو طبعتها الشركه مجانا لي
2- وحجزت المدة الي ابي طيران وقصيتها
3- تعريف من الشركه موجه للسفاره النمساويه بالاسم والراتب ورقم الجواز وسبب الروحه للنمسا مصدق من الغرفه التجاريه اذا انت موظف حكومي يكفي تعريف مختوم مترجم افضل
4- حجزت من بوكينق فندق 4 نجوم عشواي طول مدة الرحله قابل لالغاء بعد ماستلمت الجواز الغيت الفندق
لاني انا راح اسكن عدة فنادق متنوعه
5- صورت له صورة الفيزه حقت بنك الراجحي من الامام
6- وصورت له صورة بينات المنتدي الي راح احضره هناك
7- والشركه المنظمه ارسلت لي دعوه من هناك باسمي وصورته لهم
واي استفسار انا جاهز


خصم يصل إلى 25%