فرانكفورت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Locked
08-12-2022 - 04:45 am
بسم الله الرحمن الرحيم ..
اليوم , حابّة أعمل تقرير كامل مكمّل عن آخر سفرة لي أوروبية بالتفاصيل المملة
شفت أنا لمه كنت أجهّز للسفرة حاجتي للتقارير وأسئلتي ال ماتنتهي
ومن وقتها كنت عازمة أسوي تقرير كامل حتى أساعد غيري اللي حابّين يسافرون لأوروبا وماعندهم فكرة ولا سبق
وخاضوا التجربة
أوّل تقرير لي في عالمي النتّي :$ فبشويش عليّ :$
وإن شاءالله يحوز ع إعجابكم ,
طبعًا قسّمت الموضوع ع جزئين .. الجزء الأول هذا ويحتوي ع الإجراءات + تقرير .
والجزء الثاني عبارة عن تكملة للتقرير فقط ..
طبعًا الغرض من التقسيم هو حتى إني أعطي كل جزء حقه .. وحتى ما تملون من القراءة
خلّونا نبدأ التقرير .. بسم الله
أوّل خطوة كانت اختيار الوجهة , ع أي أساس إحنا اخترنا أوروبا
هل هي مناسبة لأسرتي ؟ هل هي مناسبة لميزانيتي ؟
هل الوجهة اللي أنا اخترتها فعلاً تحقق لي رغبتي من السفر أو لا ..
أكبر غلط يرتكبوه كثير من النّاس .. إنهم يختارون وجهتهم ع كلام النّاس ومديحهم لدولة معينة. أو ع حسب برنامج معين أو تقرير من النت ..
بقولكم مثال .. صديقتي راحت لشهر عسل .. وبحثت بالنت لقت الوصف الخيالي للمالديف! وبدون مبالغة كانوا يقولون تحسين إنك بالجنة
و ع أساس هالكلام عزموا هي وزوجها يطلعوا لها شهر عسل لمدة أسبوعين .. وهم يا أرض احفظي ما عليكي ! محد قدهم
وصلوا هناك انصدموا إنها مو زي ما توقعوا ! كان الملل قتلهم لدرجة كانت دبي ترانزيت يوقفون عندها .. قدموا رحلتهم أسبوع وجلسوا بدبي أسبوع !!
قالت لي الملل ذبحنا مافيه أسواق مافيه هيصة وهبال وخبّة ووناسة .. لا كل شيء هادئ وصامت ! جتنا تكّة ههه
الخطأ اللي سووه إنهم اعتمدوا ع تقارير النت ووصف الأعضاء اللي راحوا لها
طبعًا الأعضاء أكيد مامدحوها إلا هم مخططين الغرض من الرحلة ! استرخاء .. أو ذكرى زواج :$ أو أسباب أخرى .. لكن اللي صار مع صاحبتي إن الوضع ابدًا ما أعجبهم .. كونها ناسبت ناس كثيرين مو شرط تناسب غيرهم .
طبعًا صاحبتي نفسها قالت لي بعد زواجها بسنتين إنهم بيقضون ذكرى زواجهم الثانية هناك .. بس طبعًا 4 أيام للمالديف و 10 أيام لأي دولة جمبها
إن شاءالله وضحت لكم الفكرة .
نجي للخطوة الثانية .. بعد ما قررنا الوجهة .. وفق الكلام اللي فوق طبعً ما ننسى أهم شيء هو الطقس لأنه صراحة هو الأساس . فالطقس من أهم الأسباب لفشل أو نجاح السفرة
نجي عاد لمسار الرحلة .. عاد إذا وصلتوا لهالنقطة قولوا مرحبًا بالهواشات ههه
زوجي رغبته بالنمسا وألمانيا !
يبي مناظر طبيعية بالنمسا .. ومعارض سيارات وهالخرابيط بألمانيا
وأنا وش موقعي من الإعراب؟
أنا كانت رغبتي بباريس . وأمستردام .. وميلانو < وش بقى !
أو كانت رغبتي الثانية بريطانيا وأسبانيا ..
بعد ما كلٍ أدلى بدلوه .. توصلنا لقرار . اللي نبدا ننخل مخطط الرحلة ههه طبعًا تم رفض أسباينا وبريطانيا من قِبل زوجي . وتمادى شوي لحد ما وصل ع إيطاليا بحكم إنه هو اللي بيدفع فقال يحقلي أحذف شيئين!!!
وجاء دوري وحذفت النمسا .. وبعد مشاورات ومجادلات طلعنا بمسار يرضينا جميعًا حمدلله ..
وكانت الدول كالتالي /
ألمانيا – سويسرا – فرنسا – هولندا .
بعد ما حددنا المسار وفق لرغباتنا + ترتيبها وقربها من بعض نجي لأهم نقطة اللي هي حجز الطيران .. نحدد شركة الطيران اللي حابينها + نقارن بالأسعار ..
تم اختيار الذهاب بالخطوط الإماراتية
الرياض – دبي – فرانكفورت .
والعودة من الخطوط السعودية فرانكفورت – الرياض .
أهم شيء احرصوا إن العودة ما تصير ترانزيت
و ع أساسه ضبطنا خطة السفر كالتالي :
فرانكفورت / زيورخ / باريس /أمستردام/فرانكفورت
الخطوة الثالثة حجز موعد بالسفارة للفيزا .. الخيارات ممكن تخلي مكتب يسويها لك وممكن مكتب يسويها لك ومستعجل بعد : )
كلمت مكتب الصرح قالنا فيزا عادية 500 رس .
طبعًا قبل السفر تقريبًا ب25 يوم .
ونسييت الموضوع :eq-31: يوم بقى 17 يوم رجعت كلمتهم ثاني فيزا مستعجلة 1000 طبعًا بيحاولون يعجلون فيها لنا ! ومافيه شيء يضمن .
قلت أتصل عليكم أأكد بعدين !
كلمتهم بعد يومين قالوا السعر 1200 غير شامل سعر موعد ال في آي بي !
سألت الأعضاء هنا جزاهم ربي كل خير وقالوا مررة تو متش
وتوكلت ع ربي وحجزت موعد في آي بي في السفارة الألمانية لي ولزوجي وكان بعد يومين حصلت .
وهذا موقعهم /
كود:
http://de.vfsglobal.sa.com/howtoapply.aspx
طبعًا بعد ما حجزت الموعد بديت أجهز الأوراق .. جواز ساري المفعول حتى 4 أشهر + صورتين له + صورتين لكل
شخص 3.5 في 4.5 . تعريف من العمل باللغة الإنجليزية + تأمين طبي +كشف حساب بنكي من البنك + حجوزات أوتيلات
وطيران. هذي أهم الأشياء ..
طبعًا تطبعون من موقعهم 3 أشياء /
تعبئة الأبلكيشن لكل شخص وموقّع.
طباعة المادة رقم 55 موقّعة.
طباعة المادة 54 موقّعة .
وكلهم تحصلونهم بموقعهم
طبعًا إذا حجزتوا الموعد يطلع لكم تأكيد مهم اطبعوه وخذوه معكم .
قبل الموعد بنص ساعة رحنا للمركز الموحد بأم الحمام وهذا الكروكي
وهذا شكل المركز من برا ..
فيه قدامه مجمع اسمه
Dove plaza
ممكن يسهّل عليكم الوصف ..
تدخلون وترقون فوق .. وقدامكم فيه كاونتر تقدمون له الحجز وتاخذون رقم .. وسوالي مشكلة لأن مامعي الريفرنس نمبر تبع الحجز! طبعًا يقدر يشيك ع رقم الجواز لكن مرمطنا بالبداية بعدين شيّك ودخلنا .
بتلقون صالة كبيرة فيها السفارة السنغافورية والهندية أظنّ .. أنتم ادخلوا من عند الكافيه فيه ممر امشوا من عنده واللوحات بتعلمكم مكان السفارة الألمانية
إذا دخلتوا تلاقون صالتين .. صالة للفي آي بي .. مسكرة وصالة مفتوحة ..
موعدنا كان في اي بي فدخلنا الغرفة ( اول غرفة بتجي ع يمينك إذا دخلت جناح السفارة ) اجلس ويطلع لك رقمك بالشاشة اللي خذيته من الكاونتر . قدّم أوراقك ..
طبعًا الفي اي بي أكثر مرونة ممكن لو نسيت اوراقكم هم يعطونك ويساعدونكم
بتعبئتها بعد ..
إذا خلصتوا تجلسون ع المكتب اللي جمبه مخصص للبصمة .. تبصمون وتطلعون .
.. بعد أسبوعين تقريبًا أرسلوا لنا نستلم الجوازات . التكلفة كاملة لي ولزوجي 1200 شاملة تأمين وفيزا وموعد في آي بي .
بعدها أكدنا الحجوزات .
حجزنا سيارة من موقع
كود:
http://www.traveljigsaw.com.au/
تعاملهم كان مرة بيرفكت
الشركة كانت وسيطة بيننا وبين شركات التأجير .. استأجرنا السيارة الأولى كان بواسطة شركة سكست وغيرنا السيارة ..
بعدها اخترنا ثانية وكانت الشركة ثرفتي . ( أعتقد كذا اسمها )
بدايةً .. شوفوا الفيديو : )
كود:
https://www.youtube.com/watch?feature=player_detailpage&v=g3JTL63F7yk
الرحلة كانت مررة متعبة انتظار 5 ساعات بدبي اع متنا تعب
أعلنوا ع الرحلة لفرانكفورت ورحنا للبوابة واستغرربت إني أنا وزوجي العرب الوحيدين!!! الباقين كلهم أوروبيين !
وصعدنا الطيارة وأقلعت أخيرًا وسحبتها نومة لحد مابقى إلا شوي ع الهبوط
الشيء الجميل بالطيران فيه نظام الترفيه أفلام ومسلسلات خيالية يعني صدق صدق ما تحسون بالوقت !
تعامل المضيفات بيرفكت .. لدرجة إنهم موزعين مقاعدهم كل مضيفة تجلس مقابلة لمجموعة ركاب . وبس تناظرينهم يجونك يركضون
Do you need something ?
مع ابتسامة ..
وتظل السلبية الوحيدة إن الرحلة مو دايركت .
وصلنا مطار فرانكفورت بالسلامة
واحنا طالعين من الطيارة داخلين للمطار وقفنا موظف من بين كلل الركاب احنا وأسمر أعتقد ألماني لأنه ما تكلم إنجلش .
طلب منا يشوف جوازاتنا ! بعدين سألنا عن الوجهه بالضبط؟ وكم يوم جالسين؟
ومشّانا .. مو عنصريين لكن ابدا مو فرندلي
بعدها ع المكتب للختم ولا سألني أو شيء بس أعطيته الجواز وختمه وطلعت ..
طبعًا بعد استلام الشنط تطلعون .. أعتقد كان التفتيش ع الشنط تحت ممكن ؟ لأنهم ما فتشوا أبدًا ..
طلعنا ورحنا نستلم السيارة .. طبعًا مكاتب التأجير كثيرة دورنا ولقينا مكتب ثرفتي .. وانطلقنا له .
كان فيه موظفة لما جيناها أشرت لنا يعني بعدوا !وقفنا انصدمنا حنا ههه بعدين عمتي نادتنا مرة ثانية !
وارتكبنا خطأ احنا !! إننا كتبنا موعد ال بك أب ع توقيت السعودية!!
وكان أسلوبها أبد مو كويس اشرت ع الوقت بصفحة الحجز قالت انتم كاتبين هذا الوقت انتظروا لحد ما تجي الساعة 15 .
طيب وشلون بقى 3 ساعات بغيت أصيح تعبانة ومرهقة قاللها زوجي طيب احسبوا سعر هالثلاث ساعات من سعر استئجار السيارة ! انهبلت هي لا تستلمونها 15 مثل ما أنتم كاتبين
جلسنا بكراسي الانتظار ساعة ونص .. بعدين خلاص صدق طفشت . ألقيت نظرة ع المكتب لقيت الموظفة خلص دوامها وجاء موظف .
قلت أجرب حظي ممكن تصير جت السيارة بدل المرمطة ..
ورحت له وعادي بدا بالإجاراءات من جوازات وكردت كارد إلخ ..
وخلصنا واستلمنا الورقة وطلعنا فوق عند الباركنق تبع الشركة .. ولقينا سيارتنا وعطانا الموظف المفتاح
وهذي صور للسيارة
وخلصت من التفاصيل أخيرا ههه
الحين ببدا بالصور مع تعليقات بسيطة
(((( الموضوع نزلته في الإقلاع قبل فترة ))))
فضلاً لا أمرًا عدم الرد حتى الانتهاء من الموضوع ليكون مكتمل .


التعليقات (8)
Locked
Locked
بعد ما استلمنا السيارة توجهنا للأوتيل وحنا كلنا إرهاق وهذا كان أوتيلنا
كود:
http://www.ramada.de/en/hotels/ramada-hotel-frankfurt-messe/welcome.html
أربع نجوم ..
طبعًا القارمن ودانا لرمادا ثاني !!
بس كان افضل من الأول مرة انقهررنا لأن مكانه كان بوسط غابة وبرا فرانكفورت يعني فرصة للريلاكسيشن وكذا
.. بعدها عاد عدلنا ع البحث ووصلنا لفندقنا بسلام
طبعًا الأوتيل فيه free parking لكنها مقابلة له يعني عامة مو تبع نفس الأوتيل ..
الفندق كان ممتاز حبيته ..
وغرفه شرحة ووسيعة صدر ال wifi كان كويس .. وأهم شيء الستف مرة كويسين ومتعاونين
فيه غابة من ورا الأوتيل حلوة للتمشي .. وفيها بحيرة ونهر صغير الحديقة مرة جميلة للمشي بشكل خيالي
وبردي القادم بنزل صورها
فيه برضو من ورا الأوتيل ماك + سوبرماركت تركي كله يبيع حلال شرينا من عندهم خبز تركي
ماك قصصته قصة .. من وحنا بالرياض وصديق زوجي قالله إذا بتروح فرانكفورت لا تفوت ماك حقهم !!!
تصيح من جمال الطعم !! واللي عندنا مب شيء عند حقهم و بلا بلا بلا !!!!
طبعا كنا متحمسين .. ولما وصلنا الأوتيل وريحنا بدينا نجوع وطرنا للرسبشن نسألهم أقرب ماك للأوتيل ! صار من ورا الأوتيل فيه ماك..
ورحنا وطلبنا وصرااحة أنا الحماس ذابحني أبغى أشوف الفرق بالطعم !!! ويوم جاء الطلب عادي مرة
بالعكس أحس حقنا ألذ !!!!! مردي ع إيش يمدح!!! والمايونيز طعمه طعم ديب حق الشبس !!!!!
بس صدق انقهرت أكره هالناس اللي كل شيء برا كويس وكل شيء عندنا شين !
ع الطاري أخبر وحدة تقولي ترا الماركات اللي عندنا كلها مقلدة ! قلت وشلون ؟ قالت إلا الأصلي يبيعونه برا ..
وحنا فروع السعودية يجيبون تقليد!!!
طبعًا ع أساس برادا بمصانعهم كاتبين إعلان تُصدر لجميع دول العالم إلا السعودية خ < كان معي برادا يوم تقولي
المعلومة الخطيرة ههه
فضلاً لا أمرًا لا أحد يرد

Locked
Locked
الصباح بعد ما صحينا وفطرنا قلنا نكتشف الغابة اللي ورا الأوتيل
وكانت جميلة

بحيرة

الكراسي مشخبط عليهم .. همج هالألمان أعوذ بالله خ

بعد ما خلصت سباحة راحت تتمشى كيووت
بعدها رحنا لمنطقة اسمها Romer وتنطق بالألمانية غومغ منطقة حيّة فيها محلات تجارية وقريبة من نهر الراين .. وفيها كاتدرائية فرانكفورت ومنزل غوته ..

فرقة غنائية أبلشونا خ

نهر الراين الجميل

Locked
Locked
شتوتغارت - ألمانيا
طبعًا حتى نشوف معارض مرسيدس + بورش
اشترينا الفراولة بطريقنا من كشك .. لذيذة
السرعة مفتووحة
هذا مقابل للمعرض .. أعتقد ملعب ؟ مو متأكدة
الحين يوم إنهم اخترعوا ترامات .. ورا ما اخترعوا طريقة تخفي الأسلاك ؟
مباني شتوتغارت العريقة
هذا الطريق بعد ما بركنّا السيارة ورايحين للمعرض
المعرض من برا
الطابور للحصول ع التذاكر
وبدينا بالمعرضطبعًا بالبداية من نشأة مرسيدس بهالسياكل
طريقة العرض صالات .. تدخل صالة وتطلع من ممر ع صالة أخرى وهكذا
الصالات مليانة شاشات مع بيانات ومعلومات معينة
أما الباص هذا فيه قبح
مدرس خصوصي
وفيه صالة كاملة للحرب العالمية ... مع صورة لهتلر وسيارته الخ
كيوت البنت خقت ع الألعاب
لعبة خطيرة بالمعرض .. تركبها وكأنك تسوق سيارة سباق شيء مرة جميل
أما السيارة تخوف
طبعا قبل ما تدخل يوزعون ع كل شخص مسجل + سماعات مع ميدالية مرسيدس اللي تعلقها ع رقبتك.. بكل صالة يشتغل المسجل تلقائي ويشرح لك كل شيء... طبعاً فيه لغات كثيرة للشرح , وللأسف اللغة العربية غير مدعومة : )
الميدالية أعطونا إياه تذكار
النهاية
المصعد مو كأنه حق عدنان ولينا ؟ :eq-87:
طبعا سحبنا ع معرض بورش انهد حييلنا من بعد هذا جلسنا تقريبًا 3 ساعات وحنا ندور
طريق العودة لفرانكفورت

Locked
Locked
  1. http://www.merkez.info/

  2. لا يفوتكم عليه أكل خرافي


ماشاءالله لا قوة إلا بالله
The End
أتمنى يحوز الموضوع ع إعجابكم , وأكون قدمت معلومات تهمكم وتفيدكم .
ولو عندكم أي استفسار أنا حاضرة...أو أي تعليق أو نقد بتقبل بصدر رحب
وانتظروني إن شاءالله بالجزء الثاني/
هولندا / فرنسا / سويسرا
معلومات تهمك عن فرانكفورت :
  • آوت لت فرانكفورت

/
كود:
http://www.wertheimvillage.com/en/brands/brands
خصصت له يوم , وقبل أطلع استفسرت من الرسبشن قالوا لي اليوم كل المحلات مسكرة: حتى السوبر ماركت !
مدري ليه نسيت هو كان يوم أحد أو يوم ثاني . فتأكدوا قبل!
  • قرية فيسبادن قريبة من فرانكفورت لو حبيتوا تتمشوا بالأرياف الألمانية
  • في قلب المدينة مطعم تركي اسمه ميركيز وهذا موقع المطعم

كود:

http://www.merkez.info/

لا يفوتكم عليه أكل خرافي

  • الجهة اللي فيها مطعم ميركيز جمييلة للتمشي .. فيها محلات وكافيهات وسييعة صدر مرة
  • الألمان مو فرندلي أبدًا .. ممكن يبسمون لك وكذا لكن واضح الابتسامة صفراء ومو من قلبم لاحظت إنهم ما اعتادوا ع الحجاب .. وكنت أنا اصلاً الخليجية الوحيدة بفرانكفورت وقتهاماشفت أحد أبد !
  • في مطاعم الفاست فود إنت تشيل أكلك .. إذا خلصت تلاقي أماكن مخصصة لصينية الأكل ودخل فيها الصينية واطلع .
  • الجو كان جميل السفرة كانت نهاية مايو إلى بداية جون . والجو مرة عليل .. يوم واحد بس طلعت الشمس الباقي أمطار أو غيوم وكان الجو يميل للبرودة

ولو استفدتوا من الموضوع أتمنى تدعون لي يفرج همي وجزاكم الله خير

قايد
قايد
الله يسعدك ,,,, ويفرج همك
فعلا المشي خلف اراء الناس مصيبه
ابدعتي الوصف ... واتقنتي النقل
تقبلي تحياتي

فيصل
فيصل
ماشاءالله تبارك الرحمن
اسال الله ان يفرج همك انتي ومن تحبين وييسر الامر
من يوم الموضوع فيه معارض السيارات ما ساتغربت السرعه 180
الحين منزل غوته ايش فيه لما قلتي زرتيه مع الكاتدرائيه
الموظفه ليش تقولكم بعدوا ايش ذا الاسلوب الهمجي
قله يمدحن تعامل موظفي فرانكفورت معاهم خاصه اذا الطياره فيها قله من الخليجيين اما بالصيف ما يدققون كثير الا على كم واحد بس وبشكل مزاجي
هذا اللي لاحظته من تقارير وكلام ناس يزوروها
يعني كان بوسعها تعطيكم السياره بكل يسر
في بدايه التقرير ذكرتي ان الجواز يكون فيه صلاحيه 4 اشهر يعني الحين اللي جوازه فيه خمس اشهر مثلا يقدر يسافر اوربا مش الشرط من الجانب السعودي يكون اقل شيء سته اشهر

Usas
Usas
ماشاء الله تقرير رائع وجميل , تقبلي تحياتي ,,,

Q9eeme
Q9eeme
تقرير روعه والديرة حلوه بس مثل ماذكرتي غير ودودين
انا صارت لي مره انه معي شنطة كاميرات اخذته الموظفه وقالت لي
تعال ورحت لمكتب وفيه اوروبي او امريكي معه اشرطة وقاموا يمسحون
بقطع على الاغراض يتأكدون مافيهم شي وجاء دوري ومسحوا العدساتوالكاميرا ومالقوا شي عطون الشنطه وقالوا رح ..


خصم يصل إلى 25%