الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ابو نايف 2012
12-12-2022 - 03:48 am
السلام عليكم ورحمة الله وبركاته
كيف الحال يا اخوان وكل عام وانتم بخير
ارغب بالسفر للكويت بتاريخ 14-08-2013 ولمدة خمس ايام ان شاء المولى
العدد:انا وزوجتي وطفل رضيع
السفر ان شاء الله يكون برا وعندي الاسئلة التالية:
اقرب طريق للسالمية عن طريق الرقعي ؟او الخفجي؟ وكم تبعد المسافه عن المنفذ للسالمية؟
كيف هي الاجواء الان بالكويت ؟
فيه فعاليات ؟وهل بدات الدوامات بالكويت؟
كيف هي الاسعار هل لازالت مرتفعه بسبب اجازة العيد؟
بالنسبة للسياره لازم تأمين ؟
اقدر اعبر الحدود بزوجتي والطفل الرضيع باستخدام كارت العائلة؟
واخيرا ابي جدول سياحي منكم لمدينة السالمية على مدى خمس ايام وسكن سعره متوسط؟
ملاحظة:لا يشترط الاجابه على جميع الاسئلة جاوب بما تجود به نفسك


التعليقات (8)
abrarkw
abrarkw
حياك الله اخوي بونايف
بالنسبه للسؤال الاول مااعرف اجابته كامله بس اعرف من حدود نويصيب الكويت اللي اهي من بعد حدود الخفجي لي السالميه ساعه
السؤال الثاني المفروض تكون عارف الجو بدول الخليج للحزه طبعا حر وصيف بس بالليل زين تقدر تقعد فيه بره
السياره اعتقد اتأمنها من عند الحدود مو متأكده من اجابتي
المسرحيات شغاله واعتقد اخر العروض نهايه هالاسبوع - لا بعد بس دوامات الوزارات والشركات اما المدارس عطله
اتوقع بتكون الاسعار اشوي نازله يعني اكيد بتفرق عن عطله العيد
تعبرون الحدود بالبطاقه المدنيه اليديده اللي فيها chip
وهذا جدول سياحي طب وتخير من الايام والاماكن واذا تبي شي زايد واي استفسار حاضرين
https://artravelers.com/p/re/487746

توبليرون
توبليرون
التأمين من الحدود طبعا
بطاقة العايله ما نعرفها احنا
بس البطاقه المدنيه الجديده اللي فيها شيب هي الصالحه
ولكل شخص بطاقاته يعني الطفل لازم له بطاقه هذا اللي نعرفه
واما بطاقة العايله ماندري عنها
بسأل لك وان شاءالله يردون لي خبر قبل سفرتك
بالنسبه للمنفذ الخفجي الاقرب للسالميه

توبليرون
توبليرون
اخي ابو نايف سألت لك عن كرت العائله يقولون ما يصير طبعا لانه غير ممغنطولكن ممكن بالجوازات واضافة الطفل ...وممكن المرور بعد بالهوية الوطنيه للام والاب والاطفال لا ..... اذا بتجيب طفل لازم تجيب جواز امه اللي يكون مضاف له اسم الطفل وسلامتكم

ابو نايف 2012
ابو نايف 2012
ابرار وتوبليرون
الف شكر على المعلومات القيمة وان شاء الله اليوم المغرب ماشي.
الله يسهل الامور

توبليرون
توبليرون
حياك الله ويسهل عليكم

ALiTaaLy
ALiTaaLy
السلام عليكم
آسف على المداخلة , لكن
ناوي أزور الكويت الاسبوع الجاي عبر ( منفذ الرقعي )
و حاجز كل شئ من أكثر من شهرين ..
بس .. شكلها بتكون فيه مشكلة بخصوص ( الطفل ) نفس استفسار صاحب الموضوع
ياليت أحد يأكد لنا الخبر , حرام تضيع علينا الرحلة ( نبي نحتفل باليوم الوطني السعودي بالكويت )
يمكن يوم استفسرتوا عن ( كرت العائلة ) يقصدون القديمة
واللي هي ( مثل الصك ) ورقة فقط ..
لكن اللي معي .. كرت العائلة الجديد
أتمنى أحصل أحد يفيدني بأسرع وقت ., و يا حبذا لو أحد يتواصل مع صاحب الموضوع برساله خاصة
يطلب منه يراجع الموضوع يجاوب على الاستفسار , لأنه جرّب الوضع
( لأني ما أقدر ارسل رساله خاصة )
و آسف مره أخرى

توبليرون
توبليرون
ALiTaaLy
ارسلت للاخ ابو نايف وان شاءالله يرد علينا
بس حبيت ابلغك ان اللي اعطاني المعلومات اللي فوق
شخص سعودي دخل الكويت قبل شهرين وهذه اجابته فوق لك انا راده على ابو نايف
واذا عندك وقت ضيف الابن الى جواز الام واحمله معاك لازم صوره اعتقد للطفل
ويعطيك العافيه

ALiTaaLy
ALiTaaLy
^
لك كل الشكر على تجاوبك ,
المشكلة ان اقرب فرع للجوازات يستخرج لك جواز ( يبعد 200 كم ) !!
لعّلها خيره , و تجي بوقت أفضل ان شاءالله الزيارة للكويت
/


خصم يصل إلى 25%