بسم الله الرحمن الرحيم
السلام عليكم أخواني
وكل عام وأنتم بألف خير
بين يديكم تقرير مختصر للجزء الألماني من رحلتي (النمسا وألمانيا) من 11 إلى 27 أكتوبر, 2012م
بدأت التقرير منذ فتره في البوابة النمساويه, وأدرجت فيه الجزء الألماني أيضاً بسبب قصر التقرير للجزء الألماني ولكونه متداخل مع الجانب النمساوي.. لأني طلعت من كابرون متجه لقارمش مرورا لمدة نصف يوم لبرتساو النمساويه.. وبعد الوصول لقارمش تم الذهاب اليوم التالي لإنسبروك بالنمسا لمدة نصف يوم..
نبذه مختصره عن الرحله
خط السير
فيينا 3 ليال - سالزبورغ ليلتين - كابرون 6 ليال - قارمش 3 ليال - ميونخ ليلتين
أعضاء الرحله:
محدثكم أبو مريم
زوجتي وأختي وبنتي (سنه ونصف)
وهنا رابط التقرير الكامل شامل الجزء النمساوي والألماني
https://artravelers.com/p/re/808954">
https://artravelers.com/p/re/808954
سأسرد الجزء الألماني هنا من لحظة الخروج من كابرون (النمسا)
2أكتوبر 2012
الذهاب إلى قارمش الألمانيه
خرجنا في الصباح الباكر من كابرون, متجهين لقرية برتساو قبل الذهاب لمكان الاقامه في قارمش
لانها على الطريق كما هو موضح ادناه:
https://artravelers.com 
وصلنا قارمش بالليل حول 7 ونص
وصراحه منطقه قارمش اول ماتدخل بتحس لها طابع خااص فيها
شكل البيوت والرسم عليها وزخرفتها واسواقها,
للاسف وصلنا لها وقت الظلام..
وقبل لا نروح الفندق كنا ميتيين جوع, إتجهنا مباشره لمطعم إيطالي اسمه
كولوسيوم (colosseum)
موجود في الجي بي سي ,
معطم على مستوى
بعدها توجهنا للفندق
حصل موقف طريف في بهو الفندق وانا جالس اعبي استمارة التشيك ان
بنتي الله يحفظها وقتها كانت تحبي, حيطناها على الارض تحبي وجلسنا , انا اعبي الاستماره..
فجأه جا رجال كبيير وقف جنب بنتي يطاالع فيها ويتبسم,,
وعن مزح قلنا لها, اضربيه
على أساس انه مايفهم..
فجأه قالي .. ليش تضربني ايش عملت انا
عاد لقط وجهك ههه
قعد يسولف
قال انا سعودي بس عندي جنسيه كنديه وعايش بكندا,,
جاي قارمش زياره لأحد اقاربه , وساكن بهذا الفندق..
وما شا الله كان بشوش واعطاني معلومات كثيره عن المنطقه والمطاعم
قارمش سنترها حلو, وفيه بحيره قريبه منها 4 كيلو تقريبا بحيرة إبيسي
وقريب منها مناطق حلووه
مثل منطقة فيوشن 50 كيلون غرب قارمش..
فيوشن اللي فيها القلعه الكبيره..
ومنطقه شوانغو بعد فيوشن بشوويه..
هالقريتين مارحت لهم لضيق الوقت, لان اول يوم راح نصه بقرية برتساو
وثاني يوم خليناه لسنتر قارمش
ريحنا من مشوار الطريق
3اكتوبر 2012
سنتر قارمش
سنتر قارمش , والاجوا كانت غيووم طول ايام قارمش
درجة الحراره حول 13-14 درجه
الطراره الرومانسيه
أغلب بيوت قارمش بهذا الشكل
تسوقنا اشويه
ثم رحنا لهذا المطعم الهندي
مطعم أكرم, مكتوب عليه بالانجليزي والعربي
كان يديره مسلم بنقالي,
من نصيحة صاحبنا السعودي
بعد الغدا, اتجهنا بالسياره إلى بحيرة إبيسي
لكن للاسف كان الجو مضبب ما استفدنا مضبوط
رجعنا مره ثانيه لسنتر قارمش تمشينا, وتعشينا..
ورجعنا للفندق
اليوم التالي
4أكتوبر 2012
العزم نتجه لإنسبروك في النمسا
المسافه حول 60 كيلو
وصلنا إنسبروك
مدينه صاخبه بعض الشي,
طلعنا من طابع القرى الريفيه إلى مدينه
مزدحمه بعض الشي, بس منطقه جدا حلوه
وتستاهل السكن فيها يومين
تمشينا بالسنتر والجو جمييل
وأخيرا تغدينا في مطعم نورد سي
Nord See
المشهور في النمسا
مؤكولات بحريه,
كنا بنتغدا فيه بفيينا او سالزبورغ لكن ماحصل,
سألنا مكتب خدمات السياح
بعض المعلومات عن معرض سوارفيسكي المشهور في انسبروك
المسافه كانت حول 20 كيلو,
اتجهنا له, على اساس نخلص منه ثم نطلع لقارمش
وصلنا لمصنع او معرض سوارفسكي
الدخول للشخص ب 11 يورو
اترككم مع الصور
طلعنا من المعرض واشترينا بعض الاغراض والهدايا
واخذنا طريق العوده لقارمش..
لاحظ الصوره, بعد ماتعدينا انسبروك, نازله تحت.. الطريق متعب اشوي كله مرتفعات..
وانتهينا اليوم بعد المغادره من
كابرون
وزياره لقرية برتساو
والوصول لقارمش
وزياره لانسبروك
وألف شكر للمتابعه,,
وجاهز لأي استفسار..
الجزء القادم
مغادرة قارمش
الوصول إلى ميونخ
واول الوصول الذهاب لحديقة الحيوان كبيره جدا
Munich Zoo
تحياتي للجميع