ميونيخ المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
lordsaud
09-12-2022 - 01:45 am
بسم الله الرحمن الرحيم
الحمد لله طلعت الفيزا الشنغن يوم أمس من السفاره الألمانيه
وكانو كريمين في المدة ولله الحمد
طبعا اخذت سياره من ميونخ عن طريق Europcar لمدة رحلتي
من 11 سبتمبر الى 25
وكنت كل يوم ادور كوبونات خصم حصلت 10% وكان الخصم رايق
بس قلت خل اصبر يمكن ينزل خصم حلو
وEuropcar ماقصرت نزلت خصم حلو
اهم شيء اكتشفته
عند اختيار الدولة المقيم فيها لا تختار السعوديه لان السعر دبل الدول الاخرى
مثلا ايجار الفتره من 11 الى 25 يكلف 1422 دولار (5332 ريال سعودي )
اذا كنت من سكان المملكة العربية السعوديه المبلغ ما راح يقل عن ( 11000 ريال سعودي )
وبسبب هالشيء قررت احط الدوله امريكا

ان شاءالله الشرح واضح والجميع ينتفع به
واي استفسار انا متواجد وبالخدمه
تحياتي وتقديري


التعليقات (9)
مسافر مع روحه
مسافر مع روحه
تسلم على الموضوع والشرح الرائعلكن اذا سمحت لي بسؤال
هل تم تجربة الحجز بهذه الطريقة من قبل منك او من احد تعرفة شخصيا بان وضع السكن في امريكا وهو في مكان اخر
اذا لا ... فانا اخاف ان يطلب منك مايثبت ذلك ؟؟

lordsaud
lordsaud
مسافر مع روحه
هلا حبيبي
بالنسبه للسؤال انا بحثت قبل فتره وسالت
فيه احد الاخوان في موضوع قريته انه سجل السكن في امريكا
ويوم وصل ما احد ساله
وقبل فتره بسيطه كنت مع الشباب في جلسه واستفسرت عن نفس النقطه وكنت متخوف
فكان الجواب من احد الشباب بأن الشركه ما تسال من وين انت ومن وين جاي
فان شاءالله الامور تمام
وراح ابحث اكثر عن هالموضوع
بالنسبه لي حجزت على نفس الخطوات

mazmaz_0
mazmaz_0
تسلم على الموضوع والشرح
قد ينتشر خبر بتغير الدولة
ولكن لو حصل انك غير هذه البلدة
ماذا يسمى ( تحايل - نصب - واوا اسئله كثيرة سوف تاتيك )
طيب لقدر الله صار بالسيارة شيء !!
اوروبا عندهم امش بالنظام تاخذ راحتك
والله انا شخصيًا
اشوفها صعبه شوي
لكن فعلا كلامك صحيح
باستلام السيارة لا يسألونك من وين انت !!!!
اذا عند استلام السيارة ماتكون واضحة اسم الدوله بورقة الحجز
ممتاز جدًا
لكن اعجبت بصراحة بشرحك
واسلوبك الرائع
وحبك الخير للمنتدى
فسأل الله ان يرزقك من حيث لاتعلم
وان يسعدك ويحفظك من كل شر
تقبل تحياتي

neoplasm
neoplasm
شكرا على العرض
والله كلامك صحيح توني مجرب نفس الفترة ونفس السيارة من 1322 الى 760 ريال الفرق 562 ريال غريبة جدا وين التساوي بها المجتمعات
او ان في اتفاقيات خاصة للمواطن الامريكي تساعده سياسة الدولة على تخفيض الاجار
عاد من ناحيه التحايل انا اتفق مع الزملاء ممكن لو في موظف حس بأي مشكلة يعمل قضية تزوير تنتج عنها غرامة كبيرة وقت تسليم السيارة أو قضية يقول المثل يا غريب خلك اديب

lordsaud
lordsaud
mazmaz_0
هلا حبيبي
من ناحيتي ما اشوف فيها مشكلة
لانه قال مكانك الحالي وليس الجنسية
وهالشي تقدر تسوي نفسك فيه انك مافهمته
الصراحه فرق كبير يخلي الواحد يغامر كثير
ولو تم الكشف اسوء الاحتمالات تغير السعر
لانك لم تكذب بجنسيتك او برقم جوازك او معلوماتك الخاصه
هذي نظرتي للموضوع

lordsaud
lordsaud
neoplasm
ههه لا تزوير ولا شيء
انا كتب السكن امريكا
ما قال لك جب فاتورة الكهرب او رقم عداد المويه
ان شاءالله سهلات
تراكم تدبون الرعب في قلبي
ههه

mazmaz_0
mazmaz_0
هههاي
ماندب الرعب في قبك ياعسل
لكن انا بسويها
مسوي نفسي اني نسيت اختار الدولة
وغشمشم
يوه نسيت ما احط الدولة اسف اسف
وزحلطن ياحبيبي
تم
اقرب رحله واحلى مغامرة
ان تورطت بتصل عليك خ
يالغالي
اكرر شكري لشرحك الرائع
فبيض الله وجهك وجعلك من السعداء

violetq8
violetq8
عادي
انا كنت حاجز تذكرة طيران و مسجل المكان امريكا
و راحت اوربا و محد سالني بالمطار نهائيا
سهالات
فالسيارة اسهر من التذكرة طبيعي
اذا فيخصم يستاهل اخذه اما اذا الفرق بسيط ماله داعي تسوي فلم اكشن

قايد
قايد
اخوي مشكور على موضوعك الجميللكن
اذا الموظف حق يوروب كار شاف في جوازك مكان اصدار التأشيره ,,,,,,, بتروح فيها .
لاننسى
ان الشعب الالماني يعتبرون المتقيدين جدا بالانظمة والقوانين (عبيد للقوانين ) على انفسهم .... فكيف على غيرهم.
ايقافك في المطار والمساءله وتضييع وقتك ,,,, انت في غنى عنه.
نظرة الالمان و الاوربيين للاسيويين والعرب (العالم الثالث) انهم غير متقيدين بالانظمه ومتساهلين في عالمهم وحياتهم بشكل عام ,,,,,, فلاتكن طعم ومحل تجارب للعقاب وتطبيق اشد انواع الانظمة عليك.
انا لا اخوف ولا ابالغ ,,,, بل حقيقه لابد منا تفهمها وجعلها جزء من اساسياتنا عند السفر
ياغريب كن اديب


خصم يصل إلى 25%