بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



ارمـــ ARMANI ـــاني ارمـــ ARMANI ـــاني
Salad Boutique
18-12-2014 - 07:40 am

بسم الله الرحمن الرحيم

السلام عليكم ورحمة الله وبركاتة


مساء / صباح
الخير


اعانكم الله على الصيام والقيام واسئل الله ان يعتق رقابنا ورقابكم من النار وان يتقبل منا ومنكم صالح الاعمال

اليوم جايب لكم تقرير خفيف وصحي ولذيذ

وللي يحبون يسون الحمية والريجيم <<<< لاتخافون انا احبكم



نبذة عن سالاد بوتيك Salad Boutique

تأسست سالاد بوتيك عام 2009 على يد ثلاثة رياديين كويتيّين شباب هم غدير خاجة وليلى الكندري ومحمد قبازرد، وانطلقت في الكويت بنجاح كبير وتوسّعت إلى السعودية والبحرين وقطر. وهي تقدم للزبائن المهتمين بصحتهم أطباق شهيّة تتضمن كميات سخيّة من السلطات الطازجة والمبتكرة كطبق رئيسي. وهذا المطعم الفريد يقدّم للمنطقة شيئاً مختلفاً، ويعيد تعريف المطبخ لجعل الطعام الصحي متعة تدفعك للعودة من جديد. ويضمن "سالد بوتيك" بوصفاته الجديدة مثل "سلطة الباذنجان والفلافل" و"السلطة المشمسة"، أن يواصل جذب الزبائن والانتشار في الشرق الأوسط وشمال افريقيا


والحين أخليكم مع التقرير



المكان : مملكة البحرين

الموقع : العدلية _ Block 338

الموق الالكتروني : SaladBoutique



والحين نبدأ مع الصور

هذا مطعم
Salad Boutique
من الخارج







جولتي داخل المطعم



بعض الجلسات والانارة الخافتة







تعالوا مع نروح الدول العلوي



هذي الطاولات بالدور العلوي








اكرمكم الله ( دورة المياه )



هذا الدرج تعالوا ننزل




الويترز على اهب الاستعداد لخدمة الزبائن



اخترنا طاولتنا وجابوا لنا منيو الـــ I PAD الفكرة حلوة في اختبار الطبق والاصناف
وبدأنا نتصفح



انواع السلطات



انواع الفطور
والاحلى انهم لو تبي تاكل وجبة الفطور يسونها لك في جميع الاوقات
مش محددينها بوقت الصباح



انواع الحلى



مقبلات المطعم




ميني برجر لحم




سلطة سيزر دجاج



جايبين لنا ملعقة علشان نخلط السلطة
السلطة أليييييييييمه



هع هع هع ادري تقولون عسى ماشر بانكيك في الليل
خوينا اشتهى وطلبنا له <<< شكله يبي يتأكد يسون فطور في الليل



LOGO
المطعم وهو عباره عن شوكة



لهم موقع ببرامج التواصل الاجتماعي مثل
Instagram & Twitter & Facebook



الفاتورة
تقريباً 150 ريــــال



صور بعض العاملين






ماقدرنا نكمل الاكل وشبعنا ولله الحمد فأخذناه
Take Away



علبهم شغل عدل وترتيب





_______________________________________________


جينا الصباح علشان نفطر ورحنا
Salad Boutique




بعدها اصر الا انه يبي يفطر في المطعم الفرنسي كاميلوت
قلت له ياولد الحلال اعقل



توجهنا علشانه شوي وبيصيح






التصميم على شكل قلعة في العصور الوسطى



لقيناه مقفل والحمدلله خيره وانا قلت مايصلح لنا كمسلمين
اغلب اطباقهم تكرمون واعزكم الله ( لحم الخنزير ) حتى بالحلى يستخدمون مشتقات الخنزير
خاف قال اجل نشرب كافي قلت اوكيه المره الجايه



رجعنا خوينا
Salad Boutique
وطلبنا لنا فطور






وشدتني هذي الصورة
وهذي آخر صورة صورتها لأنه طفى الجوال واعذروني




اتصلت بأم العيال الله يحفظها
وسألتها افطرتي قالت لا قلت اجل خلاص مع السلامه لاتفطرين انا جايك

اخذت لها فطور وحطوه بعلبة حلوووووة للتقديم







هذي العلبة



وهذي مقبلاتهم



انواع من الصوص للتغميس






واحلى
هممممممممم همممممممممم







وسلامتكم

ملاحظتي : مطعم Salad Boutique له افرع في دول الخليج وبدأ بالتوسع والله يبارك لهم
ان شاء الله

المطعم : فكرتة حلوووووة وديكوراتة وألوانه جميلة والمكان رااااااايق وعجبتني فكرة الايباد
واكلهم حلو ونظيف وصحي والله حق الصحون كبيره ومليانه

المطعم : يستحق التجربة والزيارة له مررررة أخرى والاحلى انه اللي يبي ياكل الفطور في اي وقت يبيه الواحد

عيوبه : اسعاره مرتفعه جداً

يوم طلبنا الميني برجر يحاسبونا بالحبه

وسلامتكم

وانتظرني في تقرير جديد من تقارير اخوكم






المشاركات

زائر
Salad Boutique


اي اي هذا الحجي الزين
بالعافيه عليكم الاكل الكويتي ههههه مستانسه وكلي فخر
بهالمطعم الكويتي
واحنا دايما نطلب منهم السلطات والريوق العيال يطلبونه في الدوامات
الكل يمدح شغلهم .... عليكم بالعافيه العشا والريوق
وعليها بالعافيه المدام على هالريوق الزين
تحياتي لج


ارمـــ ARMANI ـــاني ارمـــ ARMANI ـــاني
Salad Boutique


المشاركة الأصلية كتبت بواسطة توبليرون
اي اي هذا الحجي الزين


بالعافيه عليكم الاكل الكويتي ههههه مستانسه وكلي فخر
بهالمطعم الكويتي
واحنا دايما نطلب منهم السلطات والريوق العيال يطلبونه في الدوامات
الكل يمدح شغلهم .... عليكم بالعافيه العشا والريوق
وعليها بالعافيه المدام على هالريوق الزين

تحياتي لج



ياهلا وغلا ختي توبليرون

ههههههههه ايه ام يوسف طلع الحجي الكويتي وينه من زماااان <<< ربي يحفظ الكويت واهلها

الله يعافيك وحنا نفتخر ومشاء الله الاكل الكويتي والمشاريع الكويتية كلها ناجحه ولله الحمد
والله يوفق اهلهم ويرزقهم

دامك مستانسة اجل كل يوم بنزل تقارير بنكهة كويتية

عليكم بالعافيه والعيال ذوقهم راقي وحلوووو والله يهنيهم بالاكل
وشغل سالاد بوتيك ممتاز جداً
وعلى قولتهم <<< شغل عدل مدل

الله يعافيك يارب ومشكورة وماقصرتي

اسعدني مرورك الكريم

اخوك : ارمـــ ARMANI ـــاني


أبو فيصل 2007 أبو فيصل 2007
Salad Boutique


خطير هذا التقرير والاخطر الشوكة تذكرت ايام افلام الكرتون هههههههههههههههههههههههههه
بالعافية وشوي شوي علينا صحيح كأنني اول مرة اسمع عن مطاعم البحرين الله يرحم الحال هههههههههههه
كن بخير دائما والسلام موصول للرسامة الغالية الله يحفظه لنا ولكم


ارمـــ ARMANI ـــاني ارمـــ ARMANI ـــاني
Salad Boutique


المشاركة الأصلية كتبت بواسطة أبو فيصل 2007
خطير هذا التقرير والاخطر الشوكة تذكرت ايام افلام الكرتون هههههههههههههههههههههههههه

بالعافية وشوي شوي علينا صحيح كأنني اول مرة اسمع عن مطاعم البحرين الله يرحم الحال هههههههههههه

كن بخير دائما والسلام موصول للرسامة الغالية الله يحفظه لنا ولكم




ياهلا وغلا اخوي أبو فيصل 2007

هههههههههههه
لاتقولي نفس شوكة الشيطان

الله يعافيك وابشر راح اخف شوي خخخخخخخ

الله يجزاك خير والله لايحرمنا منك

اخوك : ارمـــ ARMANI ـــاني




Usas Usas
Salad Boutique



يعطيك العافية اخوي ارمانـــي على التقرير المميز للمطعم الجميل , عجبتني حركة الآيباد عندهم

بانتظار تقاريرك المميزة دائما ,,,

تحياتي


ارمـــ ARMANI ـــاني ارمـــ ARMANI ـــاني
Salad Boutique


المشاركة الأصلية كتبت بواسطة Usas
يعطيك العافية اخوي ارمانـــي على التقرير المميز للمطعم الجميل , عجبتني حركة الآيباد عندهم

بانتظار تقاريرك المميزة دائما ,,,


تحياتي

ياهلا وغلا بمشرفنا Usas

الله يعافيك وهذا من ذوقك الراقي
ومشكور على اطرائك الجميل

وحركة الايباد حلووووة

ويشرفني ويسعدني انتظارك ولي الفخر
وابشر باللي يسرك ويرضيك

اخوك : ارمـــ ARMANI ـــاني


ابن اسكندرية ابن اسكندرية
Salad Boutique


تسلم الأيادي عالتقرير


FANDA FANDA
Salad Boutique


مميز كالعاده يا ارماني
عجبتني صور الريوق يبيله تحربه
الاكل عندهم وجبه دسمه متكامله متنكره باسم سلطه
اوقات ما اقدر اكمل نص الصحن


ارمـــ ARMANI ـــاني ارمـــ ARMANI ـــاني
Salad Boutique


المشاركة الأصلية كتبت بواسطة ابن اسكندرية
تسلم الأيادي عالتقرير


ياهلا ومرحبا اخوي ابن اسكندرية

الله يسلمك يارب ومنور يالغالي

سعدت بحضورك الكريم

اخوك : ارمـــ ARMANI ـــاني



يمكنك فتح موضوع جديد للمناقشة او الاستفسار والمشاركة.

أبحث واحجز بأعلى خصم:
خصم يصل إلى 25%

Share

Salad Boutique