سيول المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
jory93
10-12-2022 - 02:58 pm
السلام عليكم .
ان شاء الله في شهر اغسطس راح نزور كوريا
ومخططين على سيول وجيجو بس .
من اللي قريته عن كوريا : في سيول سهل التنقل بالمترو
بس في جيجو ! قلنا راح نستأجر سواق بيوم كامل
كيف نقدر نستأجره ؟ نقدر نستأجره من السعوديه قبل مانروح ؟
وشكرا .


التعليقات (9)
الزنون
الزنون
والله ما ادري عن السواقين
اعتقد ان اسعارهم عالية اقل شيء 800 باليوم
فيه شيء بديل وانا كنت استخدمه
اللي هي الباصات وهي متوفرة بجيجو وسعرها رخيص بالمرة

jory93
jory93
يعطيك العافيه
بس الباصات تمر بأشياء ما نبيها
وحنا راح نجلس بس ثلاث ايام ف نبي نختصر الوقت
يمكن التكاسي تكون انسب شي لنا .

الزنون
الزنون
صحيح ان الباصات كل شوي توقف
لكن متعتها انك تتفرج على كل شيء
للمعلومية بجيجو تستطيعون تستاجرون سيارة اذا معكم رخصة دولية
وحتى لو ما معكم تقدرون تطلعون رخصة من مكاتب السياحة وبنفس اليوم
انا اخذت رخصة من مكتب الطيار وقيمتها 120 لمدة سنة
وقمية ايجار السيارة بجيجو اذا ما خانتني الذاكرة 250 ريال تقريبا لليوم
اما من ناحية التكاسي فمشوار 40 كم بيكلف تقريباً 38 الى 45 ريال
يعني كل 1كم ب ريال واحد وفتح العداد 2000ون كوري يعادل 7 ريال سعودي
وهذا موقع محول العملات اكيد بتستفيد منه
http://www.oanda.com/lang/ar/currency/converter/

نجلاء N
نجلاء N
جوري مساء الخير ياعزيزه
وكل عام وانتي بخير ان شاء الله
كيف حصلتي رحلة لكوريا من السعودية ؟
البارح اتصلت على الخطوط استفسر قال مافيه خلال اغسطس !

jory93
jory93
الزنون ي جعلك بالجنه كفيت ووفيت
صح السيارة خيار مريح جداً ونقدر نأخذ راحتنا اكثر
الله ييسر ، ويعطيك الف عافيه .

jory93
jory93
نجلاء مساء النور
وأنتي بخير وصحه وسلامه
ادخلي موقع skyscanner وراح تلقينها متوفرة ان شاء الله .

بلد العجائب
بلد العجائب
مرحبا
أنصحك بالخطوط الكورية korean air أفضل وأرخص
خاصة إذا حجزتي بدري

بلد العجائب
بلد العجائب
ماقصر الزنون
أعتقد استئجار سيارة أفضل شئ ماعليك إلا احضار رخصة ودولية وكتابة أسماء الأماكن اللي بتروح لها وتكتبها في جهاز الملاحة وانطلقي
بس إذا كنتم بتقومون بجولة سياحية ولا عندكم أيام كثيرة بجيجو أو ماتقدرون تستاجرون سيارة فهناك الباص السياحي YEHA BUS Tour
وهذا موقعهم
http://www.yehatour.com/jeju/service/daytour/daytour.php?lang=eng
احجزي جولة يومين الأول لشرق الجزيرة والثاني لغرب الجزيرة وبيكلف للشخص الواحد 160 ريال تقريبا ليومين كاملة من الساعة 9 وحتى العصر ويمكن آخر العصر أحيانا
يعطونك بالجولة أكل لاتحرصين عليه لأنه ماينفع
بالنسبة للمشاوير العادية ففيه Airport Limousine
يطلع من المطار ومن جيجو العاصمة ويمر على أغلب الفنادق جنوب الجزيرة
ويبدا عمله من 6 صباحا حتى 10 مساء ويمر كل 17 دقيقة باص
موفقين

بلد العجائب
بلد العجائب
مرحبا
أنصحك بالخطوط الكورية korean air أفضل وأرخص
تحصلينها عند أي مكتب حجوزات واطلب خصم لأن عندهم صلاحية خصومات
خاصة إذا حجزتي بدري


خصم يصل إلى 25%