روما المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
AbOFareS2011
17-12-2022 - 05:36 am

اتقدم بالتهنئه لجميع الادارة والأعضاء والزوار لهذا المنتدي الراقي بمواضيعه وتفاعل أعضائه
واهنئكم بحلول هذا الشهر الفضيل
اتقدم بالشكر والعرفان لكل شخص وزائر تابع تقريري السنه الماضيه وارسل الى سواء على البريد
او الرسائل الخاصه واتمنى من الله اني وفقت و أوصلت الهدف من كتابتي للتقرير او تجميعي للكتاب او الفيديو
نسترجع تقريري الماضي لزيارتي
(للنمسا والمانيا وسويسرا وفرنسا) لمدة 26 يوم
وكان بعنوان
كانت حلم فتحققت فأصبحت من الماضي https://artravelers.com/p/re/718503
طبعا البدايه كانت بعد سنه مليئه بالاعمال وضغوط العمل والحياة طلت علي الغاليه أم فارس
وانا جالس على اللاب توب واسوي مونتاج لسفرتي السابقه قالت وش رايك يالغالي ناخذ لنا إجازة نريح شوي فيها من العمل ..
وجلسنا نسولف وين نروح قررنا اننا نروح للمالديف او موريشيوس بديت طبعا البحث
ونزلت كذا استفسار عنها وطلعت على الاماراتيه للعطلات وسويت بكج من سبعه ايام في مورشيوس
طلع تقريبا 27000 الف ريال .
رجعت للغاليه هاه وش رايك الاجازه بحدود 27000 الف من غير الصرف اليومي
طبعا انا مو مقتنع ليش لانها قصيره المده وستايل واحد ام
قلبي وش رايك نقلبها على أوربا حبيناها ماشتقتي لانترلاكن والطرق الجبليه
والمشي بين الخضره والطبيعه ...
خطير أقنعت ام فارس عسي الله لايحرمني منها
ومن هنا بداء الإعداد للرحلة ..
التاريخ الان بشهر 4 ابريل .....
وش العمل يابو فارس كم يوم تبي في البدايه على انها 14 يوم بدايتها من ميلان
قلت وش دعوه لا مايصير تروح لإيطاليا ولا تروح لروما وفنيسيا ..
اوكي قررنا انها تكون 20 ليله .. المخطط كالتالي :
3 ليالي روما
2 ليله فنيسيا
3 ليالي ميلان
1 ليله لوقانو
7 ليالي انترلاكن
4 ليالي باريس
شيكت على موقع الحجوزات المشهور

وكانت الفنادق اللي حجزتها كاتالي :
روما ثلاثة ليالي في فندق
https://www.booking.com/hotel/it/twentyone.ar.html?aid=1300939
بمبلغ( 2664 ) ريال
فنيسيا ليلتين في فندق
https://www.booking.com/hotel/it/locanda-casa-sul-molo.ar.html?aid=1300939
بمبلغ (1921) ريال
ميلان ثلاث ليالي في فندق
https://www.booking.com/hotel/it/deicavalierimilano.ar.html?aid=1300939
بمبلغ (2446 ) ريال
لوقانو ليلة في فندق
https://www.booking.com/hotel/ch/nassa-garni.ar.html?aid=1300939
بمبلغ (1011) ريال
انترلاكن سبعة ليالي في فندق
https://www.booking.com/hotel/ch/seehotel-bonigen.ar.html?aid=1300939
بمبلغ (5588) ريال
باريس اربع ليالي في فندق
https://www.booking.com/hotel/fr/cristal-champs-elysees.ar.html?aid=1300939
بمبلغ (4323) ريال
الاتصال بمكتب لاستخراج التاشيره
شخصين (1600) ريال
تم حجز الموعد ثم الذهاب الي مكتب التاشيرات الموحد لاخذ البصمه وببدايه الاسبوع الثاني اتصل المكتب يقول خلصت الجوازات واصدار الشنقن لمدة سنه
نتابع الخطوة الثالثه
AbOFareS2011


رحلتي الى ايطاليا
التعليقات (9)
AbOFareS2011
AbOFareS2011
البحث بشركات الطيران وحصلت الافضل لدي طيران الاماراتيه

طبعا وانا انتظر الشنقن تصدر حصلت حجز فيه ترانزيت ساعتين وترددت شوي حتي تصدر
ولكا صدرت الشنقن راح الحجز ولا حصلت الا ترانزيت 5 ساعات قلت مو مشكله
وحجزت تذكره لي وللغاليه ب (7900 ) تقريبا .
ذهبت للمكتب بشارع التخصصي لاصدار التذاكر .
الحجز للطيران الداخلي لكل من :
الانتقال من روما الى فنيسيا لطول المسافه بالقطار 5 ساعات تقريبا عن طريق الطيران
الايطالي :
لشخصين بمبلغ (1600 ريال )
والانتقال من زيورخ الى باريس عبر الطيران الفرنسي :
لشخصين بمبلغ (1400 ) ريال

حجز السياره من الشركه المفضله لدي بكل شي من التعامل في الاستلام والتسليم
لمدة 9 ايام بمبلغ (694 فرنك ) التامين زيرو شامل لكل شي .
عمل الحجوزات للتنقل بين كل من :
فينيسيا الى ميلان بمبلغ (148 يورو)
ميلان الي قاردا -قاردا الى ميلان بمبلغ (149 يورو)
ميلان الى كومو - كومو الي ميلان بمبلغ (127 يورو)
للانتقال من ميلان الي لوقانو بمبلغ (46 يورو)
طلب سويس باس لشخصين تبداء من يوم وصولي 6-6-2013 لمدة شهر
بمبلغ (1100 ) تقريبا

الرخصه الدوليه من مكتب الطيار بمبلغ (125 ريال )
التامين الطبي لشخصين بمبلغ (475 ) ريال

القارمن تركيب الخرايط 2013 من الوكيل ب(400 ) ريال
الاشتراك بخدمة تجوال البيانات لمدة شهر وكان عليها عرض (250) ريال
وفصل الانترنت من الجوال المفوتر الاتصالات السعوديه مهم جدا .

بطاقات الفيزا والماستر من :
للشراء اليومي اذا احتجت لها
ماستر مسبقه الدفع خصصتها للفنادق
اللطوارئ والتسوق

طبعا المصروف اليومي وضعته في حسابي في البنك البريطاني واحسب منه
اللاب توب والكاميرا الفتوغرافي والفيديو :
وبكذا خلصنا من الاشياء اللتي لابد من توفرها قبل السفر
تحياتي لكم

AbOFareS2011
AbOFareS2011

بعد ماخلصت من الحجوزات تفرغت لترتيب الجدول اليومي والبحث والقراءه من مواقع
السياحه الخاصه بكل بلد ومن مواضيع اخواني بالمنتدى استغرق ذالك قرابه شهر ونص حتى قبل السفر بيومين وضعت عملي
ليستفيد منه الجميع ....

تم اصدار نسختين منه في مطابع الناشر العربي في شارع التحليه بالرياض
بمبلغ (350) ريال
يحتوي على المخطط لمدة 20 يوم بدايه من روما وتنتهي بباريس
مخطط يومي وتعريف عن اهم المزارات في كل مدينه بالصور
ان شالله يلقي استحسانكم
وان شالله راح ابداء بالتقرير المصور باذن الله الليله او غدا بشكل يومي
على امل يتنهي بنهايه هذا الشهر
وشكرا لكم جميعا

مسافر ايطالي
مسافر ايطالي
كل عام وانت بخير يا بو فارس
ما شاء الله تبارك الله تقرير مفصل تفصيل بكل صغيره و كبيره .. ابدااع
ان شاء الله تتوفق في تكمله باقي التقرير و حنا لك متابعين بكل شغف
موفق

آبو يوسسف
آبو يوسسف
ماشاء الله تبارك الرحمن
والله يخليكم لبعضكم ، يعجبني تخطيطك للسفر والترتيبات الي تسويها
مبدع قليله فيك يابو فارس
بانتظارك

AbOFareS2011
AbOFareS2011
مسافر ايطالي
وانت بالف خير اخوي مسافر إيطالي
تسلم على هالمرور الجميل وعسى الله يعيننا على الكتابه
ووسام علي صدري متابعتك
تحياتي لك

AbOFareS2011
AbOFareS2011
آبو يوسسف
امين يارب وعسي الله يخليلك كل من تغليه
تسلم يابو يوسف واشكرك على هالكلام الجميل لا خلا وعدم
تحياتي لك

AbOFareS2011
AbOFareS2011
يوم الاربعاء بتاريخ (5-6-2013)م
طبعا قبل الرحله بيومين جهزنا الحقائب وكل شي نزلنا بنتي رسيل وفارس عند
اهل زوجتي سلمنا عليهم وودعناهم
توجهنا للمطار الساعه 10 وبعد نص ساعه وصلنا للمطار
دخلت الا الناس وااقفه بالشارع
انصدمت وش االسافه الا موظفي المطار ينضمون المسافرون على مدخل المطار
عاد اكثر ماشفت عماله مسببين زحمه
سالت الموظف ايش السالفه قال تاخرت رحلات
الله يستر

دخلنا على موظف الجوازات وتاكد من الاوراق
وقال
تروح وترجع بالسلامه
الله يجزاك خير
وكان خط السير هو
(الرياض-دبي-روما)
وصلنا الى دبي بعد ساعه وانتظرنا بالمطار تقريبا 5 ساعات ماحسينا فيها راحت بين تجول وسوالف مع ام فارس الله لايحرمني منها .

وصلنا لمطار Fiumicino
تقريبا على الساعه 1 ونص ظهرا من يوم الخميس طبعا بقولكم
على حسب ماقريت في المنتديات والمشاكل اللي تعرضت لها بعض العوائل من كذب التاكسي عليهم
واخذ مبلغ اكثر من المتفق عليه
دقيت على الفندق قبل السفر بثلاثة ايام وطلبت تاكسي من المطار للفندق والعكس
المهم ارسلي الفندق نموذج اعبيه بينات الرحله والاسم وعدد الحقائب
الرسلة النموذج وقالي اذا لم تستطع رؤية السائق يحمل اسمك اتصل قبل انكك
تستاجر تاكسي ثاني ولا عليك غرامه
المهم انا جلست ادور الورقه اللي عليها اسمي يمين يسار ماحصلت
دقيت علي الفندق قلت التاكسي ماحصلته قال هو موجود ينتظرك
المهم ركزت شوي حصلته واقف
راح السائق وجاب السياره فان وشلنا الشناط وتوكلنا على الله
الى الفندق
وصلنا الفندق بعد 30 دقيقه من المطار تقريبا واخذ علي
مبلغ (60 يورو )
ووقفنا وعطيتهم ورقه الحجز وسويت تشك ان سريع وعلى الغرفه
نزلنا الشنط وريحننا بالفندق الي الساعه تقريبا 7 عصرا
صحينا بعد ماريحنا من تعب المطارات والاجراءات شوي
هاه يالغاليه نطلع قالت نطلع وش يجلسنا ....
طلعنا من الفندق ومشينا فوق هالجسر

توجهنا الى ساحة الشعب (Piazza del Popolo)

المسافه من الفندق الى الساحه تقريبا 10 دقايق مشي او اقل
وبعد ماجلسنا واستمتعنا بالساحه توجهنا
الى
الخطوات الاسبانيه

بعد توجهنا الى المطعم المقابل للخطوات الاسبانيه
وطلبنا بيتزا و باستا ب (26) يوروو
واحنا راجعين الساعه 11 تقريبا الاجواء هاديه مره
رجعنا للفندق للراحه والاستعداد ليوم الغد وبدايه يوم جديد باذن الله
طبعا للي يسال عن المصروف اليومي مخصص (200 يورو) باليوم . ماتتعدا ابدا
تحياتي لكم

AbOFareS2011
AbOFareS2011
يوم الجمعه بتاريخ (7-6-2013)م
صحينا تقريبا الساعه 9 صباحا ونزلنا للافطار الساعه 10
بالفندق

وبعدها استعدينا للبرنامج اليومي
توجهنا الى موقف الباص السياحي لروما القريب من ساحة الفاتيكان
طبعا يوجد شرح كافي ووافي عن انواع وخط السير لكل شركه من الباصات السياحيه بروما
بالكتاب
اترككم مع الصور ...

محل للبيع الجرايد صراحه اعجبتني بساطه روما

بساطات رخيصه للشنط والاحذيه تقليد الماركات
على طول الشارع حتي توصل للفاتيكان ومحلات تسوق اعجبني موقع الفندق حركه دائمه

نهاية الشارع نقطع الشارع يسار بجانب السور حتى نوصل لساحه الفاتيكان

طبعا مثل ماسمعتو روما مليانه من الجاليات البنقاليه
يبطون تسبدك ياشحاده يانه يبك تشري شي
بس صراحه عارفين لطبع الخليجيين لان كم واحد من بعيد اذا شفته جاي اعطيه نضره يكمل طريقه
ههه
وصلنا لساحة الفاتيكان
مادخلتها لسبب سمعت فتاوي انو مايجوز تدخل الكنائس وصرفت النظر عنها

طلعنا انا وام فارس الغاليه بعد مااستمتعنا بالساحه ناوين على الباص السياحي يسار الصوره
في شارع ببدايته موقف الباصات

موقف الباصات طبعا نيتنا على باص تشاو لانه فيه شرح بالعربيه لابد ننتظر حتى يجي
طبعا الباصات توقف عند الموقف كل نص ساعه

وهذا باصنا وصل

قصيت تذكرتين لمدة يومين بمبلغ (48 يورو)
لانو راح يسهل علي تنقلاتي ولا راح اعتمد على المترو

وهذا نهر التيبر يقطع روما

قلعة سانت انجلو

اترككم مع الصور التقطتها وانا بالباص

هذه النقاط اللي تتوقف عنها الباصات السياحيه
يتبع

AbOFareS2011
AbOFareS2011

طبعا انا بنزل في الكولسيوم
لانوو بياخذ وقت بالدخول والانتظار والوقت تقريبا الساعه 12 الظهر
نكمل الصور حتى وصولنا الى الكولسيوم

هذا سور روما القديم

نشاهد المجسمات صراحه مدينه التاريخ فعلا

روما القديمه او يطلق عليها منتدى الرومان

هذا الكولسيوم صراحه عجيب

يتبع


خصم يصل إلى 25%