- موقف 1 :
السلام عليكم
من قلب ماليزيا أحدثكم وأنا مالي فيها إلا ثلاث أيام سأروي لكم ما حدث لي من مواقف تدل دلالة واضحة أن الهالة الإعلامية لماليزيا ضرب من اللا حقيقة ...
طبعا أنا زرت دول وكان مستوى ما يقال عنها والواقع متقاربان أما ماليزيا صدقوني صدمت بها من حيث الفرق الشاسع بين ما سمعت وما رأيت
وأنا هناك أتكلم بعين النقد فقط لا اكثر ولا أقل وأتمنى من الأخوة اعتبار ما كتبت وجهة نظر مدعومة بالشواهد
موقف 1 :
وصلت مطار كوالالمبور والله يا إخوان لما قرأت عنه وشفت الصور اشتقت لرؤيته أما في الواقع كان بعيني جدا عادي ( لله در العين المجردة ترى أدق تفاصيل مالا تراه الكاميرا )
المهم ليس هنا موقف غريب او مخيف ولكن الموقف اني استاجرت تاكسي من المطار فجاء التاكسي بعد طول انتظار جاء السواق رجل طويل وضخم عليه ملامح الصينيين ( امحق من ملامح ههه ) المهم رفض حمل الشنط للسيارة طلبت من المسؤول تغييره قال لي بتتاخر ولكن انا اشيل الشنط وانت اركب وارتاح ركبت وتحرك التاكسي وبالطريق قام السائق السيء بسبنا نحن العرب فسكت معي اهلي ولا احب اثارة المشاكل استمر بالسب وانا ساكت وقلت له توجه للفندق واستمر الاخ فطلبت منه العودة للمطار فوقف بمكان بعيد عن المطار وقال انزل وقص كرت التوصيل واعطاني الجزء الاخر من الكرت على اعتبار انه وصلني اخذت الكرت وقلت له اوك روح الفندق
زوجتي طلبت رفع المكيف قام يصارخ وقال اللي يبي مكيف يجي يجلس قدام اكيد ورا ما راح يوصل مكيف قلت اوك كمل حس مني الوغد هدوء وبرود قام يتصل على واحد ويتكلم معاه على اساس يخوفني ما درا اني شيطان بصورة انسي ههه قلت له اذا ما عقلت ترا ابكلم الشرطة مد لي جواله بكل بجاحه وقال لي اتصل من جوالي قلت اوك كمل وكل خوفي على العائلة فقط فقط واللي معه اهله والله ما يقدر يعمل شي وبالنهاية قال فاك يو وسوا بيده حركه قذرة قلت اوك كمل للفندق
المهم ولما قربنا من الفندق فكيت الساعه اللي بيدي واعطيتها اهلي واعطيتهم شنطة الفلوس والجوازات ووصلنا للفندق قلت لاهلي انزلوا روحوا للوبي واجلسوا المهم بعد ما امنت عليهم رجعت له ولقيته فاتح الشنطة يبي يساعد الاخ مسكته وقلت له تقول لي فاك يو واخنقه خنق بغت تطلع عيوني قام يترجاني ويقول ام سوري قلت اللحين هاه وخليته يتصلب واقف وقلت يا ويلك لو تتحرك قال اوك اوك طلبت من الفندق يستدعي الشرطة جاني مدير الفندق وهذي السلبية العظمى ( طبعا انا جوالي مع الاهل ولو رحت الفندق هرب السواق ) قال لي مدير الفندق احنا ما نستدعي الشرطة حفاظا على سمعة الفندق وهو كذاب فازع معه المهم اجتهد يحلها بيننا والسواق قام يترجاني ان الشركة راح تفصله المهم قلت يا ولد خله ينقلع هاللي قلب فار لما شاف الجد المهم طردته ومشى جاني واحد من اخواننا السعوديين قال لي يا غريب خلك اديب قلت له سوا كذا وكذا قال لي يا رجل انا صار معي اكثر وما سويت شي قلت بنفسي هذا اللي مردهم اجل ...
نهاية الموقف ان التعامل من سواقي ماليزيا اما جشع او مشاكل واعتقد ان لصمت اخواننا دور كبير لهذا التمرد العارم
2- الجو بماليزيا أقل ما يقال عنه سيء وصلت كوالالمبور لا تطاق من الحر طرنا للنكاوي قلت الجو ممكن يزين طلع اشنع درجة رطوبة عاليه وحر وفيه رش مطر خفيف جدا ومتقطع وبسرعة تتفرق الغيوم ويشتد الحر ثم تعود ولا تحلم هناك بما يسمى نسمة هواء باردة و مع الحر والله لا يساوي شي ( الله على مطر البرودة ) يعني تمشي تتروش من الحر
3- قابلت سواق بلنكاوي وصلني الفندق وقال لي تبي جولة قلت ايه قال اسويها لك الساعة ب 20 رينقت قلت سعر حلو رجع لي للفندق مره ثانيه حسب الموعد قلت على وين قال رحلة تحبها قلبك بس اركب قلت لا يا حبيبي الاتفاق هنا قال مانغروف قلت لا يا شيخ المانغروف ب300 رينقت بالمتوسط مع 80 لك حق انتظار اربع ساعات وهي اصلا تجي مع توصيل من والى الفندق بالتاكسي ولما شافني فاهم قال لي الوغد خلاص اوديك واردك ب10 رينقت فقط بدون انتظار اروح وارجع لك واوديك احلى مكتب بارخص سعر قلت اللي يبوق بالاولى لن يصدق بالثانية إليك عني لا ابا لابيك
خلاصة الموقف في ماليزيا لو تجهل ابسط الامور ينضحك عليك بظرف دقيقة بعكس دول انا زرتها كل شي مسعر يمشي عليك وعلى الرئيس لا مكاسرة ولا نصب تدفع وانت مطمئن
4- بماليزيا كل شي بفلوس طبعا هذا عادي وشي طبيعي بتقولوا ليش تبيها بلاش ههه لا ما ابيها بلاش لكن تدخل الفندق وتشغل التلفزيون وتطلع الأفلام بفلوس ههه هذا اللي ما حسبنا حسابه والله إني ما ادري اضحك والا استغرب طيب حط لي كم قناة مجانية من باب حقوق الانسان والمشكلة الافلام من التسعينات خ
على العموم يا اخوان كثيرة المواقف وانا تعبت من الكتابة لاني اكتب بالجوال ولي رجعه ان شاء الله لاكمل المواقف السابقة وما يستجد بكل امانة وموضوعية لاني اعلم ان الاخوان بيستفيدوا من النقد اكثر غغ المدح ولا اخفيكم كمان النت سيء جدا ويجيب المرض ويقطع طبعا على اعتبار أن الواي فاي بجميع انحاء الفندق مجانا على راي الشيخ بوكنق
في امان الله
وحنا نخطط نروح بالايام القادمة
يعني لازم نوريهم العين الحمراء عشان تمشي امورك ..