سالزبورغ المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ضب رومانسي
11-12-2022 - 05:16 pm
بسم الله الرحمن الرحيم
عشان ما أطول عليكم أبدخل بالموضوع مباشرة
قبل لا أسافر لأوروبا دخلت أحد المواقع الشهيرة ( اذا سياسة الموقع تسمح بنشر اسمه سأنشره ) وحجزت عن طريقه في كل المدن اللي أبروح لها..
في ألمانيا وتحديدا بادن بادن حجزت في فندق ( راديسون بلو )
الفندق مو رخيص وصوره في الموقع روعة..
لكن للأسف تفاجأت يوم رحت انه عادي جدا جدا ويختلف اختلاف جذري عما هو عليه في الصور
وفي سويسرا في مدينة انترلاكن حجزت في فندق ( انديا فيلاج ) أو قريب من هالاسم
وكان حجزي غرفة مطلة على النهر..
يوم رحت لقيتها ماتطل على النهر لكن تقدر تشوف النهر عن طريق الشباك
ويوم رحت أقولهم غيروا غرفتي وعطوني مطلة مثل ما أنا حاجز قالولي اللي مطلة ع النهر سويت وانت حاجز غرفة..
وفي النمسا في سالزبورغ رحت لها قبل موعد حجزي بيوم وقلت بدال ما أحجز في فندق ومن بكرى أجرجر شنطي للفندق اللي أنا حاجز فيه..أبروح أحجز في نفس الفندق عشان تكون دخلتي وحدة
المهم رحت للفندق وماقلتلهم اني حاجز عندكم..لكني قلتلهم أريد غرفة
قالولي الليلة ب84 يورو
علما اني حاجزها أنا ب134 يورو الليلة
يعني مزودين عليّ 50 يورو ( 250 ريال ) في الليلة
وفي زيلامسي حجزت الليلة ب1045 ريال على الجبل (بعيد عن البحيرة)
وفي يوم من الأيام كنت أتمشى قريب من البحيرة وشفت فندق حلو ويوم سألتها بكم الغرفة قالتلي ب112 يورو (560 ريال تقريبا)
وفندق أقل منه قالتلي ب 84 يورو (420 ريال تقريبا)
الخلاصة//
نصيحتي لكم لاتحجزوا أي شي..تعالوا للمدينة اللي تبون واحجزوا أنتم بأنفسكم أرخص لكم
واذا أعجبتكم المدينة ممكن تطولون فيها واذا ما أعجبتكم ممكن تغيرونها..
وترى السكن متوفر جدا جدا..
والله ماكتبت هالكلام إلا لأني أعز هالمنتدى ومدين لأعضائه بالكثير لأنهم أفادوني في رحلتي..حتى أنني لم أستطع تأجيل الموضوع حتى أعود من سفري بل كتبته وأنا الآن في سالزبورغ لعلي أفيدكم
ختاما لا أريد منكم الا الدعاء
اللهم اعطهم ضعف مايتمنونه لي
وفقكم الله وأسعدكم


التعليقات (9)
TARZAN
TARZAN
ياسلام عليك شخصيا مجرب طريقه الحجز المباشر من الاستقبال لمن اكون مسافر وحدي فيها توفير ومرونه
اما اللي مسافر مع مجموعه شباب او مع عائله واطفال لاوالله ادفع زياده للموقع الوسيط مثل بوكينق وترتاح من الفراره
نقطه مهمه: المواقع اللي مثل بوكينق يعطيك فرصه لتقييم الفندق وكتابه السلبيات والايجابيات حتى يستفيد منه كل من يدخل على بوكينق
وهالميزة غير متوفره اذا حجزت من الاستقبال الا اذا عندك مدونه او متابعين بالملايين بتويتر

انسان ولهان
انسان ولهان
كلامك سليم في حالة انك راح تسافر لوحدك او معك شباب
النصيحة لاتصلح لكبار السن او العوائل سواء كبيرة او صغيرة

][نبع العطاء][
][نبع العطاء][
والله ياخي مافي أسوأ من أنك تجلس تفرفر من فندق لفندق تدور سكن.. خصوصاً لما تكون جاي مع عائلة وجاي تبي تستمتع وترتاح وماتضيع وقت قد يضيع يومك كله وأنت تبحث عن سكن
أتفق معاك كثيراً بأن أحياناً الصور ماتكون بالضبط نفس الواقع لأن الصور إذا كان فهمي صحيح لسياسة هذه المواقع يكون عن طريق الفندق نفسه يقوم بتصوير الغرف واللوبي والمبنى إلخ ويرسلها لموقع حجز الفنادق مثل بوكنق وغيره،، قد تكون هذه الصور عند إفتتاح الفندق قبل عشرات السنين وتفاجأ عندما تذهب بأن الواقع مختلف تماماً ،، وأحياناً يصورون لك أحسن غرفه ديلوكس أو سوبرير أو أياً كانت وتكون الغرف الأخرى اللي زيها تعبانه
بالنسبة للسعر فهذا فيه إختلاف،، أحياناً تجد السعر في بوكنق وغيرها من مواقع الحجز أرخص من الفندق نفسه وأحياناً العكس،، وأنا أتكلم عن تجارب وقعت لي ووقعت لكثير من الزملاء
ونصيحه حاول تقرأ جميع التقييمات الوارده بالموقع وخذ إسم الفندق وأبحث بموقع trip advisor راح تجد فيه صور وتعليقات للفندق من زوار سابقين له،، بهذه الطريقتين أنت راح تقراً وتشاهد شي واقعي وليس كلام مزخرف كالذي يكتبه الفندق عن نفسه
بالتوفيق يارب

oska888
oska888
انا أشوف انك تحجز قبل ما تروح بمدة كبيرة عشان تحصل حجز في المكان اللي تبغاه
ولا انصح ابدا الذهاب بدون حجز

رائد بومريم
رائد بومريم
لاانصح بالذهاب بدون حجز
ممكن انك تنحد على شي انت ماتبغاه
وش يضمن لك انك بتحصل حتى لوكنت تعرف الفندق
ممكن تروح وتحصله فل
غير كذا ماتسوى لفت بالاغراض وبهدلتك
وممكن من التعب تقول خلني احجز اي فندق اريح
حتى لو كان خايس
فيه حل حلو
مع اني ماجربته ههخه
انك تشوف الفندق واراء النزلاء من بوكينج وغيره
وتتصل على الفندق تتاكد من السعر
لانه حصلت مع واحد من اخوياي
قبل يحجز على فندق في كوريا عن طريق النت
اتصل على الفندق وشاف انه ارخص
قاله احجز لي
وتم حجزه عن طريق التلفون

آخـــرفـــرصــة
آخـــرفـــرصــة
ممكن تطبيق هذا الكلام في الموسم الميت
أما أشهر الصيف 6+7+8 لابد من الحجز المبكر
شكراً لاهتمامك و نقدر نصيحتك

مهاجر المدينه
مهاجر المدينه
طبعاً انا اخالف الرأي اخوي ..
انا بجي من السفر تعبان .. كمان بروح افرفر ادور فندق يعجبني؟؟
يعني مثلاً بروح لزيلامسي .. وبحثت في البوكينق ولقيت فندق يعجبني .. اجي اسأل الأعضاء هنا .. واذا ايدوني احجز فيه على طول وارتاح من الفرفره ..
وبنفس الوقت بيكون ارخص لك ..
لكن اللي يبي يستأجر فندق على ذوقه .. انصحه يحجز بالبوكينق يوم على الاقل .. ويرتاح فيه ويدور على ذوقه ..

Ahmad-najar
Ahmad-najar
والله يا اخي انا اوفقك الرأي المواقع ليست دائما موثوقة و خصوصي انك تحجز على ويب سايت في النهاية يوما من الأيام قد يسكر و تبطل تعرف عنو شي !!او لو فرضا صار سيرفر داون اي عطل !! انت ضعت لذلك انا انصح يا بالحجز المباشر او عن طريق شركات سياحة معتمدة و هذا اضمن و خصوصي لما يكون معاك عائلة و هيك
تحية طيبة

ضب رومانسي
ضب رومانسي
أشكر الجميع على مرورهم الرائع..
أنا الآن في زيلامسي (وقت الذروة) وصدقوني والله اني مادخلت أكثر من فندقين الا وأجد حجز..
ما أدري يمكن لأني أدور عن غرفة..
لكن اللي يبي فندق مشهور ومعروف أكيد لازم يحجز بدري..أما اللي يبي أي فندق أهم شي نضيف ورخيص راح يلقا..
للجميع تحياتي وتقديري


خصم يصل إلى 25%