ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Abodanaa
13-12-2022 - 10:19 pm
السلام عليكم. ...
بإختصار ياجماعة وصلت ماليزيا يوم الجمعة وسكنت البراميد صن واي ومن بكرا رحت الماينز وندر لاند قبل المغرب. .. انا وزوجتي واولادي الثلاثة وحنا جالسين نتمشى وقفت وشريت ايس كريم لأطفالي التفت وسألت زوجتي عن الشنطة حقتي قالت مو معي ودورنا حولنا مالقينا اي شي ولفينا ولفينا لين طاحت رجولي. ..المصيبه انه بطاقات الصراف وجهاز الايباد وجوالي الآيفون ومذكراتي حقت الرحله وألفين رنقت أو اكثر ومن سوء الحظ بطاقة الصراف حقت المدام حاطها بالبوك حقي اللي بنفس الشنطة اللي اختفت. .ومن حسن حظي ان الجوزات بصندوق الأمانات حق الفندق والا كان رحنا فيها. .. مع اني كنت حريص جدا على ان لا اضع اغراضي بمكان واحد الا انه هذا امر الله ولامفر منه...بعد ما انهكني التعب اسفزعت بواحد الله يبيض وجه سعودي وعطان رقمه وقال تراي حاظر باللي تبي الله يبيض وجه. .. بس انا الآن متورط بكرا الأحد وما ادري بنك الراجحي شغالين او لا وبعد بكرا حاجز الى لانكاوي ولا معي ولارنجت مصفر وبلش. .. رحت للسكيورتيه حقين الماينز ولاشفت منهم اي تفاعل وقالو لي بنتصل عليك اذا لقيناه ومازلت بانتظار الفرج. .. فزعتكم يا أخواني وياخواتي


التعليقات (9)
ابوعبدالله ( الاسفار )
ابوعبدالله ( الاسفار )
الله يعوض خيرا مما ضاع عليك
كرر قول ( حسبى الله و نعم الوكيل )
الآن تستطيع ان تتصل على البنك لخدمة العملاء ( 24 ساعة ) لايقاف البطاقات المفقودة
دام عندك بطاقة صراف الآلى الراجحى تستطيع ان تسحب من مكائن الصرافة الالية
بعد ما تذهب الى الفندق افتح الانترنت و استخرج من ايميلك حجوزات الطيران
طمنا عليك

ابوعبدالله ( الاسفار )
ابوعبدالله ( الاسفار )
بنك الراجحى الاحد مسكر !
هذا هاتفهم 23017094-03
خدمة العملاء
0طمنا عليك

Abodanaa
Abodanaa
الله يبيض وجهك انا الآن في الفندق وكل بطاقات الصراف ماهي معي كلهن بالشنطة اللي راحت منا.... وهل بطاقات الصراف العادية لازم اوقفها لأن مامعي فيزا بس بطاقة الراجحي العادية

ابوعبدالله ( الاسفار )
ابوعبدالله ( الاسفار )
البطاقات العادية اذا عليها شعار ( الفيزا ) احتياطا وقفها
الآن و لا بطاقة معك ؟
اتصل على احد من اقاربك يشوف مكتب صرافة ( ويسترن يونيون ) و يحولك مبلغ على اقرب صرافة قريبة من الفندق
رقبتنا سدادة

Abodanaa
Abodanaa
الله يرحم والديك بيض الله وجهك .. الساعة 3 ونصف الآن. .. فجرا... يعني كل شي مسكر عسا ربي يفرجها. .. اسف لازعاجك والله يطول بعمرك ابنتظر للصبح وبيسهل ربك. بس اهم شي بكر الراجحي مقفل اولا عشان ماروح له

zazaz
zazaz
السلام عليكم
الله يعوض عليك
والله مشكله كيف بتسوي؟
خل أحد يحولك علي الويسترن يونين و تستلمها بنفس الوقت من اي مكان
واذا ماتبي تتأخر شف لك أحد السعوديين رحلته نفس رحلتك تسلف منه
وقله بأستلم التحويل من الويسترن يونين واعطيك
أعرف انه إحراج و مشكله بس حيل الله أقوي لو 500 تمشيك اول يوم بلنكاوي
وللمعلوميه الراجحي بماليزيا ماله اي علاقه بعملاء راجحي السعوديه
والله يكون بعونك و نصيحه دائما وزع الفلوس في امكان مختلفه

Abodanaa
Abodanaa
لاحول ولاقوة الا بالله....يعني ماراح يطلعون لي بطاقة صراف بديله أو اقدر اسحب من حسابي من خلاهكل فرعهم

essa hw
essa hw
الله يعوض عليك وهذا مقدر ومكتوب دام انت بخير واولادك هذه نعمه من الله والفلوس وهذه امرها هين عموما حاول احد يحولك تحويل خارجي باسمك المطابق للجواز واذا امورك صعبه ومحتاج انا بكوالا وحاضر تحت امرك باللي تبي

Abodanaa
Abodanaa
الله يبيض وجهك اخي عيسى انا حسابي فيه فلوس للرحله كامله ولله الحمد ... سؤالي هل اقدر اطلع بطاقة صراف او اسحب من حسابي من الفرع حق الراجحي اللي بكوالا بمطابقة الاسم من الجواز


خصم يصل إلى 25%