سلطنة عمان المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Queen DA
12-12-2022 - 01:42 am
السلام عليكم و رحمه الله و بركاته
هذا اول استفسار لي و ان شاء الله اول زياره لي لسلطنه واتمنى انكم تساعدوني علشان ماتكون اخر زياره
ان شاء الله الزياره بتكون لمنتجع شانغريلا بر الجصه والسكن فيه تقريبا لمده 3 ليالي والسفر على الطيران العماني
الاستفسارات: السفر بكون من الكويت وبسافر بالبطاقه المدنيه مو بالجواز واعتقد ان عادي بس هل في اجراءات لازم اسويها ولا جم كيلو للمسافر على الدرجه السياحيه لطيران العماني التنقل من المطار الى المنتجع هل في باصات مخصوصه للمنتجع والا تاكسي والا تأجير سياره افضل - التاكسي فيه عداد و الا عالمكاسر؟؟ قصر العلم هل هو نفسه قصر السلطان قابوس وهل يمكن زياره قصر السلطان قابوس؟ كم يبعد سوق مطرح و سوق السيب عن المنتجع وشنو ممكن نشوف او نشتري من هالاسواق وهل احصل للبس العماني النسائي والبرقع العماني هناك؟ مطاعم الوجبات التقليديه العمانيه هل فيها جلسات عائليه وشنو الافضل انا شفت مطعم بن عتيق هل هو جيد والا في افضل وللعلم احنا بنكون فقط نساء؟ افضل محل للحلوى العمانيه التقليديه الي تكون بطاسات وين موجود؟ قريت عن حلوى العامري بالسيب؟ هل هالمصنع جيد والا في افضل؟ اماكن سياحيه موجوده بمسقط لازم ما اطوفها؟ وانا افضل الاسواق الشعبيه او اماكن تاريخيه شنو ممكن اخذ صوايغ من عمان وتكون اشياء مشهوره لعمان غير الحلوى مسقط غراند مول كم يبعد عن المنتجع وهل اهوا الافضل في مسقط والا في افضل منه؟ واذا عندكم اي اضافه على مسقط ياريت تفيدوني فيها
وشكرا لكم مقدما


التعليقات (8)
OmaniHero
OmaniHero
  1. ومن ثم تحويله الى مزار سياحي ويمنع التصوير داخله

  2. وبالنسبهللبس العماني اكيد متوفر بسوق مطرح والبرقع ايضا


Queen DA
ان شاء الله الزياره بتكون لمنتجع شانغريلا بر الجصه والسكن فيه تقريبا لمده 3 ليالي والسفر على الطيران العماني
أختيار موفق ومنتجع أكثر من رائع ويفضل تحجزوا مبكر عشان تلاقوا حجز
لان معظم الاخوه الخليجيين والاجانب يختاروا شنغريلاا كمقر للسكن
الاستفسارات: السفر بكون من الكويت وبسافر بالبطاقه المدنيه مو بالجواز واعتقد ان عادي بس هل في اجراءات لازم اسويها ولا
نعم عادي الدخول عمان بالبطاقه المدنيه ولا يحتاج جواز لمواطني دول الخليج
الجواز حق اوربا وربعها
جم كيلو للمسافر على الدرجه السياحيه لطيران العماني
السياحيه 30 كيلوا واحيانا يتساهلوا كيلوين زياده
قلت احيانا مو شغلي
اما لدرجه البزنس 40 كيلو والدرجه الولي مسموح لهم 50 كيلو التنقل من المطار الى المنتجع هل في باصات مخصوصه للمنتجع والا تاكسي والا تأجير سياره افضل - التاكسي فيه عداد و الا عالمكاسر؟؟
عادة شنقريلا يوفر النقل من وألى المطار غريب السؤال !
عموما اذا كان النقل غير متوفر اطلبي منهم احسن لان اسعار التكاسي مش ثابته
وتعتمد احيانا ع المكاسر قصر العلم هل هو نفسه قصر السلطان قابوس وهل يمكن زياره قصر السلطان قابوس؟
قصر العلم كان هو قصر والد السلطان قابوس واعيد ترميمه في عصر السلطان قابوس

ومن ثم تحويله الى مزار سياحي ويمنع التصوير داخله

أما بخصوص قصر السلطان يسمى بيت البركه وبخصوص الزياره اذا عندكم تصريح اخذوني معاكم كم يبعد سوق مطرح و سوق السيب عن المنتجع وشنو ممكن نشوف او نشتري من هالاسواق وهل احصل للبس العماني النسائي والبرقع العماني هناك؟
نسيت أقول ان المنتجع يبعد نصف ساعه تقريبا من المطار
وان المنتجع عاده يوفر النقل لسوق مطرح وما جاوره بحكم القرب منه
عالعموم اذا ما توفرت المواصلات فسوق مطرح يبعد ربع ساعه تقريبا
ويفضل زيارته مساء والسبب حراره الجو نهارا

وبالنسبهللبس العماني اكيد متوفر بسوق مطرح والبرقع ايضا

مطاعم الوجبات التقليديه العمانيه هل فيها جلسات عائليه وشنو الافضل انا شفت مطعم بن عتيق هل هو جيد والا في افضل وللعلم احنا بنكون فقط نساء؟
نعم يوجد بها جلسات عائليه ولو كنتوا نساء فقط واعتبره الافضل من ناحيه الوجبات التقليديه وبعد مطعم العالم العربي افضل محل للحلوى العمانيه التقليديه الي تكون بطاسات وين موجود؟ قريت عن حلوى العامري بالسيب؟ هل هالمصنع جيد والا في افضل؟
العامري من المحلات المميزه في صنع الحلوي وان لم تخني الذاكره يوجد بسوق مطرح
ومصنع بركا للحلوي العمانيه ايضا
طبعا افضل انواع الحلوي العمانيه هي السلطانيه ثم الخاصه مع تفاوت السعر
اماكن سياحيه موجوده بمسقط لازم ما اطوفها؟ وانا افضل الاسواق الشعبيه او اماكن تاريخيه
دام تحبي الاماكن التاريخيه توجد حوالي 9 متاحف بالسلطنه مثل العماني الفرنسي وبيت الزبير وغيرها
ايضا توجد قلعتي الجلالي والميراني في مطرح يجب زيارتها
دار الاوبرا السلطانيه ويفضل حضور عرض
جامع السلطان قابوس بالغبره ويعد من اكبر المساجد بالعالم وهو تحفه معماريه
حديقه القرم وحديقه الريام
رحلات بحريه لمشاهده الدلافين توجد في نفس المنتجع ايضا
سد وادي ضيقه من اكبر الاماكن التي تتجمع فيها المياه
شاطي القرم وما جاوره من الكافيهات شنو ممكن اخذ صوايغ من عمان وتكون اشياء مشهوره لعمان غير الحلوى
صوايغ ما فهمتها اذا اشياء خاصه بالحريم اعذروني بس اكيد سوق مطرح يكفي بالغرض وبتلاقوا الكثير فيه
مسقط غراند مول كم يبعد عن المنتجع وهل اهوا الافضل في مسقط والا في افضل منه؟
يبعد حوالي 25 او نصف ساعه ويعد الافضل في السلطنه
ويوجد ايضا سيتي سنتر بالسيب
ومجمع البهجه
طبعا كلهم مو نفس افنيوز او 360 او المارينا اللي بالكويت بس عالاقل يختلفون واذا عندكم اي اضافه على مسقط ياريت تفيدوني فيها
اذا عندك اي استفسار لا تترددي
وشكرا لكم مقدما
عفوا عفوا حاضرين واعتذاري ع الاجابات المختصره
تحياتي

Queen DA
Queen DA
دامك صرت طيب انا بزيد بالأسئله ههه
1- انا طرشت ايميل للفندق بس ماردولي خبر واذا تعرف هل التنقل من و الى المطار مجاني والا عليه رسوم؟
2- قصر العلم جم رسوم دخوله و شنو مواعيد العمل؟
3- سوق السييب هل يستاهل الزياره والا سوق مطرح كافي وشنو في مميز في السييب غير مطرح؟
4- مصنع بركا وين صاير و يفضل اذا اتعرف الرقم او العنوان وهل يوجد مصانع حلوى نقدر ندخل ونشوف طريقه التصنيع والا مافي جذي في مسقط؟
5- المتاحف انا قررت اروح بيت البرنده و بيت الزبير اعتقد كافين لان وقتنا قصير كافين صح؟
6- قلعه الجلالي و الميراني هل موجودين في نفس المكان؟ وهل ممكن ندخلهم؟
7- مسجد السلطان قابوس نقدر ندخله والا فقط المصلى النسائي؟ لان شفت صور وحيل عجبني ادخل واشوفه
8- صوايغ يعني سوفنير (هدايا تذكاريه)
9- دار الاوبرا حلوه اروح لها بس اشوفها ما احضر عرض والا مايصير؟ لان انا ماعندي وقت اروح عروض
10- هل سامع عن الباص السياحي big bus يفر فيني في مسقط مجربه؟ انا مجربته في لندن وكان نفس الشركه وحبيته
11- السؤال الاهم نسيته شنو احسن شبكه هواتف نقاله ابي خط للايفون و الجالكسي ويكون معاه انترنت وجم الاسعار وهل في مكاتب لهم بالمطار؟
وشكرا جزيلا

OmaniHero
OmaniHero
Queen DA
عفووا جزيلا
حاضريين واي سؤال لاا تترددي بس مو 11 سؤال مره وحده ههه

Queen DA
Queen DA
ههه لازم الحريم ماينعطون وجه ههه فدامك طيب لازم استغل الطيبه
ومشكور وماقصرت واعتقد هذا اخر سؤال والله
اذا بنأجر سياره هالسياقه سهله بالسلطنه و في الليل هالسياقه آمنه لنا كنساء يعني احنا بالكثير اذا بنتأخر بليل 11 او 12

OmaniHero
OmaniHero
Queen DA
ولو ليش اخر سؤال بالعكس كنت امزح اخذي راحتج
كنت اريد اطرح نقطه استاجار سياره ومدري شو نساني
المهم اذا تأجرون سياره اعتقد يكون احسن لكم بدل التاكسي
تاخذون راحتكم 24 ساعه والخصوصيه ايضا
أما بخصوص الامان من وجهة نظري فقط القابله للتعديل انا
السياقه في مسقط امنه جدا جدا اذا حبينا نقارنها بعواصم الدول الخليجيه الاخرى
وكلامي عن تجربه يعني مو امدح عالفاضي بس
والافضل تأجرون سياره من المطار مع نفيقيشن للمتعه القصوي
شكرا
وأي استفسار انا حاضر
تحياتي

Queen DA
Queen DA
اشكرك اخوي جزيل الشكر والله ويجعله ان شاء الله في ميزان اعمالك
ههه ادري بزعجك وايد كل يوم قاعد يطلعلي اسأله
بالنسبه لسياره قررنا ناخذها من المطار حصلت سعر حلو من بدجت فان 3 ايام ب 95 ريال تقريبا
و ال GPS انا عندي بالايفون برنامج iGo وخاص لشرق الاوسط واستخدمته مرتين في قطر وكان ممتاز فما احتاج اجر مع السياره علشان جذي باخذ خط مع انترنت مع ان البرنامج اوقات يشتغل عالقمر الصناعي
السؤال الجديد سد وادي الضيقه هل يستاهل الزياره ؟ ووين يقع بالضبط
هل هذي الاحداثيات صحيحه
23°4'54"N 58°50'57"E
لان شفتها بقوقل وطلع المسافه تقريبا 100 كيلو
وشفت شغله ثانيه في خريطه ال big bus مكتوب شلالات داخل مسقط عن الطريق القريب من البرلمان وفي شغله نفس تمثال لدله قهوه هذا شنو؟
سؤال ثاني منطقه الصاروج شنو فيها هم كاتبين عنها بالخريطه وانا قريت بمنتديات ان فيها جنه مول جوهره الشاطئ صح؟ وفي شغله حاطينها بالخريطه انها بالبحر وفي مثل اسهم
ما اقدر احط رابط سوي له كوبي واذا مافتح عدل اختار مسقط وبعدين الخرايط
bigbustours.com/eng/muscat/custompage.aspx?id=tour_map
بالخريطه عند رقم 3
ومنطقه الاعمال رقم 6 شنو فيها نمر عليها والا لا
واخر شي سامع عن متحف او اعتقد غاليري بيت مزنه نزوره والا لا انا شدني الاسم ههه احب اسم مزنه

OmaniHero
OmaniHero
Queen DA
نعم موقعه مقابل بيت الزبير ومشهور بالبضائع العمانيه التقليديه وممكن شراء هدايا ولوحات فنيه منه
وسوري اذا فيه أي قصور
وانا جاهز لاي استفسار لانه ادري تبقى الكثير ههه
بالنسبه للاحداثيات برسلهم لج اذا تبيهم
شكرا

Queen DA
Queen DA
لا خلاص دام حلاته وقت المطر وبعيد نكنسله لان احنا بالاساس اول يوم وصول رايح علينا لان راح نوصل الساعه 7 وفكرت بالجدول هذا
يوم الوصول: نقضي الليل في سوق وكورنيش مطرح او نتعرف عالفندق بس اتوقع في وقت للاثنين ههه وهم حاطه بالجدول شارع قرم ونتعشى في مطعم le mer اذا في وقت ههه وايد اشياء مايمدي صح ؟؟
اليوم الثاني: الصباح اتوقع كله بالبحر وبعد العصر حطيت الآتي بس هم احس وايد اشياء مسجد السلطان قابوس - الاوبرا - فندق تشيدي - مسقط غراند مول - مول جوهره الشاطئ (بشوف محل معين هناك) طبعا الترتيب مو شرط نفسه حسب الوضع بس حابه اشوفهم كلهم خصوصا فندق تشيدي
او ناخذ الباص مادري انا احس احنا بروحنا بالسياره اونس من الباص
اليوم الثالث: نفس الشي الصباح فعاليات بالبحر وبعد العصر منطقه قصر العلم ندخل القصر نشوفه وبعدها المتاحف بيت الزبير والبرنده والقلاع (الجلالي و الميراني) واتوقع يمدينا نقضي الليل في منطقه سوق مطرح
اليوم الاخير: طبعا اذا يمدي نقضي الوقت الصباح بالبحر هم بنروح البحر ههه او نروح منطقه البركاء للحلوى وبعدها مادري
اذا كان عاجبنا شي نرجعله او انا بعد حاطه بالجدول ابي اشوف فندق الرتز و غراند حياهوطيارتنا بتكون عالساعه 7 تقريبا بس لازم نروح من ال 5
شرايك؟


خصم يصل إلى 25%