بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



TARZAN TARZAN
اربع ليالي في ضيافه ماريا وبرونو::: تجربه سكن مع ( عائلة) سويسريه في انترلاكن
14-12-2014 - 02:17 pm

الفكره بداية تبلورت بسبب الحاجه لسكن واسع ومعقول السعر في سويسرا
تعرفون فنادقهم صغيره الغرف بالنسبه للعائلة الخليجيه والعربيه بشكل عام
واي طفل محسوب عليك نومه وفطوره لدرجه انك ممكن تدفع 50% زيادة على السعر لاطفال اقل من 10 سنوات
وهذا الشي غير موجود في فنادقنا وحتى شرق اسيا بشكل عام الاطفال مجاني الى 12 سنه

نجي للبدايه قبل 7 شهور واثناء التخطيط والبحث
دخلت على موقع اسمه فيكيشن ابارتمنت
اعجبني موقع السكن وقربه من سنتر انترلاكن ( 3 كم)
وقريت بعض الردود على قلتها
والسعر كان حليو (668 فرنك ل 4 ليالي)
فحجزت ووصلني ايميل من راعيه الحلال
ترحب فينا وتشوف كم العدد وهل نحتاج شي معين

الغريب لمن كتبت لها عن طريقه الدفعه المقدمه لتأكيد الحجز
ردت علي مايحتاج !!!!
انا تفشلت من ورا الجهاز
وزين انها ما حست بالفشله
الحين الحرمه ترحب فيك ترد عليها بطاري فلوس وتحويل وتأكيد حجز؟ !
خلاص عطتك التأكيد من راسها بنت الاجاويد

الفشله الثانيه امس لمن استقبلتنا ورتنا الشقه
جا طرزان كعادته في حسم الامور وقال: تبين ادفع الحين ماعندي مشكله
قالت وبحركه من يدها : لا لا مو لازم الحين
لو تبي تدفع قبل لا تمشي اخر يوم ما عندك مشكله

وبعدين مع الثقه الزايده؟
تبي احد يسحب عليها حتى تبطل حركات

انا اكتشفت امس ان البيت بيتها
من جد

هي الكل بالكل وخل عنك برونو شكلها ماخذته محرم
والله انها اللي استقبلت وهي اللي رحبت فينا

المهم ان العائلة ( الكريمه) مكونه من ماريا السويسريه
وبرونو
واثنين كلاب الله يعزكم

بس خلاص

مافي عيال ولا وجع راس

واصلا مابينهم زواج هالاثنين عايشين مع بعض من 20 سنه بدون ورقه
يعني لا تأكيد حجز
ولا تأكيد علاقه زوجيه
ولا في اي شي اكيد مع البشريه ذول

:::
انا بروح اغفي شوي وبكمل

لاتروحون بعيد ترا صورت الشقه والنهر اللي وراها مباشره
ان شاء الله الموضوع مايخلى من بعض الصور





المشاركات

الحوسني الحوسني
اربع ليالي في ضيافه ماريا وبرونو::: تجربه سكن مع ( عائلة) سويسريه في انترلاكن



المهم ان العائلة ( الكريمه) مكونه من ماريا السويسريه
وبرونو

ههههههههههههههههههههه
يعطيك العافية لنقلك لنا تجربتك السكن وياليت تكون في صور واسم او عنوان الشقة وحتى يستفيد منها اعضاء المنتدى اللي خاطره يسوي نفس التجربة وانا شخصيا تحمست ،،، البيت كم غرفة فيه والعائلة تسكن وياك بنفس البيت او لها جناح خاص فيها؟


كوتي كوتي
اربع ليالي في ضيافه ماريا وبرونو::: تجربه سكن مع ( عائلة) سويسريه في انترلاكن


ياخي يازين الثقه حتى زوجهم بالثقه
ماشاء عليك عليك طرزان تحب الفشيله
الله لا يضرك مبين على سفرتك مرتبه ومتكتكه صح
الله يهنيك ويسعدك ويوفقك ويسهل أمرك
وننتظر الصور


شارلوك هولمز شارلوك هولمز
اربع ليالي في ضيافه ماريا وبرونو::: تجربه سكن مع ( عائلة) سويسريه في انترلاكن


طرزان صدق
بداية رائعة .. مسنتر هناااااا واكيد بانتظار الصور

هولمز


رعبــوب رعبــوب
اربع ليالي في ضيافه ماريا وبرونو::: تجربه سكن مع ( عائلة) سويسريه في انترلاكن


بنتظااااااارك يا عم طرزان بس جلات الموضوع حامي حامي لا يبرد


TARZAN TARZAN
اربع ليالي في ضيافه ماريا وبرونو::: تجربه سكن مع ( عائلة) سويسريه في انترلاكن


حياكم الله
السكن عباره عن بيت مقسم 3 ادوار
اسم البيت Magnolia
اسم صاحبة البيت Maria Gisler
هذي الاحداثيه
46.660368
7.867928
wilderswil
العائله الكريمه ساكنين بالدور الارضي
ومأجرين الدورين اللي فوق
الدور الاول اللي ساكنين فيه مرتب ومجهز للاقامات الطويله والطبخ والنفخ
مكون من صاله كبيره وبلكونه
ومطبخ مفتوح مع طاوله طعام
وغرفتين نوم
وحمام واحد تكرمون
الشاور وقافي والكرسي بدون شطاف

الدور شرح ومريح للعين
والسرير مريح

والشبابيك في كل الغرف تطل على جبل او نهر

المشكله الارضيات بعضها خشب وبعضها باركيه تسمع اي خطوه سواء فوقك او تحتك

بعد شوي برفع الصور


TARZAN TARZAN
اربع ليالي في ضيافه ماريا وبرونو::: تجربه سكن مع ( عائلة) سويسريه في انترلاكن






















Bless this House with Love & Laughter

لا والله باركنا البيت بسورة البقره


فيصل فيصل
اربع ليالي في ضيافه ماريا وبرونو::: تجربه سكن مع ( عائلة) سويسريه في انترلاكن


الله يجزاكم خير ويثيبكم يا شيخ علي المباركه
يا اخي ما الومك انت تبي تدفع وتفتك وهي واثقه فيك
ما تذمروا من ربشه البزران وتحركهم
اخبر ذا العوائل يهجدون من 10 هل بعدها ينزعجون ام مخلينكم علي راحتكم


مــــــــــسافر على طول مــــــــــسافر على طول
اربع ليالي في ضيافه ماريا وبرونو::: تجربه سكن مع ( عائلة) سويسريه في انترلاكن


روعه الله يعطيك الف عافية


TARZAN TARZAN
اربع ليالي في ضيافه ماريا وبرونو::: تجربه سكن مع ( عائلة) سويسريه في انترلاكن


ياشباب الصور باينه والا انا بس انا اشوفها

فيصل حنا اللي نمشيهم على نظامنا صح والا لا
اما هالعائله المكونه من نفرين لاتخاف عليهم يسهرون ل12 في بلكونتهم ماتشوف الا قوة قرقعه شراب ودخان
لاتشيل هم ترا عايشين



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

اربع ليالي في ضيافه ماريا وبرونو::: تجربه سكن مع ( عائلة) سويسريه في انترلاكن