سويسرا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
TARZAN
14-12-2022 - 02:17 pm
الفكره بداية تبلورت بسبب الحاجه لسكن واسع ومعقول السعر في سويسرا
تعرفون فنادقهم صغيره الغرف بالنسبه للعائلة الخليجيه والعربيه بشكل عام
واي طفل محسوب عليك نومه وفطوره لدرجه انك ممكن تدفع 50% زيادة على السعر لاطفال اقل من 10 سنوات
وهذا الشي غير موجود في فنادقنا وحتى شرق اسيا بشكل عام الاطفال مجاني الى 12 سنه
نجي للبدايه قبل 7 شهور واثناء التخطيط والبحث
دخلت على موقع اسمه فيكيشن ابارتمنت
اعجبني موقع السكن وقربه من سنتر انترلاكن ( 3 كم)
وقريت بعض الردود على قلتها
والسعر كان حليو (668 فرنك ل 4 ليالي)
فحجزت ووصلني ايميل من راعيه الحلال
ترحب فينا وتشوف كم العدد وهل نحتاج شي معين
الغريب لمن كتبت لها عن طريقه الدفعه المقدمه لتأكيد الحجز
ردت علي مايحتاج !!!!
انا تفشلت من ورا الجهاز
وزين انها ما حست بالفشله
الحين الحرمه ترحب فيك ترد عليها بطاري فلوس وتحويل وتأكيد حجز؟ !
خلاص عطتك التأكيد من راسها بنت الاجاويد
الفشله الثانيه امس لمن استقبلتنا ورتنا الشقه
جا طرزان كعادته في حسم الامور وقال: تبين ادفع الحين ماعندي مشكله
قالت وبحركه من يدها : لا لا مو لازم الحين
لو تبي تدفع قبل لا تمشي اخر يوم ما عندك مشكله
وبعدين مع الثقه الزايده؟
تبي احد يسحب عليها حتى تبطل حركات
انا اكتشفت امس ان البيت بيتها
من جد
هي الكل بالكل وخل عنك برونو شكلها ماخذته محرم
والله انها اللي استقبلت وهي اللي رحبت فينا
المهم ان العائلة ( الكريمه) مكونه من ماريا السويسريه
وبرونو
واثنين كلاب الله يعزكم
بس خلاص
مافي عيال ولا وجع راس
واصلا مابينهم زواج هالاثنين عايشين مع بعض من 20 سنه بدون ورقه
يعني لا تأكيد حجز
ولا تأكيد علاقه زوجيه
ولا في اي شي اكيد مع البشريه ذول
:::
انا بروح اغفي شوي وبكمل
لاتروحون بعيد ترا صورت الشقه والنهر اللي وراها مباشره
ان شاء الله الموضوع مايخلى من بعض الصور


التعليقات (9)
الحوسني
الحوسني
المهم ان العائلة ( الكريمه) مكونه من ماريا السويسريه
وبرونو
ههه
يعطيك العافية لنقلك لنا تجربتك السكن وياليت تكون في صور واسم او عنوان الشقة وحتى يستفيد منها اعضاء المنتدى اللي خاطره يسوي نفس التجربة وانا شخصيا تحمست ،،، البيت كم غرفة فيه والعائلة تسكن وياك بنفس البيت او لها جناح خاص فيها؟

كوتي
كوتي
ياخي يازين الثقه حتى زوجهم بالثقه
ماشاء عليك عليك طرزان تحب الفشيله
الله لا يضرك مبين على سفرتك مرتبه ومتكتكه صح
الله يهنيك ويسعدك ويوفقك ويسهل أمرك
وننتظر الصور

شارلوك هولمز
شارلوك هولمز
طرزان صدق
بداية رائعة .. مسنتر هنا واكيد بانتظار الصور
هولمز

رعبــوب
رعبــوب
بنتظارك يا عم طرزان بس جلات الموضوع حامي حامي لا يبرد

TARZAN
TARZAN
حياكم الله
السكن عباره عن بيت مقسم 3 ادوار
اسم البيت Magnolia
اسم صاحبة البيت Maria Gisler
هذي الاحداثيه
6-660368
7.867928
wilderswil
العائله الكريمه ساكنين بالدور الارضي
ومأجرين الدورين اللي فوق
الدور الاول اللي ساكنين فيه مرتب ومجهز للاقامات الطويله والطبخ والنفخ
مكون من صاله كبيره وبلكونه
ومطبخ مفتوح مع طاوله طعام
وغرفتين نوم
وحمام واحد تكرمون
الشاور وقافي والكرسي بدون شطاف
الدور شرح ومريح للعين
والسرير مريح
والشبابيك في كل الغرف تطل على جبل او نهر
المشكله الارضيات بعضها خشب وبعضها باركيه تسمع اي خطوه سواء فوقك او تحتك
بعد شوي برفع الصور

TARZAN
TARZAN

Bless this House with Love & Laughter
لا والله باركنا البيت بسورة البقره

فيصل
فيصل
الله يجزاكم خير ويثيبكم يا شيخ علي المباركه
يا اخي ما الومك انت تبي تدفع وتفتك وهي واثقه فيك
ما تذمروا من ربشه البزران وتحركهم
اخبر ذا العوائل يهجدون من 10 هل بعدها ينزعجون ام مخلينكم علي راحتكم

مــــــــــسافر على طول
مــــــــــسافر على طول
روعه الله يعطيك الف عافية

TARZAN
TARZAN
ياشباب الصور باينه والا انا بس انا اشوفها
فيصل حنا اللي نمشيهم على نظامنا صح والا لا
اما هالعائله المكونه من نفرين لاتخاف عليهم يسهرون ل12 في بلكونتهم ماتشوف الا قوة قرقعه شراب ودخان
لاتشيل هم ترا عايشين


خصم يصل إلى 25%