البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
توبليرون
18-12-2022 - 05:40 pm
سفرة النحشة
الام والابو
السلام عليكم
تقريري اليوم عن زيارتي للبحرين هروبا
من مشاغل وضغوطات الحياة والتعب النفسي لابو العيال ربي يقوم امه وابوه بالسلامه
في يوم الاحد 2/6
وانا قاعدة اتغدى ووقت دخول صلاة العصر
قال لي ابو حسين بروح اصلي والاقيج مزهبة لنا جنطة صغيرة
بنروح البحرين انا وانتي
قلت له العيال اللي نايم بعد تعب الدوام
واللي طالع
قال خليهم لا يدرون امشي
قلت له اتصل عليهم قال لا لا
المهم بعد الغدا رحت زهبت جنطتنا ونزلت احرامات لابوحسين
يقول يمكن نروح العمرة
من هناك
والا غنومة تطيح علي ههه
قلت لها غنومة بنروح البحرين تيين معانا
قالت لا لا
قلت لها عيل لا تعلمين احد الا لما يقعدون من النوم
واذا سالوج
طبعا الحين محد يدري الا غنومه والخدم
طلعنا الساعه 4وربع من البيت
وهذه الكاميرا تربعت في المقدمه

ومشينا بشوارع الكويت في الاتجاه للنويصيب

كان الجو..... ( إغبقه )...ههه يعني إغبرة

ووصلنا الحدود تقريبا الساعه 5
لاحظو ان ابوحسين ما يحب يسرع وماخذينها على الراحة

ماكان زحمة والسيارات شوية

ووصلنا الحدود السعودية

طلعنا منهم 5وعشر دقايق
يعني سهالة ما تاخرنا ابد لا بالحدود الكويتيه ولا السعودية
وعبينا بنزين من اول محطة بعد الحدود
ومشينا

بعد هذه الاستراحة ومحطة البنزين ما تجييك استراحات على اليمين
الا قريب الدمام
بس في السايد الثاني شفنا كذا وحدة

وعقب ما صورت جم صورة وسوالف
مع ابو حسين
طلعت ايبادي والعب لعبة المطعم
قبل العبها بالايفون كله ما اشوف
الايباد احسن اكبر واوضح ههه
استغليت الوقت مع السوالف
ووصلنا اللوحة اللي تقول لنا يلا قربتوا من البحرين

ودخلنا الجسر
20ريال صح

وشوفو الزحمة الحين

قال ابوحسين ليش زحمة ماكو دوامات شنو؟؟
قلت له لا يابوحسين السعوديين عطلوا يا بختهم احنا عيالنا الى 7/7
قبل رمضان بثلاثة ايام

ووصلنا على موعد أذان العشاء
نزلنا نريح ونصلي

ودخلنا البحرين

رحنا كمبينسكي
لان اخر تقرير كان يشوق عنه
رحنا والا مافي ولا غرفة فاضية الا غرفة
صغيرة سألناها نشوف الغرفة ما رضت الموظفة
تقول بعد الساعة ثمان ما في مشاهدة غرف شنو هالنظام ؟؟؟؟؟

عاد احنا قلنا خليها لج وطلعنا
طلعنا والا بوجهي اليت جراند
قلت لابو حسين يلا خل نشوفه دامنا تعبانين
رحنا وحصلنا غرفة سعرها 75 وقال لها ابو حسين
مافي ديسكاونت
قالت له بسرعه 55 طبعاا مع الافطار والانترنت
لازم نضيع اللفة اول شي ههه
بس عجبتني هالافته عند الاشارة
رمي الاوساخ مخالفة عشرة دنانير

وهذه صور حطيتها بالانستغرام
للي فات

انتظروني في الجزء الثاني
بأبدأ فيه الحين
تابعوني


التعليقات (8)
ارمـــ ARMANI ـــاني
ارمـــ ARMANI ـــاني
وعليكم السلام ورحمة الله وبركاتة
ياسلام عليك اختي توبليرون
بداية موفقة وقوية جداً
اولاً حمدلله على سلامة والدين ابو حسين والله يقومهم بالسلامة ويعافييهم
ثانياً ههه عجبتني اسم الرحلة خ
اها اجل طاحت عليكم غنومة هع هع هع صادوه
تبون تنحاشون عن العيال
الحو هاليومين اغبقة

Usas
Usas
الحمد لله على السلامة ام يوسف
هذي السفرات السكاتية
الصورة هذي اتوقع للطريق الجديد بين الصباحية والفحيحيل

الله يقوم مرضاكم بالسلامة , آمين
متابعين ,,,

زائر
ارم armani اني
إغبقة ....في شاب كان بالجمارك الكويتية
قبل سنة رايحين الخفجي وهو مسكر الشباك للكابينه اللي مرينا عليها
ورجعنا له الكابين الثاني
يوم سالناه ليش مسكر الشباك قال :
تدوون بعد إغبقة
بهاللحظة انا سمعت وسكت وزوجة اخوي بس سكر الشباك اخوي قالت مدام إغبقة سامحناك...... متنا من الضحك وصار كلامنا
بين كلمة وكلمة إغبقة
حياك الله

زائر
Usas
هذي السفرات السكاتية
الله يسلمك اخوي بوعبدالله
اي ههه وفجأة احلى شي
الصورة هذي اتوقع للطريق الجديد بين الصباحية والفحيحيل

صحيح بين المنقف والصباحية
وفحيحيل
الله يقوم مرضاكم بالسلامة , آمين
متابعين ,,,
الله يسلمك ويسلم احبابك يارب
حيااك الله

زائر
REMAS100
الشكر موصول لك لمرورك العطر اخي الكريم
حيااك الله

زائر
السلام عليكم
الجزء الثاني
الحين وصلنا الفندق وهذه صور
خاصة فيه

مقابل بوابة الفندق
أهلا وسهلا

الجلسا ت في اللوبي كثيرة وحلووة

ضيافة الفندق

هذي طاولات المطعم

وهذا اسم المطعم

وانا ماخذه راحتي بالتصوير
وكان التصوير من ثاني دخلتنا للفندق وكان اللوبي فاضي
وهني ابو حسين ينطرني خ

وللحين اصور ههه

وللحين اصور

اخر صورة للوبي من كاميرة كانون
يعني يمكن احط صور بعد
المهم هذا جلسات مقابل المصاعد

المصاعد

والمطل من المصعد
سيارتنا اللي مو واقفة عدل

الممرات للغرف

ههه رجعت لكم تحت اللوبي
بس لان هذه صور الجالاكسي س 4
ولازم نجربها بالسفر

الممر مرة ثانية

وغرفتنا بالطابق الثامن

وهذه اول ما دخلت الغرفة
طلعت استديو
مطبخ
صالة
غرفة
وتكرمون حماميين
المطبخ على يمين المدخل

هذا الحمام الرئيسي داخل الغرفة
هديت تصوير الصاله والمطبخ
ورحت اصور داخل قبل لا يستخدمه البابا
كل شي موجود فيه ونطيف ومرتب

غرفة النوم

نرجع برة

كنب الصالة

حمام الصاله

باب الاستديو

مطل الغرفة على سيتي سنتر

ونحن هناا


زائر
ريحنا لنا بالفندق جذيه ساعه تقريبا
وبدلنا وطلعنا ندور العشى
يعنا قلت له اشرايك بالسيف
بغينا نروح مطعم ليلى
بس مالي خلق المشويات

دخلنا السيف والا المحلات مسكرة
وسألنا الامن قال ان السوق يسكر ابوابه الساعه وحدة
اشرت له على بوابتنا قال الساعه وحدة
اذا تعرفون بوابتنا اللي تكون اخر وحدة قريبة من شيليز
دخلنا ورحنا سيدا للفورد كورت والا مطعم ابوحسين المفضل
بوجهنا
قلت له يلا قال يلا
والا مسكرين الباب على النص الساعه 10ونص

سالناهم في امكانية نتعشى
قال اي بس
راح نسكر ونشيل الاطباق الساعه 11 ونخلي علشانكم لل11 وربع
قلنا اوكي وسيدا على البوفيه
مافي اتيكيت تاخذ سلطة وبعدين تقوم تاخذ الطبق الرئيسي
والا الشوربة
كله مرة وحدة .....انا من النوع اللي احب السلطة
على طول عندي
والمطعم كان فيه زباين
وهذا صحني
والله المعكرونه والاسباجتي لذييذة

صحني الثاني
يوعانه قولو ما شاءالله

وسلطتي

والأهم......واذا خلص يزيدونه

بوحسين خلص وانا للحين لسه بادية خ
ما ياكل وايد ليش؟؟

والحلو
طبعاا ابوحسين عجبته الالبة على المانجا
قال ام حسين تعرفين تسوينها
قلت له اي بس نروح الكويت اسوي لك افا عليك
شيبيلها البه وفوقها المانجا مثل رمضان ههه
وليومكم ما سويتها مالي خلق
وبعدين ما عندي فانيلا
ههه عذر

وهني بدوا يشيلوون بعد ما سالوني
اذا ابي شي بعد
ما شاءالله ذووق

وسكرنا المطعم ورانا
وحسابنا تقريبا 13 دينار

السيف فاضي

طلعنا نتمشى بشوارع المنامة ما بعدنا

باب البحرين

الشوارع فاضية
بسبب الامتحانات عندهم واحنا ببداية الاسبوع
فطبيعي تكون فاضية

ورجعنا الفندق للنوم والراحة
بعد دووخة السيارة
وهذه صور الانستغرام عن العشا

اقول لكم
يمكن اطول بالجزء الياي يومين
تعرفون الويك اند مافي مجال
للكتابة
انتظروني
ولاتنسون

فيصل
فيصل
احلا نحشه
قلوبكم قويه
الخصم علي طول 20 دينار حبوبين


خصم يصل إلى 25%