1. أما أنا شنطة و كذلك الطفل شنطة


2. ف خليته ياخذ شنطة اضافية للمشتريات و قللت الملابس قدر الإمكان ..

السفرة
الذهاب للمطار :
الساعة 9م تم نقلنا من الدمام إلى مطار البحرين عن طريق سيارة من الشركة و بما إن زوجي على البزنس ف مسموح له يحمل 3 شنط

أما أنا شنطة و كذلك الطفل شنطة

ف خليته ياخذ شنطة اضافية للمشتريات و قللت الملابس قدر الإمكان ..

دخلنا قاعة البزنس لشحن الشنط ثم إلى قاعة الجلوس و رفضوا أن أرافق زوجي لاني مو على نفس الدرجة ( إلا ) إن كان يحمل بطاقة من إحدى البطاقات المتواجدة على لائحة عندهم من بينها ( أمريكان اكسبريس ) و هي عند زوجي بس ما جابها لان حسب كلامه ما استفاد منها و ما كان يحملها و راحت علينا ودعته و خليته يتدلع و يتقهوى هناك و رحت عند البوابة مع طفلي و هاتك يا نومة الين صحاني أحد الموظفين ههه يا فشلتي و قال تفتيش و طلعنا و فتشونا و رجعنا و شويات و جا موعد صعود الطايرة و صعدنا طبعا رحلتنا الساعة 1ص
طبعا ما شاء الله كراسي البزنس حلوة مرة فعلا بزنس بزنس مو بزنس الخطوط السعودية و على قولة أخوي كلها كرسي أوسع و حبة تمر و قهوة ههه
رحت مكاني في الايكونمي و بعد الاقلاع جابوا كرسي البيبي ،، و قلت لزوجي طل علي كل شوي و ما شاء الله سحبها نومة و أنا تعبت ما عرفت أنام و البيبي يبكي شويات
كانوا يوزعوا سناك بين فترة و فترة ما عجبني شي غير الكتكات هو اللي قدرت أبلعه
و بعد الهبوط كان كل شي حلو و منظم حتى اللي يختم ع الجوازات مفرفش معنا و بعد ما سألني ليش جاية و كذا قال لي ها مستعدة للشوبينق ههه
جمعنا عفشنا و لقينا السواق بانتظارنا على التايم و حبوب و مؤدب اسمه ياسين
طبعا ما رضى الفندق يسوون شيك ان قبل 12 بس حطينا الشنط عندهم و طلعنا نتمشى
اقنعت زوجي نشتري شرايح 3g على مدح احلى واحد بالحارة و ابو عبداللهاشتريناها من ماركت جنب محطة ماربل ارش , ب 2 باوند
و شحن ب15 باوند
و بالفعل رائعة و فعلنا باقة 15 باوند انترنت غير محدود و 300 دقيقة مجانية و 300 مسج
خصوصا ما راح نكلم دولي أبداً
أما الصوت في الاتصال بيننا نقي جدا و واضح كأن زوجي واقف عندي و يكلمني ..
و الشي الثاني اقنعته ناخذ اويستر الاسبوعية و هي بطاقة لاستخدام للانرقراوند و الباص في زون 1 و 2 لمدة اسبوع تردد زوجي الين اقتنع أخيراً و أخذنا الوحدة ب37 باوند من محطة الماربل آرش
و لما جينا نسافر رجعناها و رجعوا لنا 3 باوند على كل بطاقة و قلت له انه ممكن لو متبقي شي في البطاقة بيرجعوه لك لو طلبته و بالفعل تم استرجاع 99 بنس تقريبا هي كانت متبقية في البطاقة
للأسف واجهتني مشكلة أن المحطات غير مجهزة بالمصاعد كما ذكر البعض ان ما اشيل هم لانها مجهزة خصوصا الماربل آرش و هي نقطة انطلاقي الدائمة صرت أركب الباص و بالفعل هو أفضل لأني أتفرج على لندن و شوارعها و مجهز بمكان لعربية الطفل و سهل علي فهمه و أأمن من الاندرقراوند ،، بس يعيبه البطيء لما اكون مستعجلة ، و الا بأغلب الأوقات مستمتعة حتى في الزحمة و الاشارات لان ما وراي شي

لما وصلنا كنا حاجزين البيق باص عن طريق موقعهم و كان السعر مخفض شوي و انطلقنا من جنب محطة الماربل ارش هذي نقطة مهمة للي أول مرة يروحون , بما إن الماربل آرش معلم ف أكيد بيكون في موقف خاص ( للبيق باص تقدر تنطلق منه ) و الجولة كانت رائعة بس قصيرة لأننا مرهقين
هنا مرينا السبيكر كورنر الشهير
و اللقطة الرائعة كانت ع اليمين واحد يتكلم عن الإسلام و ع اليسار يتكلم عن النصرانية
و الحمدلله شوفوا الأغلبية فين كانوا مع انه الغالبية يسمعوا باستهزاء لكن لو كان ديننا يثير فضولهم ما وقفوا يسمعوا
مرينا البيق بين و لندن آي
خلينا أول يوم بيق باص لأن ويكند و اليوم اللي بعده إلى يوم السفر زوجي بيكون في الكورس ,,
و أكيد رجعنا مرهقين , بالإضافة كان في منطقة مغلقة و شفناها من وقت الحجز و هي شارع الريجنت بيكون مقفل في هذا اليوم من تقاطع الاكسفورد للبكاديللي لأنه في مهرجان و ما راح يمر منه البيق باص , ف كان عادي لأننا راح نزورها مشياً فيما بعد
تغدينا في المطعم الايراني و اللي مدحه الكثير بوتاغ في الاجوار رود و كان حلو و عجبني الكباب أكثر على قولة أبو عبدالله هنا بالمنتدى (لذيذ مع عصرة ليمون ) ههه
رحنا تمشينا في الريجنت ستريت
و إحنا راجعين من خلال الاكسفورد اشترينا فراولة
وصلنا للفندق ريحنا شوية بعد ما عملنا شيك إن
هذي صور نفس غرفتنا بس من النت .. لأني ما صورتها

بعدها طلعنا تعشينا شاورما رنوش بالاجوارد
و كانت بالنسبة لي ( تنأكل )أعتقد كانت ب4 أو 6 باوند شي زي كذا
شوفوا كيف مليانة
و انتهى اليوم الأول

1. دخلته على اساس بتفرج اولا بس ما قدرت


2. اشتريت أول مرة بحوالي 175 باوند

اليوم الثاني
الصباح فطرنا عند الشيشاوي بالاجوارد رود ,, مرة يجنن الفول و الطعمية
و راح زوجي الكورس و أنا بكل لهفة جري ع الاوكسفورد و بريمارك الوحبد اللي يفتح قبل السوق كله 8 ص

دخلته على اساس بتفرج اولا بس ما قدرت

صراحة قطنياته عجيبة خصوصا ملابس البيت صرت آخذ من رخص السعر و اللي يقول الخامة مو زينة أنا أقوله ( إنت ما تنقيت شي عدل ) لان في الزين و في الشين و الشاطر بيفرق بينهم ،، بالنسبة لي كان جدا واضح نوع القماش اللي يهريه الغسيل و يشهب و النوع الزين

اشتريت أول مرة بحوالي 175 باوند

و رحت اريح شوي بالغرفة لأن الفندق جدا قريب من بريمارك و احط الأغراض و اغير للبيبي ، و آخذ فلوس من الخزنة لان ضروري ما يحمل الواحد كاش كثير
تمشيت و دخلت أماكن كثيرة كنت كاتبتها في اللستة , و اشتريت من نكست و H&M و سوبر درقز و بوتس ,,, بالنسبة للحريم لا تفوتون سوبر درقز زي بوتس بس المكياج فيها أكثر و أحلى و عطورات نكست حلوة و تصلح هدايا,, و بالطبع كنت أجمع الفواتير عشان آخر يوم للتاكس فري
ريحت في الفندق بعد كذا إلين رجع زوجي بالعصر ,,, و طلعنا الهايد بارك
و تمشينا بالنايتسبريدج و أكيد مرينا هارودز
و رحت دز ع كوفي شوب عشان أجرب الهوت شوكليت
تقدم في فناجين الاسبريسو هي عبارة عن تشوكليت ذايب ,, مرة حلو بس يبي لك تصوم بعده من ثقله ههه و طلبنا معه فوندو ,,,
و انتهى اليوم الثاني

1. اليوم الثالث


2. و بس رجعت الفندق ع الساعة 3

اليوم الثالث

زوجي أصر يفطر عند مطعم مريناه اليوم الماضي أعتقد اسمه مراحب بالاجوارد و كنت أقول له نفطر في محل للوافل , بس أصر على هذا المطعم مع إنه شكله جداً ما يحمس و قبل لا يوصل الطلب أنا طلعت أبي أدخل بريمارك بدري مثل أمس لأن فعلا استمتعت بالهدوء ,, و شريت أشياء لي و هدايا و برضو طلعت بحسبة فوق ال100 باوند نزلت الأغراض بالفندق و ريحت و طلعت
مريت على ستاربكس في الاوكسفورد ( دورت عليه بالتطبيق اللي ذكرته ) و فعلاً وصلني إلى عنده ,, أخذت وايت موكا المفضل عندي و و رحت لمحل وافل معروف ( Pure waffel ) بالاكسفورد بعد اديداس نلف يمين و نلقاه بعد محلين تقريباً
و مرة لذيذ الوافل تبعه تقريباً ما بين 4 و 6 باوند حسب الإضافات كريمة و فراولة و صوص تشوكليت إلخخ
و كلمني زوجي و قال إن الفلافل اللي طلبها جداً سيئة , مجرد قطعتين فلافل ملفوفة بالخبز و تكلم معهم أيش هذا ؟ حتى صاحب المحل قال لو ما تبي تحاسب لا تحاسب ههه ... بس طبعاً دفع الحساب و ما عاد مريناه بعد كذا ..
أنا عن نفسي خلصت من الوافل و بدأت مغامراتي مع الباص الأحمر .. قررت أروح الشبردبوش
فيها سوق شعبي و رخيص جداً جداً بس ما عجبني شي هالمرة ,,
و طلعت منه و رحت الويستفيلد مول قريب جداً من شبردبوش ماركت حلو و كبير تعبت مرة
يا دوب دخلت كم محل ,, و دخلت بوتس فيه مرة كبير و اشتريت شوية حاجات
ما قدرت أطول تعبت ,,,
و بس مريت فلافل زينه مقابل دبنهامز في الاكسفورد و كانت حليوة
من الشكل نظيفة و مرتبة , بس ضايفين نكههة ما عرفتها كانت مخربة الطعم

و بس رجعت الفندق ع الساعة 3

كنت لا رحت مكان ,, أرسل لزوجي اللوكيشن تبعي عشان يتطمن .. من جد هالتقنيات سوت فينا خير
طبعاً جدول الرحلة كله عندي و خططت لأغلب الأشياء و زوجي الله يعطيه العافية اعتمد علي لأنه يعرف إني أحب أرتب و أخطط و كان مبسووط مرة ,, و كان يرجع من الكورس و يقول ها وين نروح اليوم .. و أطلع اللستة حقتي ههه
طبعاً رجع العصر ,,, و قلت له أبي أروح الويستفيلد مول اللي سترادفورد منطقة شوي بعيدة ... و هذا يعتبر فرع ثاني للي في شبردبوش
و حسب ما قرأت كان اللي في شبردبوش يعتبر أكبر مول بأوربا , حتى فتحوا اللي بسترادفورد و صار هو الأكبر ....
و رحنا بالاندرقراوند و شوي تعبنا مع عربية البيبي
و صلنا و كان المول يطل ع المحطة مباشرة حتى في مدخل مباشر من المحطة للمجمع
فرينا فيه شوي و اشتريت من كم محل هناك و أنا اهتميت أروح بعد لأن في فرع ثاني لبريمارك ,,, ما طولت فيه لأن زحمة ... و أنا طالعة .. شفت محل سكيتشرز للأحذية جاتني الصيحة من أول تعبتني جز
متي و إنتوا بكرامة مع إنها من ماركة ألمانية معروفة اسمها ريكر ,, بس يمكن انتهى عمرها الافتراضي ... طبعاً سكيتشرز هو محلي المفضل حتى مرة كنا بدبي و خليت زوجي يشتري منه ,, و إحنا بالمحل بعد ما حاسب حط القديمة في الكرتون و كمل بالجديدة من قوة الراحة ههه ... و هذا الشي رجع تكرر معي لما اشتريت جديدة حطيت القديمة بالكرتون و كملت ... ههه ... و طبعاً هذا الفرع الوحيد اللي قابلني في رحلتي كلها و لا بحثت عن غيره مع إني متأكدة إن فيه غيره ..
كان في جهة المطاعم بوستفيلد .. مطعم هندي حلال و شكله مشهي ,, قلت له خلنا نجرب مطعم خان في الكوينزواي .. و بالفعل طلعنا بالاندرقراوند متجهين للكوينز واي
و استخدمت التطبيق و وصلنا للمطعم .. كان الاكل لذيذ و الاسعار ما تتعدا 7 باوند للطبق
و رجعنا للفندق

1. اليوم الرابع


2. الشقة أتعب أقول نظيفة و كل أثاثها من ايكيا من أصغر شي إلى أكبر شي


3. و هذا المندي

اليوم الرابع

انطلقت للافطار في محل الوافل , لكن للأسف فتح متأخر جداً و هو يفتح 9:30 و انتظرت كثير ,, و بعد ما خلصت ,, بدأ البحث عن محل للشاي ,, عنده أنواع كثيرة للشاي و طعم و رخيص يبيع زهر الشاي الأبيض و هي عبارة عن ( كرة ) لما تنحط بالماء الحار تتفتح على شكل زهرة و تطعم بطعم الشاي ,, و كمان المحل يبيع الأواني الزجاجية الشفافة الخاصة به ,, و للأسف تابعت الموضوع على النت و طلع إن المحل مغلق و فتح مكانه صب واي بالاكسفورد مثل اللي بالصورة ( من النت )

عجبني لأنه رخيص و كنت أبغاه للهدايا .. و جرى البحص عن محل مشابه و ما كان فيه غير بهارفي نيكلز مع إن توقعاتي بيكون أغلى ,, بس قلت لزوره بعدين
و رجعت بدري هالمرة على 10ص لأن بنسوي شيك أوت الساعة 1 و نروح للشقة اللي حجزناها في الاجوار رود ,,, و كان هذامجرد حب في التغيير و كلفنا الثيستل و الشقة لمدة 7 أيام
7آلاف ريال و شوي .. لا تنسون كل أسعارنا فندق و تذاكر لأننا رحنا بوقت لو سيزون
رحت بدري أرتب الأغراض و أجمعها ,, خصوصاً أنا من أول ما أدخل الفندق أرتب كل الأغراض بالدواليب و الحمام و التسريحة و أدخل الشنط بالدولاب ..
كان زوجي مخلص الحسابات معهم و بس لازم أسلم البطاقة قبل 1 و إلا بيحسبوا علينا ..
و نزلت الشنط عندهم و طلعت إلين يجي زوجي على الساعة 2 تقريباً .. تميشت شوية بالاكسفورد
و كنا مرتبين مع السواق اللي جابنا من المطار عشان تكفي السيارة للعفش مع المسافة قصيرة و قريبة مرة مرة
و لما وصلنا الشقة كانت المفاجأة إنها مقابلة تماماً لمطعم بوتاغ الإيراني أبد الباب بالباب ..
راح أسهب في موضوع هذي الشقة .. طبعاً حجزناها من بوكينج و كان المتوفر حينها شقة ب3 غرف نوم ,, و سعرها مقبول ... ف حجزناها ..
أنا من أول ما شفتها في بوكينج قلت لزوجي خلاص خلنا فيها
كل شي متوفر فيها من اجهزة الكترونية و اواني و صالة للجلسة و طاولة طعام و حمامامين مرة عجبتني بس طبعا خلاص حجز في الثيستل اللي بدون الغاء مجاني
لما وصلنا قابلتنا موظفة من المكتب المكتب و ساعدتنا في رفع الشنط , و طبعاً العمارة ما فيها رسبشن و لا خدمات تجي خادمة مرتين في الاسبوع ,, عطونا مفتاح للباب الخارجي و للشقة , و المصعد كان عليه رقم سري
و بعد ما فرجتنا على الشقة عطتنا ظرف فيه تفاصيل الحجز و الايصال

الشقة أتعب أقول نظيفة و كل أثاثها من ايكيا من أصغر شي إلى أكبر شي

و مرتبة و رايقة .. طبعاً أنا أتكلم عن ذوقي الخاص ,, هي جداً بسيطة مافيها أي شي من الفخامة .. بس حبيتها لأنها تحسسني إني ببيتي أطبخ أرتب أأمن على طفلي يحبي و يلعب مرة كان الفندق ضيق و مافي مكان يلعب فيه .. و فيه غسالة لأني مقللة ملابس .. بس ما غسلت لأني ما عرفت لها و حاول زوجي بعد .. و هذا نوعها و شكلها
كان ممكن نسأل المكتب اللي أجرنا الشقة بس طنشنا الموضوع .. خلاص يومين و نسافر
هذي صور الشقة
غرفة نوم 1
غرفة نوم 2
و الثالثة نسيت أصورها بس تشبه الأولى على أصغر
و بس اللي لاحظته إن غرفتين تطل ع الاجوارد و ازعاج بالليل ,, بس كنت أرجع مرهقة و أنام ما عاد اسمع شي
و بما إن الغرفة الثالثة فاضية نمنا فيها و هادية لأنها تطل على الحي مو ع الشارع
و الغرفة الثالثة من الرفاهية خليناها غرفة الملابس و العفش ههه
هذا السيب المؤدي لكل الغرف
فيه ثلاجة و فريزر و غلاية و مكرويف و فرن و مواعين طبخ و تقديم و غسالة
مجفف شعر و كواية
الحمام 1
فيه كابينة شاور
الحمام 2
فيه بانيو
موزعين في كل حمام أدوات نظافة شخصية
كانوا يشغلون التدفئة بالليل ,, و الحلو كانت أرضية الحمام فيها تدفئة تحت البلاط .. كيف مدري !
كانت الشقة تطل على عدة جهات هذي من شباك المطبخ يا سلام
و هذي من الغرف
رحنا بعدها بادنقتون بالاندرقراوند نبغى ناكل مندي في مطعم مملكة سبأ
مرقة طلبها زوجي
طلب سلتة نصحه فيها الجرسون فيها حلبة و مرقة و لحم مفتت و أظن رز ,, ما أكلتها لأن الحلبة تفوح منها فوح

و هذا المندي

و منها طلعنا على الشبردبوش بالاندرقراوند اشترينا شوية خضار و خبز و بيض و لحم عشان بطبخ في الشقة تعبت من الاكل الخفيف ما عجبني الأكل أبد و طبعاً الأكل كان رخيص جداً جداً بالشبردبوش و لقينا هناك افياش على باوند واحد فقط .. و لكن كنا ندور مقسم عشان نركب كذا شاحن بنفس الوقت و طلعنا ما اشترينا
و رجعنا و اشترينا من الاجوارد فيش واحد لسلك واحد ب 6 باوند ههه ..
و انتهى اليوم ما سوينا شي ثاني بعده

1. سويت شكشوكة و فطرنا حماس .. أما الحليب و الشاي من عزبتي اللي جايبتها

اليوم الخامس

سويت شكشوكة و فطرنا حماس .. أما الحليب و الشاي من عزبتي اللي جايبتها

و راح زوجي الكورس و أنا نزلت متأخرة بروح للهارفي نيكلز لأن فيه الشاي بو وردة , و ما لقيته مخلص و شوي ضيعت بالرجعة , مو ضياع بالطريق بس مريت بشارع مجاور للهايد بارك مافيه و لا باص ستوب .. مرة تعبت مشيت فوق الساعة فيه .. و أخيرا لقيت باص ستوب لأني أبغى أروح للكنقستون هاي ستريت حسب ما ذكروه الأخوات إنه نفس محلات الاوكسفورد بس أقل زحمة , و ركبت الباص و ما انتبهت للاتجاه أثاريه كان راجع مو رايح ههه و إلين وصلت نقطة انزال كل الركاب و كنت بصيح خ و انتظرت إلين جا باص يودي للماربل آرش ,, و نزلت بالاكسفورد آكل وافل عشان يبرد خاطري ههه و رجعت بعد جهد جهيد و المشكلة تأخرت على زوجي لأن كنا متواعدين على ساعة معينة و لسا برجع الشقة أبدل أغراض و للبيبي و آخذ كاميرات و اروح أقابله المهم توهقت .. بس تقابلنا في الشقة و طلعنا تغدينا في مطعم في الاجوار هذا اسمه و فاتورته
مرتب و كبير يقدم فيش اند شيبس لأن زوجي كان مشتهي يذوقه ,, و أنا عن نفسي ما أحب المأكولات البحرية كثير و ذقته ما عجبني اللهم لك الحمد .. لأن السمك ببساطة نهري مو بحري .. كأنه حالي .. ما فيه ملوحة و زفرة البحر ههه .. ما استسغته بصراحة
و بعدها كنا مستعجين لوجهتنا و اللي كنت مصرة أروح لها و هي قرية جرينتش ..
و كان في أحد تقارير الإخوان يقول نروح لها عن طريق رحلة نهرية و أعتقد هو كان يفضل هالطريقة و كانت تاخذ ساعة رايح وساعة جاي و الوقت ضيق علينا
لكن زوجي الله يعطيه العافية لقى طريقة نروح بالاندرقراوند
,, من خلال محطة البوند ستريت إلين محطة كناري ووتر
و من كناري نبدل لأوفرقراوند و نصل بعدها إلى القرية ,,
و وصلنا المنطقة تجن بصراحة روقان ,, و ما شفنا و لا وجه عربي أبد
تمشينا في الحديقة صعوداً إلى التلة اللي عليها مبنى زي المتحف نقدر ندخله و نوقف على خط جرينتش و الدخول أعتقد ب 15 باوند ,, و صعدنا التلة كانت متعبة جداً ,,
لكن ما دخلنا لأن موعد الإقفال 5م .. و تمشينا حوالينه و رجعنا
مطل من التلة
هذا المكان اللي فيه الخط .. و هو زي المتحف
و في ماركت للقرية بس جداً عادي ما يسوى و كنت شاطبته من اللستة بس مريناه بالصدفة
و رجعنا ,, و تعشينا في نفس المطعم الايراني .. و انتهى اليوم

1. و أنهيت تعبية الأوراق حق التاكس

اليوم السادس
آخر يوم و رحلتنا بكرة خلاص .. و بدأت رحلة التشطيبات و عمل التاكس فري
سويت فطور بيض عيون ..
و رحت أدور بالمحلات عن الشاي أبو وردة ,, و لقيت محل صيني بالاجوارد و لقييت عندهم كرتون فيه 6 حبات ب18 باوند و العلبة مرتبة مرة تصلح هدية
بس كان غالي و ما يكفي للي أبغى أجيبه لهم .. لذا توجهت لمنطقة السوهو و هي بآخر الاكسفورد .. فيها مطاعم و محلات صينية قلت يمكن ألاقي هناك هذا الشاي
و لأنه صادفني بأحد المرات وجود محل بريمارك في هذا الشارع و الزبائن يكادون يكونون معدومين !! و للأسف ما شفته قبل كذا بالتقارير .. تسوقت منه شوية .. و أنا طالعة قابلت محل شاي .. و لقيت عنده شاي بو ورد كان 50 غرام ب9 باوند تقريبا طلع لي 9 كور
ما أعرف طعمه إلى حد الآن وزعته و قلت لهم خبروني عن طعمه ..
طبعاً مريت كم محل عشان أسوي التاكس فري , يوجهونك للمكتب الخاص و يطلبون منك أي ID
و كنت أوريهم صورة الجواز من الجوال و هذي نصيحة أخت بالمنتدى الله يجزاكم خير جميعاً
و بعد ما يوقعك على الابلكيشن و يوقع هو يسلمك الظرف فيه الفاتورة و الابلكيشن تعبيه بعدين ,, الشغلة بسيطة جداً ,, و للعلم ملابس الأطفال و الأكل ما عليهم تاكس فري ..
واجهتني مشكلتين مع محل نكست .. كنت شارية من فرعهم بالويستفيلد مول .. ف قالوا لي لما تشترين من مول سوي التاكس فري عندهم كذا ما نقدر نجمعهم من أي فرع ثاني برا
المشكلة الثانية رفضوا صورة الجواز , لازم الأصل معك ..
و ختمنا يومنا و سفرتنا بالريجنت بارك ... و كان ودي أمر محل الأشمغة الرجالية أجيب لأخواني هدايا بس للأسف خلاص سكرت المحلات .. و انتهى اليوم فعلياً بإعادة الاويستر كارد للمحطة ..
و كانت هذي وداعية من الاجوار ,, قوس قزح

و أنهيت تعبية الأوراق حق التاكس

و اليوم الثاني من 6 الصباح طلعنا للمطار مع نفس السائق اللي جابنا ,, و توجهنا لكاونتر التاكس .. قبل شحن الشنط لأن حسب تعليماتكم قد يطلبون معاينة المشتريات و يجب أن تكون بقراطيسها .. و أنا ما أحتجت أستعمل شي منها أصلاً
أغلب الفواتير قالوا بيرجعونها ع الفيزا , لأنها مبالغ جداً بسيطة من باوند و أقل
أما فواتير بريمارك استرجعت حول 37 باوند و رجعوها كاش
راح زوجي لصالة درجة البزنس .. و أنا تمشيت في الاوتلت أدور هدايا لأخواني ما لقيت شي كويس .. و مريت بوتس و قضيت منه أشياء مرة حلوة ..
و رجعتنا شوي كانت متعبة لأنها صادفت نهار و البيبي يكون صاحي .. عكس الجية كان وقت نومة الليل عنده .. و الحمدلله رجعنا بالسلامة ..
رافقنا هذا الموقع في السفر .. لا تنسونه
اعذروني لأني مقلة جداً بالصور بس أغلبها فيها صورنا الخاصة بالإضافة إلى كثرة الصورة ما عرفت أيش اختار و الفرز متعب جدا .. و لو ما استعجلت و نزلت التقرير الآن راح أنشغل و ما بنزله ..
و كمان السفر مع البيبي متعب .. ما أخذت راحتي بالتصوير من انشغال بالي المستمر ...
و شكر للجميع فرد فرد ,, و للمنتدى بأعضاءه و إدارته
لولا الله ثم إنتوا ما استمتعت بهذي السفرة و لا رحت و رجعت بالسلامة من حرصكم و تحذيركم ع الأشياء المهمة
الله يجزاكم خير جزاء

الله يعطيك العافيه
جلست ساعتين تقريبا اشوف الحلقات فرش ولايف جهد كبير تسلم يدينك اختي والحمد لله على سلامة الاسفار
تصوير رائع وتقريرجميل ومعلومات وافرة ووجهات جديدة
الشقة رائعة وموقعها حلو
تقرير مفصل ووافي شكرا لك اختي والشكر موصول لأخونا عاشق الشواطي بيض الله وجهه ماقصر ويستاهل الخير من كل قلبي اتمنى له التوفيق في رحلتة القادمة
تحياتي

الله يجزاك خير أخوي فارس .. و الله إنت من الأشخاص اللي تابعتهم أثناء عملية البحث لكن خفت أذكر أسماء و أنسى البعض و إلا ودي أعددهم واحد واحد