الخبر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
pacemaker
10-12-2022 - 10:10 pm
السلام عليكم جميعا
معليش موضوعي طويل بس ان شاء الله ماتقصرون
أنا حاطلع من جدة للدمام وبعدها للبحرين ( مع المدام ) للإستجمام
وهذي أول مرة أزور فيها الشرقية والبحرين
أبغى منكم تفيدوني في النقاط التالية واذا فيه صور يكون مية مية :
1- أفضل مطعم رومانسي في الدمام أو الخبر
2- أفضل مطعم رومانسي في البحرين
3- الأماكن الترفيهية في البحرين ( متاحف - أسواق - منتجعات - سينما - الخ ...... )
مايهم السعر أهم شئ يكون المكان فخم ومرتب وأكله لذيذ
وأبغى رأيكم في فندق سوفتيل زلاق البحرين لأني استأجرت فيه عن طريق النت
ومشكورين مقدما


التعليقات (5)
زائر
وعليكم السلام ورحمه الله وبركاتهاولا مبروك زواجك وعشره دائمه
المطاعم كثيره ومتنوعه واسعارها تتفاوت وحسب نوعية الاكل
عندك الدغيثر مطاعم كلها جنب بعض وكلها لذيذه
بالنسبه لسي فود عندك السمبوك في قريه الدغيثر من اروع مطاعم السي فود واشهرها بمدينة الخبر
عندك براسا مطعم برازيلي نظامه جميل بحيث يكون نظام مفتوح للسلطات اما الباقي فهو يقدم اكثر من 12 نوع لحوم
مشويه بطريقه جميله ياتي فيها الويتر لطاوله الطعام بالسيخ وحسب حاجتك يضع في الصحن راح اسوي تقرير عنه هاليومين
وكمان جنبهم مطعم لوقانو ايطالي وعنده اكلات متنوعه جميل جدا
بالنسبه للبحرين المطاعم كثيره جدا جدا بس بما انك عريس افضل انكم تاكلو في مطاعم الفنادق منها فندق الخليج وكثير فنادق فكره حلوه وجميله وراقيه
متاحف عندهم متحف البحرين وسينما تقدر تشوف بمول السيف او سيتي سنتر او الدانه منتجع كان ممكن تسكن بالريتز كارلتون تبعه منتجع فخم جدا وقريب من المول
بالنسبه لفندق زلاق بعيد نوع ما عن الحركه ولكنه جيد من ناحية الاثاث وايضا يضم شاطى خاص فيه
بالتوفيق لك اخوي ومبارك مره ثانيه

زائر
اخوي هذي تقارير مصوره ممكن تفيدك اطلع عليها
هذا الفندق اللي انت اخترته
https://artravelers.com/p/re/755663
وهذا الفندق الريتز كالتون اللي حكيت لك عنه انه منتجع جميل
https://artravelers.com/p/re/807892
وهذا تقرير عن بعض الاماكن بالبحرين
https://artravelers.com/p/re/815872

pacemaker
pacemaker
أخي تقاسيم الصباح
بيض الله وجهك وماقصرت
أنا اخترت الزلاق عشان حسيت انه في خصوصية أكثر وعجبتني غرفهم
وبالنسبة للمطاعم ايش تنصحني بأفضل مطعم هندي و إيطالي
سواء في الشرقية أو في البحرين
والله يعطيك العافية على مجهودك

زائر
بالنسبه للهندي في الخبر كوبر شندني ع كورنيش الخبر رايق وراقي ورومنسيفيه بيت التنور مغل نكهة الهند ولكن افضل كوبر شندني من ناحية الرومنسيه بما انك عريس
عندك الايطالي نينو في الخبر قاطع شارع شهاب الطائفي مع شارع 5 وفيه كمان في البحرين خلف مجمع العالي
فيه لاجونا يقدم اكلات عالميه ومن ضمنها الايطاليه في جلسات داخليه وفيه مكشوفه في الهوا رومنسي وحلو في الدغيثر
عندك برضو فيليكور كافي اقرب للكافي ويقدم سندويشات واشياء خفيفه بس الكافي والحلا عندكم روعه
والمكان رايق ورومنسي طريق الملك عبد العزيز بعد تقاطع الشارع العاشر بجانب موبايلي فرع السيدات
في البحرين
عندك بيلا في سيتي سنتر
عندك كافيه ايطاليا في مجمع السيف جنب محلات الحواج
عندك باستاريتو في سيتي سنتر برضو جنب تشيليز وفرايديز
الهندي عندك اشآز اشهر المطاعم الهنديه في البحرين في سيتي سنتر برضو
كافيهات عندك بالبحرين كاريبو كافي في سيتي سنتر تقدر تنتظر فيه وتشرب قهوه لوقت عرض الفيلم مثلا
لان هذي طريقتنا المعتاده خ وفيه ب النطقه الدبلوماسيه واحد برضو
مايا شوكلتري فيه له فروع بالسيف التوسعه الجديده
وفيه بسيتي سنتتر برضو
والله يوفقك ويسهل عليكم ويسعدكم وعشره مديده وايام سعيده
واي سؤال انا حاضره

مغرور نجد
مغرور نجد
تبي نصيحتي يالغالي .. السكن لا تتعدى المريديان ... وعن المطاعم مثل ما قالو لك السنبوك لاقونا المطعم الهندي في موفنبيك كافي في موفنبيك الدور ال12 رح له قبل المغيب مع انه يتعوض بداله السكن في مريديان ...
كل اللي ذكرته نصيحه محب وانت على راحتك
المريديان مجدد وصدقني ماراح تطلع منه وراح تطلب عشاك في الغرفه ....


خصم يصل إلى 25%