عاشق شواطي
06-12-2022 - 04:05 am
السلام عليكم ورحمة الله وبركاته ،
اشكر جميع الاعضاء الي طرحوا تقارير ومعلومات عن المالديف لانه كما تلاحظون ان المعلومات جدا قليلة مقارنة بغيرها من الدول بسبب قلة عدد المسافرين لها لغلائها الفاحش ...
ولد خالي بيتزوج وقاعد يفكر وين يروح واشرت عليه بالمالديف وانا ماعرف الا شي بسيط عنها بس المعلومات التفصيلية ماعرفها وتكفون فزعتكم يالربع
الحين ودي اعرف كل شي يحتاج دفع من اطب بالمطار لين اطلع منها .. وشي ؟
ماهي افضل وارخص خطوط طيران ؟
اخذ الفنادق هل يفضل بكجات وعروض او من بوكنق ومواقع الحجز العادية او من يعرف طريقة او مكتب او موقع يعطي اسعار زينه ؟
الافضل اكواخ وفلل وسط الماء او على الشاطئ ؟
ماهو افضل الاشهر للسفر من هذه بحيث تقل الرطوبة وتقل الامطار تكون متوسطة ؟ : يونيو- أغسطس -سبتمبر - اكتوبر - نوفمبر - ديسمبر ( باستثناء يوليولانه امطار) قايلكم اعرف ..
التوصيل بالطائرة والبوت كم يكلف وكيف حجزه .؟ وهل المسافة تفرق بالسعر ؟
افضل الجزر البعيدة او القريبة - ممكن تكون ارخص بس يؤخذ تكلفة النقل ؟
وشي الجزر الي فيها رمل مافيها صخور على الشاطئ وفيها صيد ودلافين ؟
الماء للشرب يحتاج كل قارورة اطلبها ب 5 دولار ولا كيف الطريقة ؟
العشاء والغداء كل شخص ب مية دولار ؟
الرحلات المائية اسعارها كم تقريبا ؟
فيه ضرائب تؤخذ مني غير مبلغ الفندق الي بالحجز والتوصيل ؟ او فيه مبالغ ياخذها الفندق مني كضريبة او اي شي ؟
ابي كل الضرائب الي راح تؤخذ مني وماهي معروفة من الجدد مثلي؟
فيه مصاريف تحتاج احط حسابي لها زي ملابس الغوص او اشياء اخرى ننتبه لها؟
وشي الاشياء الي راح استهلكها غير الاكل والشرب ؟
كم الرحلة ممكن تكفي كاملة لمدة 4 ليالي ؟
اعرف استفساراتي طويلة لكن مهمة عشان نقدر نضبط رحلة سفر ناجحه ، لاتبخلون علي ..
شكرا لكم
اولا الف مبروك زواج ولد خالك وعقبالك ان لم تدخل القفص بعد
اسعدنا اطرائك والاعضاء جميعا يسعدهم خدمتك وخدمته ولد خالك وكل من يعز عليك
المالديف كما اشرت باهضه الاسعار لكنها كالحلا للتذوق ولا تطيل البقاء فيها
معظم اسئلتك تجد لها اجوبه واضحه ومصوره في تقارير الجزر في اعلى البوابه شامله الاسعار ايضا ( بيض الله وجيه معديها )
النصيحه دع ولد خالك يطلع عليها ليكون فكره شامله على المالديف بكل تفاصيلها
وبعدها تجد الاعضاء بالخدمه لكل اصتفسار لم يجد له جواب
تمنياتي لك قبل ولد خالك بزيارة المالديف