تركيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Cuddles
08-12-2022 - 11:16 am
  1. السلام عليكم و رحمة الله و بركاته،


السلام عليكم و رحمة الله و بركاته،

إخواني كيف حالكم؟ إنشالله طيبين. أحب أشكر المنتدى الرائع عامة و أعضاءها اللي ساعدوا في بنائها، لجأت له اكثر من مرة للمعلومات.
إخواني أنا زواجي بإذن الله بعد شهر، و الصراحة ما كنت افكر اني اسافر في الصيف عشان الغلا و بالذات عشان زحمة كثير من الدول (و زيما حنا عارفين الزحمة الحالها تخلي الحلو مو حلو). فكانت نيتي اني اقضي شهر العسل في السعودية و أخلي سفرة حلوة بعدين في الشتاء. الإشكالية هي سمعت نصائح من بعض الشباب انه السعر مهو ذاك الفرق. و فعلا لاحظت أسعار بعض الفنادق عندنا في السعودية نفس اسعار اللي بالخارج و يمكن أكثر، و الفنادق برا مستواها أعلى. و أنا هنا الصراحة أستشيركم بكم خطة خطرت على بالي.
أول خطة: اسبوعين ما بين جدة (يمكن مكة كمان) و المدينة و ينبع (لأني بأرجع ينبع بعد الزواج). مشكلة الخطة هذي انه ممكن أصرف فلوس على فندق ما يستاهل و التمشيات صعبة لأني من أهل البلد و من النوع البيتوتي فما راح أحس بحماس أخرج و أتمرمط كل يوم في زحمة الشوارع عشان أروح مطعم رحته 70 مرة من قبل (متفهمين الوضع ان شاء الله )
الخطة الثانية: أسبوع في ماليزيا (كنت ناوي اسبوعين لكن قلت اقللها). يومين سلانجور (sunway resort) يومين لنكاوي (برجايا) يومين جنتنج (فندق زي المنتجع صوره حلوة اسمه chateau spa) و أخيرا 4 ايام في كوالا (traders) و شفت الصرفية انه الفنادق تكلف 8500 ريال و التذاكر يمكن 7000، و الصراحة ما عندي فكرة كم راح تكون الصرفيات حقة التمشي فساعدوني.
خطر على بالي كمان اروح تركيا اذا كانت الزحمة اخف فيها و فيها توفير اكثر. و انا اتقبّل كل اقتراحاتكم، و الصراحة انا مايل لرحلة ماليزيا.
الله يجزاكم خير و مستني منكم المساعدة.


التعليقات (6)
فيصل
فيصل
وعليكم السلام ورحمه الله وبركاته
كم ميزانيتك ما حددت لها
من ينبع التركيه فيها عروض حاليا حسب كلام بعض الاعضاء
زور قسم الاستفسارات في تركيا وماليزيا

MaiMai
MaiMai
من رايي بما انه شهر عسل والميزانيه محدوده كبدايه تسير جزر المالديف (بس تأكد من جوها فالشهر اللي بتسافر فيه) تكفي أسبوع اذا تبغيها بس تمشيه
بدون تسوق وبعدين ان شاء الله فالشتا تختار دوله ثانيه وتحطلها ميزانيه أكثر.. واذا تبغي تتسوق ماليزيا حلوه وسريلانكا وجزيرة بالي (جزيرة بالي تأكد
من موسم الامطار عندهم والتسوق مب ذاك الزود عندهم) والله يوفقك اخويه

turki saud
turki saud
السلام عليكم
ممكن تروح للفلبين ترى حلوه ورخيصه

Cuddles
Cuddles
أخوي فيصل صراحة مافي ميزانية في بالي لأنه مني عارف كم راح يكون معايا مبلغ، بس انا حاط في بالي ميزانية حول 20 الف. و فعلا ينبع تركيا سعرها حلو لكن الفنادق شويا اغلى.أختي\أخوي ماي ماي، انا علمي انه جزر المالديف جدا غالية فما تخطر على بالي الصراحة. بالنسبة لسري لانكا كيفها من ناحية تمدّن؟ و أجواءها حارة في الصيف؟أخوي تركي مشكور عالنصيحة بس سمعت من واحد راح للفلبين انها حلوة لكن مهي متطورة نهائيا، و انا رأيي انه شهر العسل المفروض يكون له جو خاص.مشكورين اخواني عالردود.

فيصل
فيصل
اي مكان فيه غالي ورخيص ينبع ان سكنت بالمنتجع ح قموفنبيك غالي لكن فيه اشياء اخري ارخص
فأنا اقولك زور قسم الاستفسارات بتركيا ضع ميزانيتك وتاريخ سفرك والشباب ما يقصرون جزاهم الله خير
سريلانكا مره رائعه بس مشكلتها بالطريق اذا اجازتك فوق 12 يوم راح تضبط معاك اللرحله

rkad0554
rkad0554
السلام عليكم اعتذر من الخبراء اذا حنا تعدينا على صلاحياتهم لكن نعتبرها من باب المشاركه في الراي اخوي العزيز في البدايه الف الف مبروك الله يجمعكم على طاعه ماالومك بصراحه في حيرتك وين تروح لكن ثق تمام الثقه انك وصلت با اذن الله تعالى الى المكان المناسب الي رح تحصل لكل استفساراتك اجابه شافيه وكافيه بوجود الخبراء والمشرفين اللي لهم باع طول في السفر وبصراحه انا مريت في اللي انت تمر فيه الان عشان كذا انا رح اقولك عدة امورمن باب الاستفاده وليس من باب الخبره
اذا كنت اول مره تسافر فعليك ان تقرا جيدا تعليمات كل بوابه تريد السفر اليها يعني طريقة التفيز اذا تحتاج الطيران المثالي السعر المناسب التوقيت الوزن المسموح الاماكن المحظور الذهاب اليها في كل مدينه يعني هيك شيىء وكل ما قرات اكثر كل ما ارتحت وترا المساله سهالات با اذن الله تعالى
شخصيا رغم اني سعودي لكن ابد لا ارشح لك قضاء شهر العسل هنا ابدا لعدم توفر مقومات السياحه او بشكل اخص شهر العسل وبالنسبه للمبلغ لا تفكر انك رح توفر صدقني رح تصرف اللي معك وفوقه بوسه
وبصراحه شهر العسل على اسمه ومارح تنسى ذكرياته طول حياتك انت والمدام عشان كذا يبيلها ترتيب ومخمخه
وحاب اقولك يالمعرس انه تقدر تروح لاي مكان اذا وفرت في الصرف واكيد طبعا المده
وعشان يقدرون يساعدونك الاخوان ضروري تحدد المبلغ والمده المتوقعه حتى يتم ترشيح لك وجهه معينه ومن ثم التوجه للبوابات لكي تتعمق اكثر في المكان المراد الذهاب اليه
اذا انت محوش 20 الف ريال حلوه رح تسفرك لكن اسبوع اشوف انه شويه زودها 10 ايام الى 12 يوم ابداع
وبالنسبه لوجهة نظري الشخصيه ماليزيا حلوه اندنوسيا حلوه تركيا حلوه كشهر عسل
وسير على البوابات المذكوره وسجل لك موضوع في البوابه نفسها وصدقني مارح يقصرون ابد
تحياتي لك واسف على الاطاله


خصم يصل إلى 25%