الصين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
بنت شرقاوية
09-12-2022 - 11:17 pm
بقولكم تجربتي البسيطة مع العزب المتطورة ... او اللي ما يحب يشيل اشياء كثيرة معاه بالسفر
بالنسبة لنا ومن صغري ما تستغنى امي عن القهوة العربية بكل سفراتنا
لا بد ان تحضر يوميا
والوالدة ربي يمد في عمرها ما تحب تلقهوة العربية الجاهزة
بشارككم طريقة الوالدة في تحضير القهوة ...
كنا نستخدم الغلاية الكهرباء.. وتطلع دايم زي شغل البيت..
الادوات:
في الكيسة الاولى نحط القهوة المطحونة
في كيسة ثانية الهيل + الزعفران (نطحنهم سوى )
ترمس (دلة)
فناجيل ( ولا تقبل الوالدة ابدا بالورق او البلاستيك لازم الصين )
الطريقة:
على حسب الكمية نحط الماء في الغلاية ،ونخليها تغلي..
اول ما تغلي نحط فيها فنجان من الكيسة الاولى (القهوة)
وهنا الحركة الفنانة
كل ما قربت الموية من الفوران ....... نطفي الغلاية الى ان يرجع الماء الى مستواه ويركد... نكرر العملية كذا مرة(( 5- 7 مرات )) للقهوة الوسط اللي رقم تحميصها واحد ونص ---------- (كل ما كانت القهوة غامقة قلت المرات) ونحط بالترمس الهيل تقريبا 3 ملاعق صغيرة
ثم نطفي الغلاية ونسكب القهوة في الترمس ، ومع التمر الخلاص او الراحة التركية
وبالعافية
يمكن كثيرين يستخدمون هالطريقة بس حبيت انشر طريقة الوالدة ربي يعافيها ويشفيها ،ويطول بعمرها
اتمنى ان الموضوع ينال اعجابكم


التعليقات (9)
ابن صاهله
ابن صاهله
جزاك الله خير
وأطال الله في عمر والدتك على الخير والطاعة
أبعطيك طريقة أسهل .. نفس الفكرة بس على دفعتين أو ثلاث
لا تعبين الغلاية فوق النص .. وعلى ما تقهون تكون الدفعة الثانية جاهزة .. وهكذا
شكراً لطرحك التجربة أختنا شرقاوية

صقرة 2013
صقرة 2013
ماشاءالله تبارك الله
ربي يحفظ الوالده ويطول في عمرها
جزاك الله خير خيتو
ولوني احب القهوه التركي لكن عجبتني طريقتك
تشكرات آديرم..

النوخذة الأحسائي
النوخذة الأحسائي
الله يعطيها العافية ويمدها بالصحة وطولة العمر بالعمل الصالح..
لكن الغلاية بتطبع فيها ريحة القهوة !!!!
والغسيل يبدو لي ما يجيب نتايج قوية

آخـــرفـــرصــة
آخـــرفـــرصــة
الله يحفظ لك الوالدة
بصراحة طريقة مبتكرة لازم تسجلين عليها
براءة اختراع
بس اعتقد تطلع القهوة خفيفة ماتعدل الرأس
و الغلاية تبقى فيها طعم القهوة

همس العواطف
همس العواطف
هلا اختي شرقاوية
انا استعمل هالطريقة في الطلعات السريعة ....
شكرا لك اختي على الطريقة ...وربي يبارك لك في عمرك ووالدتك يارب ... الام هي الحنان كله (ربي يحفظ لنا امهاتنا)

سهم..
سهم..
ما شاء الله تبارك الله
طريقة سهلة وفعالة بس على شرط ما تكون بغلاية الفندق
الله يحفظكم ويسعدكم ويشفي الوالدة ويبارك فيها وجزاك الله خيراً

ام عزيـــز
ام عزيـــز
ما شاء الله ...
طريقه سهله و لذيذه , و كثير معتمدها ..
و بالنسبه للغاليه , فهي أكيد تكون خاصه فقط بالقهوه ..
يعطيك العافيه ياقمر ..
و الله يحفظ الوالده و يبارك فيها ..

بنت شرقاوية
بنت شرقاوية
ام عزيز
الله يبارك في عمرك

بنت شرقاوية
بنت شرقاوية
ابن صاهله
العفو .. وجزاك الله خير


خصم يصل إلى 25%