lmaa7
12-12-2022 - 07:57 am
السلام عليكم ..
انا عندي دورة بالخبر الاسبوع القادم وافكر اروح للبحرين ،،
لكن سمعت ان السيارات عليها خطر اذا كانت اللوحات سعودية ..
قالي واحد ان أحد السعوديين لقى سيارته مكتوب عليها ،،
فهل هالمعلومات هذي صحيحه .. وهل مول سيتي سنتر فيه مواقف مأمنه او لا ..
كنت متحمس للسينما بس خرب علي الرجال ،،
علماً اني أبروح مع ام البنين
وعندي سؤال عن التكاسي من الخبر بكم يودي شخصين لحالهم للبحرين ..
ولو رحت اخاف ما القى احد ارجع معه لو طلعت متأخر من المول ..
واعتذر عن الإطالة ..
أخوي اللي سمعته يمكن حاله فردية ما يمكن نعممها على الكل، والسيارات من السعودية الحبيبة ما شاء الله عندنا في البحرين بالعشرات محد تعرض منهم لشي، طبعاً أنا أقولك سواء كانت لوحات سعودية أو حتى بحرينية لازم تتجنب مناطقهم أقصد قراهم وهي قرى معروفه للكل..
وبالنسبة عن مواقف السيتي سنتر آمنة وما فيها أي شي ومزوده بكاميرات المراقبة في كل مكان...
ويوم الأربعاء والخميس والجمعة من كل أسبوع السيارات من السعودية الحبيبة موجوده بكثافة في سيتي سنتر والسيف فكلش لا تحاتي، وممكن من أخواني السعوديين اللي اييون دايماً البحرين يطمنونك أكثر...
أما بالنسبة عن التكاسي من الخبر للبحرين فما عندي أي فكرة عنه ممكن أخوانا السعوديين يزودونك بالمعلومات عن ذي الموضوع...
وحياك الله في بلادي وبلادك البحرين