السلام عليكم ورحمة الله وبركاته
أحبتي
مدري من وين ابدأ ؟؟
بمشيئة الله سيكون زواجي يوم الخميس الموافق 13/11/1434 - 19/سبتمبر/2013
وبالتأكيد بأسافر انا و زوجتي الغاليه
وعندي بعض الاستفسارات = ترى الموضوع مطوّل وبتتعبوا وانتم تقرؤونه
- الافضل اني اسافر الجمعه أو السبت ؟ اليوم التالي للزواج أو اللي بعده ؟
- أبي جدول سياحي مع الاخذ في الاعتبار ان وقتها بيكون بداية الشتاء
وميزانيتي 30,000 ريال تقريباً
- فكرت أروح لمكاتب سياحيه :
وبالفعل رحت للطيار بجده : قال لي الموظف المالديف و موريشوس ماتنفع بهالسيزون لأنها منتجعات صيفيه , و أوروبا طلع موضوعها كبير أعطاني خيارات كثير , وبصراحه ضيعني ماعادني عارف وين أروح
طبعا قال لي معلومه : ان جداول الشركات السياحيه والمنتجعات المعروضه بالنت تنقسم لقسمين
صيفيه وشتويه): (من4إلى9)صيفيه و(من10إلى3)شتويه
ولو بغيت احجز من الان للشتويه الغالب يحط تسعيرة الان ويزيد عليها 30% واللي يبي يروح
اللي مشجعني على موضوع المكاتب السياحيه :
انه ينهي كل المعاملات من هنا بمافيها حجوزات فنادق و قطارات و
يعني أروح اتهنى وارجع
لكن الضريبة هي فرق الاسعار اللي ممكن توصل ل 10,000 ريال
والله اني صدعت من التفكير و ضايع
انتظر فزعتكم
طبعا ماحبيت اخرب على الاخ ASOKA موضوعه فكتبت موضوعي منفصل
معاك وقت تحجز وتقرأ وتضبط كل شيء
انا اشوف تخليها ايطاليا اسبانيا فرنسا
اخشى من البرد في النمسا