المغرب المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عااابر سبيل
08-12-2022 - 08:22 pm
السسلام عليكم
مساء الخير
أسمع بالمغرب و المغرب و المغرب قلت خلني أخربها وأروح للمغرب ..
طبعا تمشيت في تقارير واجد ومواضيع واجد وعندي الحين كم أستفسار لاهنتو ...
شباب أنا أتصلت على منتجع النخيل أستفسر عن الأسعاار طبعا توهقت معه شوي على اللغة الزبدة أني سألته على سعر الفلة حق 4 غرف نوم وقال سعرها 6500 دينار وقالي سعر الدبلوكس 3500 وش رايكم في أسعاره صحيحه أعتقد أنه صلخني بالسعر قلت له بأجي في أغسسطس قال نفس السعر ..
يالربع أحد يعرف كم أسعارها الحين الدبلوكس و الفلة حق 4 غرف نووم 4 أشخاص ..
ضبطونا تكفوون والله ما ندري وين ربي حاشرنا
أيضا عندي أستفسسار عن التكلفة للسفره السكن والأكل والمواصلات فقط لمدة 13 يوم
ويعطيكم العافية


التعليقات (9)
سلمان الآحمدي
سلمان الآحمدي
هلا بيك عابر سبيل ... حلوة منك 6500 دينار ههه ....درهم يالحبيب درهم ..
المهم بالنسبة لاسعار النخيل انتظر شوي ويجي الفارس الملثم محسن ويعطيك الزبدة
اما عن التكلفة لليوم الواحد ...طبعا هو صعب تحدد لانه كل واحد وله طريقته ... لكن عموما في حدود 1500 ريال يوميا

عااابر سبيل
عااابر سبيل
سلمان الآحمدي
ههه يا رجال خلها على ربك اخوك داج والله ما أدري عن شئ ...المصيبة أني دقيت صدري لأخوياي قلت أزهلو أنا أضبطكم في كل شئ ...
معتمد على الله ثم على النشاما شرواك وعلى مواضيع الأخوان وتقاريررهم .. و أول النكبات خليت الدرهم دينار يارجال دررهم ولا دينار عيال عم..
محسن 58 بيض الله وجهك ووجهه على كل حال أستفدت منه في موضوعه حق موقع منتجع النخيل ..وننتظر الفارس يجي ويتحفنا بردوده ونصائحه ..
سلمان لاهنت بالنسبة لل 1500 ريال في اليوم شامله الطهبله والخجعبه ....
ترى كلنا الي بنروح أهل طهبله وخجعبه

محسن58
محسن58
ههه هع انطلق
طبعا واضح انكم اربعه
فله بمسبح 6000 درهم و عشانك 5500
بدون مسبح حدود 4000 درهم
من اخرها ريح الدي
و خذ شقتين كل شقه غرفتين الشقه 1350
الثنتين 2750
والله شف الميزانيه انت و طريقه صرفك
لن يجيبك احد هنا عن معلومات غير سياحيه
( طهبله و خجعبه )
تحياتي

عااابر سبيل
عااابر سبيل
بيض الله وجيهكم ..
وما قصرت يا محسن عز الله أنك جبت الزبدة عن السكن في النخيل وفصلت أنواع السكن وسعر كل نووع ...
يعطيك العافية برشا برشا >>>أخس يالمغربي
بس باقي عندي شغلتين ..
الأولى بالنسبة للمواصلات هل نستأجر سيارة أفضل أو شغل تكاسي ؟؟
الثانية الدرااهم ياحبيبي نصرفها من هنا ولا هناك ولا نخلي سحبنا عن طريق الصرافة من المغرب ؟؟
نبي رأيكم ونصاايحكم يالنشااما ..

محسن58
محسن58
هعهعهع
و الله انك فله و مطفي النور
برشا برشا تونسيه
بالزاف مغربيه
شف اذا معاكم خبير استاجرو سياره من المطار
ب 300 درهم اذا ماكو خبير
النخيل يوفر لك سياره بسايق من 400 الى 500 درهم
الفلوس ما تفرق كثير خذ معاك كاش سعودي و حول من المطار
الصراف امن من الضياع بس تكون موزعه ع كم صرافه
اي سوال تامر امر

عااابر سبيل
عااابر سبيل
ههه
يارجال نسمع الشوالي وخلييف يقولون برشا برشا وقلت بس هذي حقت المغرب بعد ..
أما بالنسبة للخبير أنا أخبر واحد فيهم
يعني شكلها بتكوون من عند النخيل بس ...
لاهنت بالزااف بالزاف هع هع
ما يأمر عليك عدو يالغالي ... خلني أروح الحين للربع وأجلس أتفلسف عليهم شوي بالمعلومات الي عطيتني

سلمان الآحمدي
سلمان الآحمدي
  1. دينار وبرشة ههه

  2. مثا ما قالك الفارس الملثم الافضل خدو سيارة بسائق من النخيل .....


ها ايش اخبار العليمي حقنا ههه

دينار وبرشة ههه

مثا ما قالك الفارس الملثم الافضل خدو سيارة بسائق من النخيل .....

بما انك القائد ... شوف وانا اخوك ..الامور المادية خلي بالك منها مثلا السائق تتفق معاها على كل شي بياكل معاكم او لوحده تبي تعطيه شي براني ولا لا وعلى كيفك ممكن ما تعطيه لانه اصلا هو بياخد اجرته ومثلا ممكن تقوله انا اتفقت ع المبلغ الفلاني وصافي او مثل ما تحب انت , متى يجيكم ومتى يروح من الاول كل شي
واحيانا يصير موقف ويقولك الطرف الاخر انت شوف بعدين كم تدفع انت ع طول قوله بعطيك كذا صافي ؟ ما بتكلم عن السائق بل الكل وعموما كل شي فاوض فيه مثل ما نقول نحنا كاسر ... في كل شي وانت فاهم ولا تقول لاحد انك اول مرة بتجي المغرب ع اساس احد يحن عليك ...
لانك جديد النخيل ما بيرسلك سيارة للمطار ..وبما انكم اربعة خدو تاكسي من المطار ع النخيل مباشرة افضل من القطار واذا حبيتو خدو القطار بس فيه شوية تفاصيل اذا حبيت خبرنا نخبرك ... وع فكرة البعض بيضربلك الاسعار فوق فوق لانك خليجي انت عاد لا تتزحلق ههه اضرب النص ...
بعدين لا تقول الله يعطيك العافية ...شغال من اول تقولنا الله يعطيك العافية ههه اقصد لا تقولها في المغرب ..قول بارك الله فيك .. الله يرحم الوالدين .
الصرف : الافضل تصرف من هنا من عند الصرافين لكن اذا كنت من النوع الي يزحلق فخلي شغلك ع الصرافات واحتسابا لعطل الصرافات خلي معاك اكثر من بطاقة ....وكمان ممكن تاخد كاش وتصرف من المطار بس الصرافين الي بعد تفتيش الامتعة ...عموما لما تخلص الشنط بتخرج بتلاقي امامك ع اليسار قليلا 3 صرافين و ع اليمين مخرج المطار وتلاقي التكاسي وبجانب الصرافات نزلة درج تنزلك ع القطار ....
نصيحتي لزوار المغرب دايما كاسر في كل شي ولا تنسى شعرة معاوية ....
اهم شي لا تزحلق وخلي الشباب الى معاك يتمسكو فيك عشان لا جا احد يزحلق انت تشده ههه ...شفتك مرح وحبوب من خلال ردودك فحبيت امزح معاك السموحة اذا غلطت
0ريال مثل ما قال محسن والكل بيقول نفس شي كل واحد وصرفه ..ناس يروحو ويصرفو 200 ريال في اليوم وناس 2000 ريال وناس ماشاء الله هي تعتمد على الشخص بس قلت 1500 كتوقع مني وشاملة كل شي ..
هاد الي ع بالي الان وعموما اسال اذا في شي مو واضح ومثل ما قلك محسن معلومات سياحية

عااابر سبيل
عااابر سبيل
ههه
مسموح لبى قلبك الدنيا فانية أمزح وقطع وخذ راحتك فديتك ...
نرجع لمحور حديثنا ..
بيض الله وجهك على المعلومات صراحة ما قصرت لا أنت ولا الفارس الملثم محسن ..
وعز الله أن نفووسكم خفيفة أنتو الأثنين من دوون قصوور في الباقين .. بس صراحة أنتو تجاابوون وتفصلوون للواحد وتعطونه جميع ما يحتاج من معلومات ..
طبعا" بما أني القائد حق الرحلة كلمت الشباب وراح نجتمع الأربعاء جميعا" ونتناقش في أمور الرحلة وراح أجيكم وأشغلكم بأستفسارات ثاانية بس تحملوني شوي ...
ما راح أقول يعطيكم العافية
بارك الله فيكم
الله يرحم والديكم
الله يجزاكم خير
^_^

سلمان الآحمدي
سلمان الآحمدي
حياك الله ف اي وقت ...


خصم يصل إلى 25%