الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
asoka
07-12-2022 - 06:16 am
السلام عليكم ورحمة الله وبركاته
هذي اول مشاركه لي في هذا الصرح الشامخ لان بكل صراحه هذا المنتدى يعتبر ملاذ لكل حيران
فيتساهل منا رفع قبعه تقدير واحترام لكل من بذل في هذا المنتدى سواء في تقرير او راي او اقتراح
فيا اداره هذا المنتدى اكرر لك الشكر والامتنان ان جعلتي لنا هذا المنتدى منطلق لنا
اما بعد
تم وضع ميزانية شهر عسل ( اسبوعين ) بوجهة نظري اكثر من كذا فتره احس بتكون ممله السفره ’’ لان مثل ما انتم عارفين معاريس جدد وعاد الميانه ما طاحت
مالكم في الطويله مثل ما قلت لكم وضعت مزانيه شهر العسل 5000 دينار كويتي اي ما يعادل تقريبا
5الف ريال سعودي طبعا من غير التذاكر لان في واحد من الربع جعل من جابه في الجنه (دق لي الصدر وقال التذاكر علي لكن حدد وين تبي )
لكن المهم ماني عارف وين اروح ,,؟
لان صراحه راح تكون اول سفره مع الاهل ,,
في خاطري تكون السفره عباره عن زياره ثلاث دول ,,, لكن ما ادري احس انها بتكون متعبه
ما يجول الان في خاطري شرق اسيا ,,,,,,,,,
اروح حزر المالديف اربع ايام
ومن المالديف الي مالزيا اسبوع
ومن ماليزيا الي بوكيت 3 ايام
ومن بوكيت الي ماليزيا يوم واحد
ومن ماليزيا الي ارض الوطن يا حبيلها الكويت
شرايكم في خط الرحله
واذا عندكم اقترحات اسعفوني فيها لاني جد في حياره مو شرط ينحصر تفكيركم في الدوله هذي الثلاث
اي اقتراح او راي او فكره مرحب بها
لا تبخلون علي.
بعد عودتي من شهر العسل بااذن الله راح اسطر لكم ذاك التقرير الي على كيف كيفكم
بنتظار ردودكم على احر من الجمر .
اخوكم محمد


التعليقات (9)
Usas
Usas
حياك الله اخوي معانا ,ومبروك مقدما الزواج
الميزانية ممتازة انا ارشح لك امريكا وجزر البهاما او اذا ف بالك مثل ماذكرت خلها المالديف وماليزيا واستبدل تايلند بسنغافورة
بالتوفيق

asoka
asoka
يامرحبا ومسهلا
اسعدني مرووك وافرحني اقترحاك لكن امريكا مو بعيده وراح يروح اول يومي علي من غير استفاده .
بخصوص استبدال سنغافوره في بوكيت
حلو الاقتراح .
لكن اطمع في اقتراحات الاخوان في الانتظار

مسافرة عبرالزمن
مسافرة عبرالزمن
الميزانية كبيرة خلها لاوروبا افضل
مثلا سويسرا فرنسا ايطاليا

lady travel
lady travel
ماشاءالله ميزانيتك تغطي أوروبا
حرام تهدرها في شرق أسيا وانتم معاريس
عندك خيارات كثيره أوروبيه

asoka
asoka
مسافرة عبرالزمن
يا مرحبا
كان ودي في اوربا لكن راح تصادف فصل اشتاء
وما اضن اوروبا في فصل الشتاء بتكون منافسه للشرق اسيا فهناك الجو معتدل طول العام وهذي ميزه تحسب للشرق اسيا
اسعدني مرورك وافرحتني بتقديم رايك

asoka
asoka
lady travel
يا اهلا وسهلا
الدول اوروبيه جميله وراي موفق لمن اختارها
لكن المشكله كم ذكرت ستكون مصادفه للفصل الشتاء وانا والله يا اخيك ماني بحب البرد ولا الثلج وراح ننحرم من مناظر الجمال الي في اوروبا الي راح تكسيه الثلوج
اسعدني في المرور واشكرك على الاقتراح

asoka
asoka
الرجاء من الاخوان التفاعل في الموضوع وتقديم اقتراحتهم ومساعدتي في الاختيار الصحيح
في انتظاركم يا اخوان

نـــزّاف
نـــزّاف
/
السلام عليكم ورحمة الله
الله يتمم عليكم ب خير و يجمع بينكما على خير
للأسف أنا غير مؤهل ل ترتيب رحلة ب حجم ( شهر العسل )
لكن كل اللي أقدر أفيدك فيه ... عدة مواضيع بسيطة تقدر تاخذلك فرّه ع الطاير يمكن تفيدك
1
هنا المدن الرومنسية حول العالم
https://artravelers.com/p/re/471680
2
https://artravelers.com/p/re/686173
3
https://artravelers.com/p/re/505898
4
https://artravelers.com/p/re/498288
5
https://artravelers.com/p/re/547518
6
https://artravelers.com/p/re/766841
7
https://artravelers.com/p/re/791985
8
https://artravelers.com/p/re/421101
تحيتي لك
/

aboaziz
aboaziz
بنسوار
بأي شهر ميلادي سفرتكم ؟


خصم يصل إلى 25%